Yoona 2:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ A̱jawa Yesu si̱ bat a̱ya̱u. A̱ si̱ nvwuong mbaa a̱ ghwut ndyo mi̱ didyaat A̱li Nwuat Za̱nang A̱gwaza hu, ma̱ng zón seap ji, mbeang nyák ji. A̱ si̱ seang á̱niet shai a̱ka̱kurum ba ma̱ng kurum mba hu. A̱ si̱ bwan a̱yaatyii mba ba a̱ ya̱gurup a̱byin.

Yoona 2:15 Iomraidhean Croise

Matyu 21:12

Yesu si̱ nwuo didyaat A̱li Nwuat Za̱nang A̱gwaza hu. A̱ si̱ vwuong á̱niet a̱bwuang a̱ ghwut ndyo. A̱ si̱ ghyun a̱yaatyii á̱niet shai a̱ka̱kurum ma̱ng chuchuk á̱niet lyiai a̱yaabwa.

Yoona 18:6

Nang Yesu nnyia̱ ma̱ng a̱mba “Di, nung gwa wu” a̱ni, a̱mgba̱m mba ba̱ si̱ kin tuk lilyim, ba̱ si̱ shyot á̱ kwa̱i a̱byin!

Yoona 2:14

Mami didyaat A̱li Nwuat Za̱nang A̱gwaza hu, a̱ si̱ shya̱ á̱niet a̱bwuang nang ba̱ lyiai nyák, ma̱ng á̱niet lyiai zón seap, ma̱ng á̱niet lyiai a̱yaabwa a̱mali, ma̱ng á̱niet shai a̱ka̱kurum nang ba̱ swan da̱ a̱vwuo nta̱m mba na.

Yoona 2:16

Yesu si̱ kam á̱niet ba̱ lyiai a̱yaabwa a̱mali ba a̱ni nyia̱, “Nyi kwok nkyang nyin na a̱ji, nyi doot! Nyi yok bwuak A̱li A̱tyia̱ nung ka ntyia̱ a̱vwuo a̱bwuang bah!”

Nta̱m A̱yaata̱m 27:32

A̱jawa á̱niet nzwang ba si̱ kin faat ywan hu ku ba̱ng a̱bada̱dei kukwon a̱wak ka a̱ni a̱ tyat! A̱sa̱khwot na si̱ nkat ma̱ng a̱bada̱dei kukwon a̱wak ka.

2 A̱korontiyawa 10:4

Zi̱ byia̱ a̱cha̱chet nkyang nzwang na̱ yet si̱ A̱gwaza nia a̱ni. Na̱ yet á̱si̱ a̱tyubishyi nia bah. Ni̱nia nang zi̱ mbi̱ri̱m a̱ka̱nka̱ra̱ng mbat a̱di̱dam á̱nietbishyi. Zi̱ si̱ bu nseang ya fwuang bwoi a̱ka̱laa hu.