Yoona 2:19 - A̠lyiat A̠gwaza na di̠n Tyap: A̠li̠ka̠uli A̠fai

¹⁹ Yesu si̱ nwuak ba shim nyia̱, “Nyi bi̱ri̱m A̱li Nwuat Za̱nang A̱gwaza kani. Nung mameang, mami mam ntat, n bu na nok ka.”

Yoona 2:19 Iomraidhean Croise

Matyu 12:40

Ma̱nang Yunana ku nnyia̱ mam a̱tat ma̱ng a̱tyetuk a̱tat a̱mafa a̱gba̱ndang a̱fa̱n ka a̱ni, a̱nia wa nang Nggwon A̱tyubishyi ka, na nnyia̱ mmam tat ma̱ng a̱tyetuk ntat nang ka̱ shya̱ mami a̱tsuung lyak wu mi̱ swanta hu.

Matyu 16:21

Neet di̱n jen a̱ja, Yesu si̱ nwuo shei ma̱ng mman ta̱m nggu na, nang ku ngyet gu ta hwa gu nat Urusha̱lima, a̱ si̱ swuo a̱bung di̱ nkyang ma̱ a̱di̱di̱t mbwak á̱niet khwop á̱niet, a̱cha̱chet a̱yaapris ma̱ng á̱niet tyiet doka. A̱wot á̱ hyat gu, a̱tuk mam tat ka, a̱ doot ma̱ng swuan ma̱ á̱niet ba̱ ka̱n kwi a̱ni.

Matyu 27:40

Ba̱ si̱ khwot a̱gugong nyia̱, “Aap! Nwan a̱tyu a̱ nyia̱, ‘N na bi̱ri̱m A̱li Nwuat Za̱nang A̱gwaza ka, n bu nok a̱ghyang mami mam tat a̱ni.’ Ka a yet Nggwon A̱gwaza kya za̱m, san a̱pyia̱ ang, a chyok da̱ a̱team a̱khwu bai a̱byin, zi̱ li la!”

Matyu 27:63

Ba̱ si̱ nyia̱, “A̱tyoli, zi̱ jhyung kyang nang a̱tyu laai á̱niet a̱wa a̱ ku kyiak a̱pyia̱ nggu nang A̱gwaza a̱ni, ku hyia̱ neet nang gu ni̱ shya̱ a̱chet a̱ni nyia̱: Ka̱ á̱ bwuo mam tat, a̱ na doot ma̱ng swuan ma̱ á̱niet ba̱ ka̱n kwi a̱ni.

Ma̱rkut 14:58

“Zi̱ ku fa̱k gu nyia̱ a̱ na bi̱ri̱m A̱li Nwuat Za̱nang A̱gwaza kani nang á̱ nok ma̱ng bwak á̱nietbishyi a̱ni. A̱wot mami mam tat, a̱ nok a̱ghyang nang á̱ si̱ mi̱n nok ma̱ng bwak á̱nietbishyi a̱ni bah.”

Ma̱rkut 15:29

Á̱niet ba̱ ku sweap a̱ni, si̱ mai nggu di̱ lihyat, ba̱ si̱ kang pyipyia̱ mba nyia̱, “Aap! Nwan a̱tyu a̱ nyia̱ a̱ na bi̱ri̱m A̱li Nwuat Za̱nang A̱gwaza ka, a̱ bu nok ka mami mam ntat a̱ni;

Ma̱rkut 8:31

A̱wot Yesu si̱ nwuo tyiet mman ta̱m nggu na tazwa a̱pyia̱ gu nyia̱; ku yet ta hwa Nggwon A̱tyubishyi ka̱ swuo a̱bung da̱ a̱ka̱tuk nkyang ma̱ a̱di̱di̱t. A̱wot á̱niet khwop á̱niet, a̱cha̱chet a̱yaapris, ma̱ng á̱niet tyiet doka na lak ka, á̱ bu hyat ka. A̱mgba̱m ma̱ng a̱nia, a̱tuk mam tat ka, ka̱ na doot ma̱ng swuan ma̱ á̱niet ba̱ ka̱n kwi a̱ni.

Yoona 11:25

Yesu si̱ nyia̱ ma̱ng a̱nggu a̱ni, “Nung gwa ngyet a̱tyu ya̱ngam á̱niet ba̱ ka̱n kwi a̱ni ma̱ng swuan. Nung gwa si̱ bu ngyet swuan ji. A̱tyu a̱ nwuak fwuo da̱ nung a̱ni, a̱ na shya̱ swuan, ku nang gu khwu.

Yoona 5:19

A̱jawa Yesu si̱ wa̱i a̱lyiat nyia̱, “N na hyia̱ ma̱ng a̱nyin a̱chuchuk; Nggwon A̱gwaza ka nyian kuzang kyang ma̱nyin ka bah; a̱ ni̱ nyia̱ kuzang nkyang nang gu li nang A̱tyia̱ wu nyia̱ wa a̱ni. Mat kuzang kyang nang A̱tyia̱ wu nyia̱ a̱ni; huhwa nang Nggwon ka nyia̱ mameang.

Nta̱m A̱yaata̱m 2:24

A̱mgba̱m ma̱ng a̱nia, A̱gwaza si̱ ti̱n nggu mi̱ swuo a̱bung a̱khwu. A̱ si̱ ta̱ngam gu ma̱ng swuan ma̱ á̱niet ba̱ ka̱n kwi a̱ni. Mat a̱khwu ka byia̱ chet ku maai ba̱ng nggu a̱ni bah!

