Yoona 2:2 - A̠lyiat A̠gwaza na di̠n Tyap: A̠li̠ka̠uli A̠fai

² á̱ ku mun á̱ hyia̱ ma̱ng Yesu nyeang hu. A̱ si̱ nat dundung ma̱ng mman ta̱m nggu na.

Yoona 2:2 Iomraidhean Croise

Matyu 12:19

A̱ na nyia̱ a̱yaat bah. Da̱ nggu, a̱ na ngai bah. Da̱ a̱yin, a̱ na fa̱k gu nyia̱ a̱gugwong di̱n vak bah.

Matyu 25:40

“A̱wot nung A̱gwam wu, n na nwuak mba shim nyia̱, ‘N tak nyin a̱tsak a̱lyiat, jen nang nyi ku mbeang a̱tyu a̱ swak ma̱ng yet a̱da̱dei hu ma̱ á̱na̱nyiuk nung mba a̱ni, nung gwa nyi ku beang.’

Matyu 25:45

“A̱jawa nung, A̱gwam wu na nwuak ba shim nyia̱, ‘N tak nyin a̱tsak a̱lyiat, mi̱ jen ji̱ swak a̱ni, nang nyi ku ndak beang a̱tyo nyiung a̱ swak ma̱ng yet a̱da̱dei hu ma̱ á̱na̱nyiuk nung ba a̱ni, nung gwa nang nyi ku lak beang hu.’

Yoona 2:12

Nang á̱ ku ntyak nyeang hu a̱ni, Yesu mbeang a̱yang byin nggu wu, ma̱ng á̱na̱nyiuk nggu ba, ma̱ng mman ta̱m nggu na, ba̱ si̱ nat a̱keang Ka̱fanahum. Ba̱ si̱ ya mbwuo mmam a̱ja.

Yoona 2:17

A̱jawa mman ta̱m nggu na si̱ kin jhyung nang á̱lyiat nani mbai cha̱chaat ma̱ng kyang nang á̱ lyuut ma̱ A̱lyiat A̱gwaza na a̱ni nyia̱, “N kwi swam za̱m tazwa A̱li Nwuat Za̱nang A̱gwaza mi̱ fwuo nung hu.”

Yoona 2:22

A̱wot nang á̱ ku nta̱ngam gu ma̱ng swuan ma̱ á̱niet ba̱ ka̱n kwi a̱ni, mman ta̱m nggu na si̱ jhyung nang gu ku nhyia̱ a̱nia. A̱wot ba̱ si̱ nwuak a̱chuchuk da̱ A̱lyiat A̱gwaza nang á̱ lyuut a̱ni, ma̱ng kyang hu nang Yesu ku hyia̱ a̱ni.

Yoona 2:3

Jen nang á̱ nswuo a̱nya̱nyiat a̱sa̱khwot a̱na̱p wu á̱ tyak a̱ni, a̱jawa a̱yang byin Yesu wu si̱ nyia̱ ma̱ng a̱nggu a̱ni, “Ba̱ swuo a̱nya̱nyiat a̱sa̱khwot a̱na̱p wu á̱ tyak.”

Yoona 3:22

Nang Yesu ntyak a̱lyiat nani a̱ni, a̱ si̱ doot mbeang mman ta̱m nggu na. Ba̱ si̱ nat di̱ fam a̱byin Yahudiya. A̱ si̱si̱ labeang dundung ma̱ng a̱mba, nang gu nyia̱ á̱niet ba̱ptisman ji a̱ja.

Yoona 4:2

(Mami a̱chuchuk, Yesu wa ma̱ a̱pyia̱ nggu ku nyia̱ ba ba̱ptisman ji bah. Mman ta̱m gu ni̱nia ku nyia̱.)

Yoona 4:33

A̱jawa mman ta̱m na si̱ lyi̱ri̱m á̱ghyang mba, nyia̱, “A̱yin ka̱n bai ma̱ng a̱nggu kyayak hwa kee?”

Yoona 4:8

(Di̱n jen a̱ja nang mman ta̱m nggu na nat san kyayak mami a̱keang).

Yoona 6:12

Nang á̱niet ba ngya nkyayak na ba̱ si̱ swa̱i a̱ni, a̱jawa Yesu si̱ nyia̱ ma̱ng mman nta̱m nggu na a̱ni, “Nyi tung á̱kum kyayak na̱ bwat a̱ni, kalak na̱ byian.”

Yoona 6:16

Nang jenshyung nnyia̱ a̱ni, a̱jawa mman ta̱m Yesu na si̱ doot, ba̱ si̱ kpa̱k á̱ chyok á̱ nat a̱tak a̱gba̱ndang jok ka.

Yoona 6:60

Nang mman nta̱m Yesu ma̱ a̱di̱di̱t nfa̱k tyiet gu hu a̱ni, ba̱ si̱ nyia̱, “Tyiet ang hu vwuo a̱khwu ba̱t! A̱nyan wa na san huu?”

Yoona 6:66

Mat a̱nia wa á̱niet ma̱ a̱di̱di̱t ba̱ ku khwi Yesu a̱ni, ba̱ si̱ bwuok lilyim. Ba̱ si̱ lak khwi nggu hu.

