Yoona 19:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ A̱ si̱ bwuok a̱ nwuo mi̱ gaat ji. A̱ si̱si̱ lyip Yesu nyia̱, “A neet a̱ji wa?” Yesu si̱ nwuak gu shim bah.

Yoona 19:9 Iomraidhean Croise

Matyu 26:63

A̱wot Yesu si̱ ya a̱son mi̱ swan nyonywang. A̱gba̱ndang pris wu si̱ nyia̱ ma̱ng a̱nggu, “N chat a shyi da̱ a̱lyoot A̱gwaza, a̱ byia̱ swuan a̱ni, tak ma̱ng a̱nzi̱t a̱tsak a̱lyiat. Nwan wa yet Kristi wu, A̱gwam nang A̱gwaza kup gu tyok a̱ni a? Nwan wa bu yet Nggwon A̱gwaza kaa?”

Matyu 27:27

A̱jawa á̱ghyang mi̱ á̱niet nzwang gwomna Bilatut ba si̱ nat ma̱ng Yesu mi̱ didyaat gaat a̱li tyok gwomna hu. A̱wot a̱mgba̱m á̱kum sot á̱niet nzwang A̱romawa ka si̱ keang gu á̱ tyia̱.

Luka 23:9

A̱jawa a̱gwam Hiridut si̱ lyi̱ri̱m Yesu á̱lyiat ma̱ a̱di̱di̱t. A̱wot Yesu si̱ lak nwuak gu shim hu.

Yoona 18:28

Ma̱ a̱tsotson a̱tson, ba̱ si̱ ghwut ma̱ng Yesu neet a̱mali Ka̱yafat. Ba̱ si̱ nat ma̱ng a̱nggu ma gwomna A̱romawa. Nang ba̱ si̱ ntat kpa̱mkpaan ma̱ng ma gwomna ka a̱ni, ba̱ si̱ lak nwuo hu nyia̱; kalak ba̱ kyiak á̱pyia̱ mba a̱na̱ndyung á̱ na vwuong ba nat kpa̱mkpaan ma̱ng A̱gwaza a̱ni; a̱wot á̱ bu vwuong ba ya nkyayak A̱yet Ghwut Mman Isi̱rela mi̱ Khwo.

Yoona 18:33

Huhwa gwomna Bilatut si̱ kin bwuok a̱ nwuo mi̱ gaat tyok ji. A̱ si̱ yorong Yesu, a̱ si̱ lyip gu nyia̱, “Nwan wa yet a̱gwam A̱yahudawa wu a?”

Yoona 18:34

Yesu si̱ nwuak gu shim nyia̱, “Lyip huni yet si̱ a̱pyia̱ ang hwa; ke á̱ghyang á̱niet bya lyiat ma̱ng a̱nwan tazwa nung?”

Yoona 18:37

Huhwa gwomna Bilatut si̱ nyia̱, “A yet a̱gwam wa a?” Yesu si̱ ma nwuak gu shim nyia̱, “A hyia̱ cha̱chaat nang ngyet a̱gwam wa. Á̱ ku byin nung, á̱ si̱ ta̱m ma̱ng a̱nung mi̱ swanta hu, mat kyang nyiung hwa, huhwa yet; n tak ma̱ng á̱niet ba a̱chuchuk wu kpa̱sai. A̱wot konyan wa khwi a̱chuchuk wu, a̱ ni̱ myiai a̱fufwuo a̱ fa̱k nung.”

Yoona 19:10

Huhwa gwomna Bilatut si̱ nyia̱ ma̱ng a̱nggu, “A lak lyiat hu ma̱ng a̱nung, ka̱ni? A lyen n byia̱ a̱wat n tyia̱ á̱ byii̱k ang á̱ ghwon; n si̱ bu mbyia̱ a̱wat ka nang n na ntyia̱ á̱ kpang ang da̱ a̱team a̱khwu a̱ni baa?”

Yoona 19:8

Jen nang gwomna Bilatut nfa̱k kyang ba̱ lyiat a̱ni, a̱wun nggu na si̱ mbeang.

Yoona 8:14

Yesu si̱ nyia̱, “Ka̱ n tak a̱chuchuk kpa̱sai tazwa a̱pyia̱ nung, kyang hu nang n tak a̱ni, a̱tsatsak a̱lyiat wa. Mat, n dyen a̱vwuo ka nang n neet a̱ni, ma̱ng a̱vwuo ka nang n na mbwuok n nat a̱ni. A̱wot nyin, nyi lyen a̱vwuo ka nang n neet a̱ni bah. Da̱ nyin, nyi lyen a̱vwuo ka nang n na mbwuok n nat a̱ni bah.

A̱filibiyawa 1:28

Nyi yok fa̱k a̱wun á̱niet lak li nyin ba bah. Di̱ nwai fa̱k a̱wun hwa na tak ma̱ng a̱mba nang á̱ na mbwuk ma̱ng a̱mba, a̱wot nyin, nyi na shya̱ san. A̱gwaza wa na tyia̱ nkyang nani na̱ mbai da̱ a̱nu ka.