Yoona 2:12 - A̠lyiat A̠gwaza na di̠n Tyap: A̠li̠ka̠uli A̠fai

¹² Nang á̱ ku ntyak nyeang hu a̱ni, Yesu mbeang a̱yang byin nggu wu, ma̱ng á̱na̱nyiuk nggu ba, ma̱ng mman ta̱m nggu na, ba̱ si̱ nat a̱keang Ka̱fanahum. Ba̱ si̱ ya mbwuo mmam a̱ja.

Yoona 2:12 Iomraidhean Croise

Matyu 11:23

“A̱wot nyin á̱niet Ka̱fanahum, nyi fa á̱ na nwuak nyin shi mi̱ kyai tswazwa hwa kee? Kaai, á̱ na chyok ma̱ng a̱nyin á̱ nat ndyo da̱ a̱vwuo nkwom. Ka̱ á̱ wa nyia̱ nkyang a̱ri̱bi̱di nang n nyia̱ nyin dyo a̱ni, nyia̱ ni̱nia nang á̱ wa nyia̱ mi̱ a̱ka̱tuk a̱keang Sodom a̱wa, si̱ a̱ ni̱ shya̱ ba̱ng ba̱ tat a̱fwun.

Matyu 12:46

Nang Yesu nshya̱ da̱ a̱lyiat na ma̱ng á̱kpa á̱niet ka a̱ni, a̱yang byin nggu wu ma̱ng á̱na̱nyiuk nggu ba si̱ bai á̱ ba̱ yong a̱ta̱usa, ba̱ chat lyiat ma̱ng a̱nggu.

Matyu 4:13

Yesu ku ya nnat a̱keang Na̱za̱ra̱t. Nang gu nghwon Na̱za̱ra̱t hu a̱ni, a̱ si̱ bwuok ma̱ng swat hu a̱ nat ndyo ma̱ a̱keang Ka̱fanahum, ka̱ hyia̱k gak a̱gba̱ndang jok Ga̱lili wu a̱ni, mi̱ nfam bibyin nkwaí Za̱bulun ma̱ng Na̱fi̱ta̱li.

Ma̱rkut 6:3

A̱tyu wuni wa yet a̱tyu shap nkyang wu baa? Nggu wa yet nggwon Ma̱ryamu, a̱ bu yet a̱na̱nyiuk Yakubu, Yosi, Yahuda, ma̱ng Siman baa? Á̱na̱nyiuk á̱nap gu bibya shya̱ a̱ji ma̱ng a̱nzi̱t baa?” A̱wot ba̱ si̱ lak fa̱k gu hu.

Yoona 2:2

á̱ ku mun á̱ hyia̱ ma̱ng Yesu nyeang hu. A̱ si̱ nat dundung ma̱ng mman ta̱m nggu na.

Yoona 4:46

Yesu si̱ bu bwuok a̱ nat a̱keang Kana mi̱ fam a̱byin Ga̱lili, a̱keang ka nang gu ku mbwuak a̱sa̱khwot na, na̱ si̱ tyia̱ a̱sa̱khwot a̱na̱p na a̱ni. Á̱ ku byia̱ a̱tyu ta̱m tyok ma̱ a̱keang Ka̱fanahum. A̱ si̱ byia̱ nggwon seam nang ka̱ fa̱k nyinyang bah.

Yoona 6:17

Ba̱ si̱ nwuo kukwon a̱wak. Ba̱ si̱ bwuok lilyim á̱ byei a̱sa̱khwot na á̱ naat Ka̱fanahum. Di̱n jen a̱ja nang a̱vwuo ka si̱ ntyei lyin nang Yesu ka̱n bwuok a̱ bai ma̱ng a̱mba bah.

1 A̱korontiyawa 9:5

Zi̱ byia̱ sa̱t zi̱ nyia̱ nyeang zi̱ chong ma̱ng á̱nyiuk nzi̱t ba, ba̱ yet á̱niet khwi ma̱nang a̱yaata̱m á̱ghyang ma̱ng á̱na̱nyiuk A̱tyoli nzi̱t ba, a̱wot ma̱nang Bitut nnyia̱ a̱ni baa?

A̱ga̱la̱tiyawa 1:19

A̱wot ma̱ a̱ta̱m Yesu nang n ku myim ma̱ng a̱nggu a̱ja a̱ni, nggu wa ku yet Yakubu a̱na̱nyiuk Yesu A̱tyoli nzi̱t wu.