Yoona 2:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ A̱ si̱ nyia̱, “Kuzang a̱tyu a̱ byia̱ nyeang a̱ni, a̱tsatsak a̱nya̱nyiat a̱sa̱khwot a̱na̱p wu wa ni̱ yet a̱son ka, nang á̱niet ba na swuo a̱ni. Ka̱ á̱nietchen ba ba̱ swuo ba̱ si̱ swa̱i, gu sii nang mba a̱sa̱khwot a̱na̱p na̱ nwai swan nya̱nyiat hu a̱ni. A̱wot nwan, a ba̱ sak a̱tsatsak a̱nya̱nyiat a̱sa̱khwot a̱na̱p wu, a sii ghwut ndyo wa ma̱ninika!”

Yoona 2:10 Iomraidhean Croise

Matyu 24:49

A̱wot a̱ si̱ ta̱bat tsot á̱kpa̱ndang ta̱m nggu ba. A̱ si̱ byian njen di̱ ya a̱ tsa nswuo ma̱ng á̱niet hyeng a̱kan á̱ghyang.

Luka 12:45

“A̱wot da̱ a̱kwonu a̱kya, ka̱ a̱khwo wu nyia̱ a̱di̱dam mi̱ nfwuo nggu, nyia̱, ‘A̱tyoli nung wu na bwuok a̱nggang bah. A̱ na labeang!’ A̱wot a̱ si̱ ta̱bat tsot á̱kum á̱khwo ka, a̱ si̱ byian jen di̱ ya a̱ tsa nswuo ma̱ng á̱niet hyeng a̱kan á̱ghyang;

Luka 16:25

“Ibrahim si̱ nyia̱ ma̱ng a̱nggu, ‘Nggwon nung, jhyung jen ji nang a ku nswan nswat nyinyang ang hu mi̱ swanta hu a̱ni. Di̱n jen a̱ja, a ku shyat a̱tan kyang nang fwuo ang hu chat a̱ni, a si̱ swa̱i. Da̱ a̱kwonu a̱kya, nggu Laaza̱rut, a̱ ku shya̱ a̱bya̱bya̱ kyang wa! A̱wot ma̱ninika, a̱ji wa nang gu nshya̱ nang á̱ shyim nggu fwuo hu; nang nwan, a shya̱ di̱ swuo a̱bung ang a̱ja.

Nta̱m A̱yaata̱m 2:15

Á̱niet bani hyeng a̱kan nia nang nyi nfa a̱ni bah; tswam a̱kubunyiung ja ji a̱tsotson kani!

1 A̱korontiyawa 11:21

Á̱ghyang á̱niet ma̱ nyin ni̱ ya nkyayak mba na di̱ wuwok. Da̱ mba, ba̱ ni̱ nang á̱kum á̱niet ka bah. Nang ku ndi a̱nia a̱ni, á̱ghyang á̱niet ni̱ fwuong zong, nang á̱ghyang á̱niet hyeng.

A̱fisawa 5:18

Nyi yok yet á̱niet hyeng a̱kan bah, mat si̱ a̱hwa tyei tsot wun ku chong ma̱ng a̱khwu a̱ni. Da̱ a̱kwonu a̱kya, si̱ nyi ghwon chet A̱za̱za̱rak Ntswa huhwa a̱ tyia̱ nyin chet nang gu nchat a̱ni.

1 A̱ta̱solonikawa 5:7

Á̱niet ba̱ khat nda a̱ni, a̱tyetuk kya ba̱ ni̱ nkhat nda na. A̱wot á̱niet ba̱ hyeng a̱kan a̱ni, a̱tyetuk kya ba̱ ni̱ nhyeng na.

Tyai Á̱zanson 17:2

“Á̱gwam swanta ba si̱ nyia̱ a̱shi̱shi̱k nyia̱ ma̱ng a̱byii̱k a̱ yet kham ji a̱ni. A̱wot a̱ si̱ tyia̱ á̱niet swanta bani si̱ hyeng, mat swuo a̱sa̱khwot a̱na̱p a̱shi̱shi̱k nyia̱ nggu na.”

Tyai Á̱zanson 17:6

N si̱ ndi a̱byii̱k a̱wa nang gu hyeng ma̱ng a̱sok á̱za̱za̱rak á̱niet khwi A̱gwaza, ba̱ ku shei A̱sham Nkhang Yesu ka a̱ni. Jen nang n nwuan nggu a̱ni, n si̱ ntyia̱ ma̱ a̱tai.