Yoona 2:13 - A̠lyiat A̠gwaza na di̠n Tyap: A̠li̠ka̠uli A̠fai

¹³ Nang jen song A̱yet Ghwut Mman Isi̱rela mi̱ Khwo ji nshim bai kpa̱mkpaan a̱ni, a̱jawa Yesu si̱ doot a̱ nat Urusha̱lima.

Yoona 2:13 Iomraidhean Croise

Matyu 21:12

Yesu si̱ nwuo didyaat A̱li Nwuat Za̱nang A̱gwaza hu. A̱ si̱ vwuong á̱niet a̱bwuang a̱ ghwut ndyo. A̱ si̱ ghyun a̱yaatyii á̱niet shai a̱ka̱kurum ma̱ng chuchuk á̱niet lyiai a̱yaabwa.

Ma̱rkut 11:15

A̱wot nang ba̱ si̱ nnwuo Urusha̱lima a̱ni, Yesu si̱ nwuo mi̱ didyaat A̱li Nwuat Za̱nang A̱gwaza hu. A̱ si̱ vwuong á̱niet lyiai ma̱ng á̱niet kwai nkyang nwuat za̱nang a̱ ghwut ndyo ta̱usa. A̱ si̱ seang a̱yaatyii á̱niet shai kurum ma̱ng nkyang nswat á̱niet lyiai a̱yaabwa.

Luka 19:45

A̱jawa Yesu si̱ nwuo mi̱ didyaat A̱li Nwuat Za̱nang A̱gwaza hu. A̱ si̱ nwuo fi̱n á̱niet a̱bwuang ma̱ng á̱niet lyiai nkyang nzwá nang á̱ na nnwuat za̱nang a̱ni.

Luka 2:41

Kuzang a̱lyia̱, á̱niet mbyin Yesu ba ni̱ nat Urusha̱lima, da̱nian ba̱ ka song A̱yet Ghwut Mman Isi̱rela mi̱ Khwo.

Yoona 11:55

Nang A̱yet Ghwut Mman Isi̱rela mi̱ Khwo wu ku mbai kpa̱mkpaan a̱ni, á̱niet ma̱ a̱di̱di̱t si̱ ghwut á̱ neet ma̱ bachyuang a̱ka̱keang. Ba̱ si̱ nat Urusha̱lima da̱nian ba̱ ka nyia̱ taada kwi vam hu á̱ nfwuong jen Song A̱yet ji.

Yoona 13:1

Neet nang jen song A̱yet Ghwut Mman Isi̱rela mi̱ Khwo ji ka̱ mbai bah, Yesu ku mi̱ ndyen nang jen gu na nghwon swanta huni gu bwuok a̱ nat da̱ a̱vwuo A̱tyia̱ nggu. Mat nang Yesu nchat á̱niet nggu ba, ba̱ shya̱ mi̱ swanta hu a̱ni. A̱wot a̱ si̱ bu tak mba tangka̱i a̱jhyem chat nang gu byia̱ da̱nian mba a̱ni.

Yoona 2:23

Nang Yesu ku nshya̱ ma̱ a̱keang Urusha̱lima di̱n jen A̱yet Ghwut Mman Isi̱rela mi̱ Khwo hu a̱ni, á̱niet ma̱ a̱di̱di̱t ku nwuak fwuo da̱ nggu, mat nkyang a̱ga̱de nang gu nyia̱ a̱ni.

Yoona 5:1

Nang si̱ a̱hwa nswak a̱ni, Yesu si̱ nat Urusha̱lima a̱tuk A̱yet A̱yahudawa a̱ghyang.

Yoona 6:4

A̱wot nang A̱yet Ghwut Mman Isi̱rela mi̱ Khwo wu mbai kpa̱mkpaan a̱ni,