Yoona 2:22 - A̠lyiat A̠gwaza na di̠n Tyap: A̠li̠ka̠uli A̠fai

²² A̱wot nang á̱ ku nta̱ngam gu ma̱ng swuan ma̱ á̱niet ba̱ ka̱n kwi a̱ni, mman ta̱m nggu na si̱ jhyung nang gu ku nhyia̱ a̱nia. A̱wot ba̱ si̱ nwuak a̱chuchuk da̱ A̱lyiat A̱gwaza nang á̱ lyuut a̱ni, ma̱ng kyang hu nang Yesu ku hyia̱ a̱ni.

Yoona 2:22 Iomraidhean Croise

Luka 24:26

N wa ngyei á̱ ku tak á̱zanson kpa̱sai; nang Kristi na nswuo a̱bung di̱ nkyang nani, a̱ sii du san a̱kyenkyai shi nggu wu a?”

Luka 24:44

A̱jawa Yesu si̱ nyia̱, “Jen nang n ku nshya̱ ndung ma̱ng a̱nyin a̱ni, n ku ntak ma̱ng a̱nyin á̱zanson nang kuzang a̱lyiat nang á̱ lyuut tazwa nung mi̱ doka Musa ji ma̱ng a̱yaata̱m a̱kwonu A̱gwaza ba, mbeang Za̱bura a̱ni; ku yet ta hwa na̱ bai da̱ a̱nu ka.”

Yoona 12:16

Da̱ a̱chak a̱kya mman ta̱m Yesu na ku fi̱k kyang hu ku bai a̱ni bah. Jen nang Yesu ku ba̱ ndoot á̱ si̱ nwuak gu a̱kyenkyai shi a̱ni; jija mman ta̱m na ku njhyung nang á̱ ndyuut nkyang nani tazwa nggu. A̱wot nkyang na si̱ bai ma̱ cha̱chaat da̱ a̱nu ka nang á̱ ndyuut na a̱ni.

Yoona 14:26

A̱wot A̱tyu Beang wu, nggu wa yet A̱za̱za̱rak Ntswa nang A̱tyia̱ wu na ta̱m ndyo da̱ a̱kwonu nung a̱ni; nggu wa na tyiet nyin kuzang kyang. A̱wot a̱ bu jhyung nyin a̱mgba̱m kuzang kyang nang n ka̱n hyia̱ ma̱ng a̱nyin a̱ni.

Yoona 16:4

Huhwa mbyia̱ n shei nyin á̱lyiat nani, da̱nian ka̱ jen ji ba̱ nyia̱ nang á̱niet ba na nnyia̱ nkyang nani a̱ni; nyi ka jhyung nyi lyen nang n ku mi̱ ngba nyin da̱ na. N ku nhyia̱ ma̱ng a̱nyin nkyang nani neet di̱n tsa hu bah, mat n ku shya̱ dundung ma̱ng a̱nyin.

Yoona 2:11

Si̱ huni hwa yet a̱son kyang a̱ga̱de nang Yesu ku nyia̱ a̱ni. A̱ ku nyia̱ hu ma̱ a̱keang Kana ka̱ shya̱ ma̱ a̱byin Ga̱lili a̱ni. A̱ja wa nang gu nnyia̱ a̱lama wuni a̱ tyai a̱kyenkyai shi nggu wu. Mman ta̱m nggu na mameang, ba̱ si̱ nwuak a̱chuchuk da̱ nggu ba̱t.

Yoona 2:17

A̱jawa mman ta̱m nggu na si̱ kin jhyung nang á̱lyiat nani mbai cha̱chaat ma̱ng kyang nang á̱ lyuut ma̱ A̱lyiat A̱gwaza na a̱ni nyia̱, “N kwi swam za̱m tazwa A̱li Nwuat Za̱nang A̱gwaza mi̱ fwuo nung hu.”

Yoona 2:2

á̱ ku mun á̱ hyia̱ ma̱ng Yesu nyeang hu. A̱ si̱ nat dundung ma̱ng mman ta̱m nggu na.

Nta̱m A̱yaata̱m 11:16

A̱jawa n si̱ kin jhyung á̱lyiat A̱tyoli Yesu na nang gu ku nnyia̱, ‘Yoona ku nyia̱ ba̱ptisman ji ma̱ng a̱sa̱khwot. A̱wot nyin, á̱ na nyia̱ nyin ndyo ma̱ng A̱za̱za̱rak Ntswa wa.’

Nta̱m A̱yaata̱m 13:33

A̱wot ma̱ninika, A̱gwaza tyia̱ a̱li̱ka̱uli wu si̱ bai da̱ a̱nu ka da̱ a̱vwuo nzi̱t; nzi̱t zi̱ yet á̱ka̱mbwon mba na a̱ni, mat si̱sak nang á̱ ku nta̱ngam Yesu ma̱ á̱niet ba̱ ka̱n kwi a̱ni. Ma̱nang á̱ ndyuut mami a̱gba̱ndang zwunzwuo a̱feang Za̱bura wu tazwa Yesu a̱ni: ‘A yet Nggwon nung kya. A̱fwun, n gyet A̱tyia̱ ang wa.’