Yoona 6:67

Yesu si̱ lyip a̱yaata̱m swak ma̱ a̱feang gu ba, “Nyin mameang, nyi chat nyi nkat a?”

Yoona 6:70

Yesu si̱ nyia̱ ma̱ng mman ta̱m nggu na a̱ni, “N ku khai nyin swak ma̱ a̱feang. A̱mgba̱m ma̱ng a̱nia, a̱tyo nyiung ma̱ nyin yet A̱ta̱nyeang!”

Yoona 6:71

Yesu ku lyiat a̱lyiat nani tazwa Yahuda, a̱fai Siman Iska̱riyoti. Mat Yahuda, byi̱ri̱ng ma̱ng yet a̱tyo nyiung mami a̱ta̱m swak ma̱ a̱feang a̱bya nang Yesu ku khai a̱ni, a̱ ku yet a̱bang a̱byin a̱ na bwuk ma̱ng Yesu a̱ni.

Yoona 6:8

A̱jawa a̱tyo nyiung mami mman ta̱m Yesu na nang á̱ ku ngyei Anda̱rawut a̱ni, a̱na̱nyiuk Siman Bitut, si̱ nyia̱,

Yoona 7:3

huhwa á̱na̱nyiuk Yesu ba si̱ nyia̱ ma̱ng a̱nggu a̱ni, “Ku myim a ghwon a̱vwuo kani a nat fam a̱byin Yahudiya. Da̱nian mman ta̱m ang na ba̱ ka li ntangka̱i a̱cha̱chet nta̱m nang a nyia̱ a̱ni.

Nta̱m A̱yaata̱m 11:26

Nang Ba̱nabat nshya̱ Sha̱wulu a̱ni, a̱ si̱ bai ma̱ng a̱nggu Antakiya. A̱mgba̱m ba, ba̱ si̱ swan a̱ja dundung ma̱ng sot á̱niet khwi ji. Ba̱ si̱ nyia̱ a̱lyia̱ a̱nyiung nang ba̱ tyiet á̱kpa á̱niet khwi ma̱ a̱di̱di̱t. (Ma̱ a̱keang Antakiya kya nang á̱ ku ntsa yei á̱niet khwi ba a̱lyoot, “Á̱niet khwi Kristi.”)

Nta̱m A̱yaata̱m 11:29

Mat a̱nia, a̱mgba̱m á̱niet khwi ba ba̱ shya̱ Antakiya a̱ni, ba̱ si̱ la̱p á̱ sak; ba̱ si̱ tung nkyayak, ba̱ nat ba̱ si̱ mbeang á̱niet khwi ba ba̱ shya̱ Urusha̱lima mi̱ fam a̱byin Yahudiya hu a̱ni. Konyan ku nwuak cha̱chaat ma̱ng kyang nang gu byia̱ a̱ni.

1 A̱korontiyawa 10:31

Mat a̱nia, ku nyi ya ku nyi swuo wa, kuzang kyang nang nyi nyia̱ a̱ni, nyi ni̱ nyia̱ nhu da̱nian nyi ka nwuak A̱gwaza shi.

1 A̱korontiyawa 7:39

Ka̱ a̱tyok a̱byii̱k ni̱ shya̱ ma̱ng swuan, ku myim a̱byii̱k wu a̱ tyat nyeang ma̱ng a̱tyok wu bah. Ka̱ a̱tyok wu ma ka̱n khwu, á̱ shim a̱byii̱k wu ndyo gu nyeang a̱tyok a̱ghyang nang fwuo nggu hu chat a̱ni. A̱wot ku yet ta hwa a̱tyok wu a̱ yet a̱tyu khwi A̱gwaza.

A̱kolosiyawa 3:17

A̱wot nang nyi ngyet á̱niet ba̱ yet á̱ghyi A̱tyoli Yesu bya a̱ni, a̱mgba̱m kuzang kyang nang nyi lyiat nyi si̱ nyia̱ a̱ni, nyi ni̱ nyia̱ kyang ku myim gu wa a̱ni. Nyi ya a̱son ma̱ng gwai A̱gwaza mat Yesu a̱ yong da̱ a̱kwonu nzi̱t a̱ni.

Ibriniyawa 13:4

A̱mgba̱m á̱tyok ma̱ng á̱nyiuk, nyi yok jhyuai swat nyeang bah. Ku myim nyi swan a̱tsotswat nswat ma̱ng á̱ghyang nyin. A̱wot nyi yok katnaan ma̱ng á̱tyok á̱ghyang ku á̱nyiuk á̱ghyang ma̱ zan bah. A̱tsak a̱lyiat, A̱gwaza na nyia̱ á̱niet katnaan ma̱ng á̱niet a̱shi̱shi̱k nyia̱ shi̱ri̱ya.

Tyai Á̱zanson 3:20

Nyi fa̱k! Di, nung gwa wu! N gyong a̱zanunyuo ka tsot nyinyiit hu. Ka̱ nyi fa̱k a̱nwuat nung ka, nyi si̱ khwuk nyinyiit hu; n na nnwuo, a̱wot zi̱ na ya kyayak dundung nang á̱kpa̱ndang á̱ghyang a̱ni.