Nta̱m A̱yaata̱m 2:32

“A̱gwaza ta̱ngam Yesu wuni ma̱ng swuan ma̱ á̱niet ba̱ ka̱n kwi a̱ni. A̱wot a̱mgba̱m nzi̱t, zi̱ ku li kyang huni ma̱ng á̱ghyi nzi̱t ba.

Nta̱m A̱yaata̱m 3:15

Nyi si̱ hyat Yesu, a̱tyu a̱ yet a̱tyin nswuan ka a̱ni. A̱wot A̱gwaza si̱ ta̱ngam gu ma̱ng swuan ma̱ á̱niet ba̱ ka̱n kwi a̱ni. A̱wot nzi̱t ma̱ á̱pyia̱ nzi̱t, zi̱ si̱ li nkyang na̱ shya̱ Yesu a̱ni ma̱ng á̱ghyi nzi̱t!

Nta̱m A̱yaata̱m 3:26

“Jen nang A̱gwaza ku nkhai a̱khwo nggu wu Yesu a̱ni, a̱ si̱ tsa ta̱m nggu da̱ a̱vwuo nyin á̱niet Isi̱rela. Da̱nian gu ka nang nyin a̱li̱ba̱rka di̱ si̱sak ji nang gu na ntyia̱ konyan ma̱ nyin a̱ ghwon a̱ka̱tuk nyia̱ nggu wu, a̱ bwuok a̱ khwi A̱gwaza a̱ni.”

Nta̱m A̱yaata̱m 6:14

Zi̱ ka̱n fa̱k nang gu nyia̱ Yesu a̱tyu Na̱za̱ra̱t wuni na bi̱ri̱m A̱li Nwuat Za̱nang A̱gwaza ka, a̱wot a̱ shyak a̱mgba̱m taada nang Musa ghwon nzi̱t ndyo a̱ni!”

A̱romawa 4:24

da̱nian kpangti̱n nzi̱t meang, ku tak nang A̱gwaza na ntak kpa̱sai nang gu kyiak zi̱t á̱tsotswat ma̱ng sang a̱bun a̱zaghyi nggu, ka̱nang zi̱ nwuak fwuo da̱ A̱gwaza, a̱tyu a̱ ta̱ngam A̱tyoli nzi̱t wu Yesu ma̱ng swuan ma̱ á̱niet ba̱ ka̱n kwi a̱ni.

A̱romawa 6:4

A̱wot ku li a ngyei zi̱ ku khwu, á̱ si̱ niat nzi̱t ndung ma̱ng Kristi mi̱ Ba̱ptisman ji. A̱wot ma̱nang á̱ ku nta̱ngam Kristi ma̱ng swuan ma̱ á̱niet ba̱ ka̱n kwi a̱ni, mat chet A̱gwaza a̱ yet A̱tyia̱ a̱ byia̱ a̱kyenkyai shi a̱ni, ma a̱nia wa ma̱ninika nzi̱t meang, zi̱ na swan swat swuan swai.

A̱romawa 8:11

A̱wot A̱za̱za̱rak Ntswa A̱gwaza wu a̱ ku ta̱ngam Yesu ma̱ng swuan ma̱ á̱niet ba̱ ka̱n kwi a̱ni, nggu wa shya̱ mi̱ nfwuo nyin na. A̱wot ma̱nang A̱gwaza nta̱ngam Kristi Yesu ma̱ng swuan ma̱ á̱niet ba̱ ka̱n kwi a̱ni; ma a̱nia wa a̱ na nwuak nvam nyin na na̱ kwi a̱ni swuan sang sangba̱p, mat ma̱ nggu A̱za̱za̱rak Ntswa wuni a̱ shya̱ mi̱ fwuo nyin na a̱ni.

1 A̱korontiyawa 15:12

Ma̱ninika, ki̱ zi̱ shei a̱lyiat A̱gwaza na nyia̱ Kristi ku khwu, a̱ si̱ doot ma̱ng swuan ma̱ á̱niet ba̱ ka̱n kwi a̱ni; yihwa mbyia̱ nang á̱ghyang ma̱ nyin nnyia̱ di̱ á̱niet ba̱ ka̱n kwi a̱ni, na doot ma̱ng swuan bah?

A̱kolosiyawa 2:12

Jen nang á̱ ku nnyia̱ nyin ba̱ptisman ji a̱ni, ku yet kidee nyi ku khwu á̱ si̱ niat nyin dundung ma̱ng Kristi wa. A̱wot á̱ si̱ bu ta̱ngam nyin dundung ma̱ng a̱nggu. Nyi si̱ shya̱ swuan swai mat nyi nwuak fwuo di̱n chet A̱gwaza. Nggu wa ku ta̱ngam Kristi ma̱ng swuan ma̱ á̱niet ba̱ ka̱n kwi a̱ni.

1 Bitut 3:18

A̱tsak a̱lyiat, Yesu ma̱ a̱pyia̱ nggu ku swuo a̱bung da̱ a̱ka̱nyiung mat a̱ka̱tuk nyia̱ nzi̱t wu. A̱wot a̱ bu na swuo a̱bung bah. A̱ ku yet a̱tsotswat wa. A̱wot a̱ si̱ khwu da̱nian á̱niet a̱ka̱tuk nyia̱, gu ka neap zi̱t a̱za̱za̱rak a̱zaghyi A̱gwaza. Á̱ ku hyat gu mi̱ vam hwa. A̱wot á̱ si̱ ta̱ngam gu ma̱ng swuan mami A̱za̱za̱rak Ntswa.