Yoona 19:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ A̱yahudawa ba si̱ yong chi̱k nyia̱, “Nzi̱t zi̱ byia̱ doka, a̱wot kyang hu nang doka nzi̱t ji hyia̱ a̱ni, huhwa yet; ku myim á̱ hyat gu. Mat a̱ kyiak a̱pyia̱ nggu nang Nggwon A̱gwaza a̱ni!”

Yoona 19:7 Iomraidhean Croise

Ma̱rkut 15:39

A̱gba̱ndang a̱kwak a̱son á̱niet nzwang wu, a̱ yong a̱zanson Yesu ka a̱ni, si̱ li si̱sak ji nang Yesu mmat fwuo a̱ni, gu si̱ nyia̱, “A̱tsak a̱lyiat, a̱tyu wuni yet Nggwon A̱gwaza kya za̱m!”

Yoona 19:8

Jen nang gwomna Bilatut nfa̱k kyang ba̱ lyiat a̱ni, a̱wun nggu na si̱ mbeang.

Yoona 5:18

Mat kyang nang gu hyia̱ hyia̱ huni a̱ni, A̱yahudawa ba, si̱ mbeang chat vak nang ba̱ na nhyat gu a̱ni; nyia̱ da̱ziya nang gu mbyian mba a̱tuk Mam Fwung, a̱wot a̱ si̱ bu nyia̱ A̱gwaza wa yet A̱tyia̱ nggu, nyia̱ a̱ kyiak a̱pyia̱ nggu cha̱chaat ma̱ng A̱gwaza.

Nta̱m A̱yaata̱m 18:13

Ba̱ si̱ bat Bulut a̱hyiak nyia̱, “A̱tyu wuni kwan a̱ mwang á̱niet ba̱ kwok ntong a̱zaghyi A̱gwaza, di̱ nvak na̱ vwuon ma̱ng doka nzi̱t ji a̱ni!”

A̱romawa 1:4

A̱wot tazwa za̱kwa A̱gwaza nang Yesu byia̱ a̱ni, á̱ si̱ tyai nggu kpa̱sai nang nggu ngyet a̱tsatsak Nggwon A̱gwaza wa, di̱n jen nang chet A̱za̱za̱rak Ntswa hu ku nta̱ngam nggu ma̱ng swuan ma̱ á̱niet ba̱ ka̱n kwi a̱ni. Nggu wa yet Yesu Kristi A̱tyoli nzi̱t wu!