Yoona 2:21 - A̠lyiat A̠gwaza na di̠n Tyap: A̠li̠ka̠uli A̠fai

²¹ A̱li Nwuat Za̱nang A̱gwaza ka nang Yesu ku lyiat a̱ni; vam nggu hu hwa.

Yoona 2:21 Iomraidhean Croise

Yoona 1:14

Swang A̱lyiat ji ku tyia̱ a̱tyubishyi. A̱ si̱ swan dundung ma̱ng a̱nzi̱t. Zi̱ si̱ li a̱kyenkyai shi nggu wu. A̱ si̱ byia̱ shok ma̱ng a̱chuchuk gba̱mgbam. A̱kyenkyai shi wuni wa ku tak nang gu ma̱nyin gu neet da̱ a̱vwuo A̱gwaza.

Yoona 2:22

A̱wot nang á̱ ku nta̱ngam gu ma̱ng swuan ma̱ á̱niet ba̱ ka̱n kwi a̱ni, mman ta̱m nggu na si̱ jhyung nang gu ku nhyia̱ a̱nia. A̱wot ba̱ si̱ nwuak a̱chuchuk da̱ A̱lyiat A̱gwaza nang á̱ lyuut a̱ni, ma̱ng kyang hu nang Yesu ku hyia̱ a̱ni.

1 A̱korontiyawa 3:16

Nyi lyen nang nyi ngyet A̱li Nwuat Za̱nang A̱gwaza kyaa? A̱wot A̱za̱za̱rak Ntswa A̱gwaza wu si̱ shya̱ ma̱ nyin a?

1 A̱korontiyawa 6:19

Nyi ka̱n fi̱k nang nvam nyin na ngyet a̱li A̱za̱za̱rak Ntswa kya baa? A̱za̱za̱rak Ntswa wu swan mami nyin, a̱wot A̱gwaza wa nang nyin nggu baa? A̱wot nyin bya, byia̱ á̱pyia̱ nyin bah,

2 A̱korontiyawa 6:16

Yihwa mun A̱li Nwuat Za̱nang A̱gwaza ma̱ng tutu ghwughwu a̱gwaza sang swuan? Mat zi̱ bya yet A̱li Nwuat Za̱nang A̱gwaza ka. Ma̱nang A̱gwaza wu nhyia̱ a̱ni, nyia̱, “Nung, A̱gwaza, n nyia̱ ‘N na swan dundung ma̱ng a̱mba, a̱wot n chong ma̱ a̱ka̱wa̱tyia̱ mba. N na gyet A̱gwaza mba. A̱wot mba meang, ba̱ na yet á̱niet nung.’

A̱kolosiyawa 1:19

Mat a̱mgba̱m shim A̱gwaza hwa nang gu ntyai a̱mgba̱m za̱kwa nggu ji mami vam Kristi.

A̱kolosiyawa 2:9

Mat mi̱ Kristi wa ma̱nyin nggu nang á̱ ndi a̱jhyem za̱kwa A̱gwaza wu mi̱ vam a̱tyubishyi.

Ibriniyawa 8:2

Yesu shya̱ a̱ja, a̱ ni̱ nyia̱ nta̱m a̱gba̱ndang pris na da̱nian nzi̱t ma̱ A̱za̱za̱rak A̱vwuo, a̱ yet Suswak ku shya̱ Ma A̱gwaza tswazwa. Ku yet a̱tsatsak A̱za̱za̱rak Suswak ku nwai yet tat a̱tyubishyi a̱ni. A̱gwaza wa ma̱ a̱pyia̱ nggu tat hu.