Yoona 2:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ Yesu si̱ kam á̱niet ba̱ lyiai a̱yaabwa a̱mali ba a̱ni nyia̱, “Nyi kwok nkyang nyin na a̱ji, nyi doot! Nyi yok bwuak A̱li A̱tyia̱ nung ka ntyia̱ a̱vwuo a̱bwuang bah!”

Yoona 2:16 Iomraidhean Croise

Matyu 21:12

Yesu si̱ nwuo didyaat A̱li Nwuat Za̱nang A̱gwaza hu. A̱ si̱ vwuong á̱niet a̱bwuang a̱ ghwut ndyo. A̱ si̱ ghyun a̱yaatyii á̱niet shai a̱ka̱kurum ma̱ng chuchuk á̱niet lyiai a̱yaabwa.

Matyu 21:13

Yesu si̱ nyia̱ ma̱ng a̱mba, “Á̱ lyuut mami A̱lyiat A̱gwaza na nyia̱, ‘Á̱ na ngyei a̱li nung ka, A̱li naai A̱gwaza.’ “A̱wot nyi bwuak ka ntyia̱ kuu ya̱khwi á̱niet á̱tsaai!”

Matyu 22:5

“A̱wot á̱nietchen ba nang a̱gwam wu yei a̱ni, si̱ lak bai nyeang hu. A̱wot konyan si̱ nkat vak gu! A̱ghyang a̱niet si̱ nkat khap, a̱ghyang a̱niet si̱ nkat a̱bwuang.

Ma̱rkut 11:17

A̱ si̱ bu gba mba nyia̱, “N gyei á̱ lyuut ma̱ A̱lyiat A̱gwaza na nyia̱, ‘A̱li nung ka na yet a̱li naai A̱gwaza kya a̱mgba̱m nnwap mi̱ swanta naa?’ Da̱ a̱kwonu a̱kya, nyi bwuak ka ntyia̱ kuu á̱niet á̱tsaai!”

Luka 2:49

Yesu si̱ myiai a̱nu, a̱ si̱ lyip ba nyia̱, “Yihwa mbyia̱ nyi nchat nung? Nyi lyen nang ku ngyet ta hwa n nyia̱ ta̱m A̱tyia̱ nung hu baa?”

Yoona 10:29

A̱tyia̱ nung wu a̱ nwuak nung mba a̱ni, a̱ swak ma̱ng shi hu. A̱wot á̱ byia̱ a̱tyu á̱ na ta̱wap mba bwak A̱tyia̱ nung ka a̱ni bah.

Yoona 2:15

A̱jawa Yesu si̱ bat a̱ya̱u. A̱ si̱ nvwuong mbaa a̱ ghwut ndyo mi̱ didyaat A̱li Nwuat Za̱nang A̱gwaza hu, ma̱ng zón seap ji, mbeang nyák ji. A̱ si̱ seang á̱niet shai a̱ka̱kurum ba ma̱ng kurum mba hu. A̱ si̱ bwan a̱yaatyii mba ba a̱ ya̱gurup a̱byin.

Yoona 20:17

Yesu si̱ nyia̱ ma̱ng a̱nggu, “Yok vwuk nung bah, mat n ka̱n bwuok nat tswazwa da̱ a̱vwuo A̱tyia̱ ka bah. Ya mbwuok nat da̱ a̱vwuo á̱na̱nyiuk nung ba, a̱ si̱ hyia̱ ma̱ng a̱mba; n na mbwuok nat tswazwa da̱ a̱vwuo A̱tyia̱ nung ma̱ng A̱tyia̱ nyin, A̱gwaza nung ma̱ng A̱gwaza nyin.”

Yoona 5:17

A̱wot Yesu si̱ nyia̱, “A̱tyia̱ nung nyia̱ nta̱m kuzang jen. A̱wot nung mameang, ku yet ta hwa n nyia̱ ta̱m.”

Yoona 8:49

Yesu si̱ nyia̱, “Nung, n byia̱ a̱ka̱tuk ntswa bah! N nwuat A̱tyia̱ nung wu shi. A̱wot nyin, nyi jhyuai nung.

1 Timoti 6:5

Á̱niet a̱bya la̱u a̱di̱di̱t nyia̱ fi̱p da̱ a̱vwuo á̱niet ba̱ byia̱ a̱ka̱tuk nfwuo a̱ni. Ba̱ si̱ mi̱n fi̱k vak a̱chuchuk hu bah. Ba̱ dam á̱ ngyei khwi A̱gwaza hu yet vak shyat kurum hwa.

2 Bitut 2:3

Mat a̱dodo wuwok mba wu, ba̱ na bai ma̱ng nvak a̱ka̱laa, da̱nian ba̱ ka shya̱ kurum di̱ shyuo nyin. A̱wot A̱gwaza wa ka̱n faat ba shi̱ri̱ya a̱khwu neet a̱fwun bah. Mat a̱nia, a̱khwu mba ka na byian jen bah.