Yoona 2:18 - A̠lyiat A̠gwaza na di̠n Tyap: A̠li̠ka̠uli A̠fai

¹⁸ A̱cha̱chet A̱yahudawa ba si̱ bwuok á̱ bai da̱ a̱vwuo nggu. Ba̱ si̱ lyip gu nyia̱, “Zang kyang a̱ga̱de hwa nang a na nyia̱ nzi̱t ndyo ku yet a̱lama a̱ tak a byia̱ tyok a nyia̱ tangka̱i kyang huni?”

Yoona 2:18 Iomraidhean Croise

Matyu 21:23

Nang Yesu mbwuok a̱ nat didyaat A̱li Nwuat Za̱nang A̱gwaza hu a̱ni, a̱ si̱ nwuo tyiet. A̱cha̱chet a̱yaapris ma̱ng á̱niet khwop á̱niet si̱ neet á̱ bai da̱ a̱vwuo nggu. Ba̱ si̱ kwop a̱dyii̱ng, ba̱ si̱ zop Yesu nyia̱, “Zang tangka̱i tyok hwa nang a byia̱ nnyia̱ nkyang nani? A̱wot a̱nyan wa nwuak ang tyok hu?”

Ma̱rkut 8:11

Nang A̱fa̱risawa á̱ghyang nfa̱k nkhang nyia̱ Yesu bai a̱ni, ba̱ si̱ bai da̱ a̱vwuo Yesu. Ba̱ si̱ ta̱bat fwuang ma̱ng a̱nggu. Ba̱ chat mak gu. A̱wot ba̱ si̱ nyia̱ ma̱ng a̱nggu, gu nyia̱ mba kyang a̱ga̱de ku neet Ma A̱gwaza tswazwa ku yet a̱lama a̱ tak tyok nggu hu a̱ni.

Luka 11:29

Nang á̱kpa á̱niet ma̱ a̱di̱di̱t ntung ba̱ si̱ tyong Yesu á̱ keang a̱ni, huhwa gu si̱ lyiat ma̱ng a̱mba nyia̱, “Á̱niet a̱ka̱tuk nche bani yong mi̱ di̱ lyi̱ri̱m nung n tak a̱lama a̱ri̱bi̱di a̱ tak nang A̱gwaza wa nta̱m nung a̱ni. Mi̱ a̱lama a̱ri̱bi̱di wu n na ntak ma̱ng a̱mba a̱ni; nggu wa yet a̱si̱ Yunana, a̱ta̱m a̱kwonu A̱gwaza wu.

Yoona 1:19

Á̱lyiat nani nia yet á̱si̱ nang Yoona ku tak kpa̱sai di̱n jen nang a̱cha̱chet A̱yahudawa Urusha̱lima ba ku nta̱m a̱yaapris ba mbeang A̱li̱viyawa ba, nyia̱ ba̱ lyip Yoona, “Nwan wa yet a̱nyan?”

Yoona 1:25

ba̱ si̱ lyip Yoona nyia̱, “Ka̱ nwan wa yet Kristi wu bah, a̱wot a bu yet Iliya bah, da̱ nwan a bu yet a̱ta̱m a̱kwonu A̱gwaza bah; mi̱ yihwa mbyia̱ nang a nnyia̱ á̱niet ba ba̱ptisman ji?”

Yoona 6:30

A̱jawa á̱niet ba si̱ nyia̱ ma̱ng Yesu a̱ni, “Zang tangka̱i kyang a̱ga̱de hwa ku yet a̱lama nang a na nyia̱ nzi̱t ndyo zi̱ li, zi̱ ka nnwuak fwuo da̱ nwan? Yihwa a na nyia̱?

Nta̱m A̱yaata̱m 4:7

Ba̱ si̱ tyia̱ á̱ nwuo ma̱ng Bitut ma̱ng Yoona ma̱ a̱tung ka. Ba̱ si̱ lyip mba, nyia̱, “Zang tyok hwa, ku a̱lyoot a̱nyan kya, nang nyi nnyia̱ kyang huni?!”

Nta̱m A̱yaata̱m 5:28

“Wa ngyei zi̱ ku khwat nyin a̱fufwuo nyia̱ di̱ nyi yok tyiet tazwa a̱tyu wuni baa?! A̱wot da̱ a̱kwonu a̱kya, nyi tyia̱ a̱mgba̱m á̱niet ba mi̱ Urusha̱lima ba̱ fa̱k tyiet nyin hu! A̱wot zi̱ bya nang nyi chat bat zi̱t jat a̱khwu nggu ji!”