Yoona 19:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ Nang a̱cha̱chet a̱yaapris ma̱ng á̱niet cham A̱li Nwuat za̱nang A̱gwaza ba ndi Yesu a̱ni, ba̱ si̱ koot a̱gugwong mi̱ chet nyia̱, “Á̱ kpang nggu da̱ a̱team a̱khwu!” Huhwa Bilatut si̱ nyia̱ ma̱ng a̱mba, “Nyi nat nyi kpang nggu da̱ a̱team a̱khwu wu ma̱ á̱pyia̱ nyin! Mat nung, n shya̱ nggu ma̱ng a̱bun bah!”

Yoona 19:6 Iomraidhean Croise

Matyu 26:58

A̱wot nang Bitut ni̱ khwi Yesu ti̱taa, a̱ si̱ ntat didyaat gaat a̱gba̱ndang pris hu. A̱ si̱ nwuo a̱ swan ma̱ng á̱niet chok a̱vwuo ba, da̱nian a̱ ka li si̱sak ji á̱ na ntyak ma̱ng Yesu a̱ni.

Matyu 27:22

Gwomna Bilatut si̱ nyia̱ ma̱ng a̱mba, “Yihwa n na nyia̱ ma̱ng Yesu nang á̱ ngyei Kristi wu a̱ni?” A̱mgba̱m ba si̱ nyia̱, “Á̱ kpang gu da̱ a̱team a̱khwu!”

Matyu 27:24

Nang gwomna Bilatut ndi, nggu ma̱ a̱pyia̱ nggu mbyia̱ kyang nggu na nyia̱ a̱ni bah, a̱wot nang á̱niet ba nchat doot jhya̱ a̱ni, a̱ si̱ ta̱m á̱ si̱ bwuo nggu a̱sa̱khwot ma̱ a̱ka̱gbaa, a̱ si̱ nkwi mbwak nggu na a̱zaghyi á̱kpa á̱niet ka, a̱ si̱ nyia̱, “N byia̱ a̱ka̱ta da̱ a̱sok a̱tyu sang a̱bun nani bah, ku bwat nyin a̱ja!”

Luka 23:4

Gwomna Bilatut si̱ bwuak, a̱ si̱ hyia̱ ma̱ng a̱cha̱chet a̱yaapris ba, ma̱ng á̱kpa á̱niet ka nyia̱, “Nung ma̱ a̱pyia̱ nung, n shya̱ a̱tyu wuni ma̱ng a̱bun bah.”

Yoona 18:3

Huhwa Yahuda si̱ kin doot a̱ si̱ bwuo á̱niet nzwang ma̱ng á̱niet chok A̱li Nwuat Za̱nang A̱gwaza ba, nang a̱cha̱chet pris ma̱ng A̱fa̱risawa ku ta̱m a̱ni; ba̱ si̱ nat ma̱ a̱byin ka. Ba̱ si̱ ba̱ng long sang ma̱ng a̱ka̱fi̱t ndong. Ba̱ si̱ mbeang nkyang nzwang.

Yoona 18:31

Gwomna Bilatut si̱ nyia̱ ma̱ng a̱mba, “Nyi nat ma̱ng a̱nggu ma̱ á̱pyia̱ nyin! Nyi nyia̱ gu shi̱ri̱ya ji cha̱chaat ma̱ng doka nyin ji!” Huhwa A̱yahudawa ba si̱ nyia̱ ma̱ng a̱nggu a̱ni, “Á̱ nwuak zi̱t chet zi̱ faat a̱yin shi̱ri̱ya a̱khwu bah!”

Yoona 18:38

Gwomna Bilatut si̱ lyip Yesu nyia̱, “Yihwa yet a̱chuchuk wu?” Nang Bilatut ndyip lyip huni a̱ni, a̱ si̱ bu ghwut a̱ nat a̱ta̱usa da̱ a̱vwuo a̱cha̱chet A̱yahudawa ba.

Yoona 19:15

A̱yahudawa ba si̱ bu koot a̱gugwong mi̱ chet nyia̱, “Á̱ hyat gu! Á̱ kpang gu da̱ a̱team a̱khwu!” Bilatut si̱ lyip ba nyia̱, “Nyi chat n kpang a̱gwam nyin wu da̱ a̱team a̱khwu a?!” Huhwa a̱cha̱chet a̱yaapris ba si̱ nwuak gu shim nyia̱, “Nzi̱t, zi̱ byia̱ a̱gwam a̱ghyang bah; mi̱ Kaisar wa ma̱nyin nggu!”

Yoona 19:4

Gwomna Bilatut si̱ bu ghwut a̱ bai ta̱usa. A̱ si̱ nyia̱ ma̱ng a̱cha̱chet A̱yahudawa ba a̱ni, “Nyi li, n na ghwut ma̱ng Yesu n bai ma̱ng a̱nyin ndyo. N chat nyi lyen nang n shya̱ nggu ma̱ng a̱bun bah!”

Nta̱m A̱yaata̱m 2:23

“A̱wot A̱gwaza ku tyia̱ Yesu mbwak nyin di̱ si̱sak ji nang A̱gwaza nda̱p a̱ sak, ma̱ng lyen á̱zanson nggu hu a̱ni. Nyin meang, nyi si̱ tyia̱ á̱ka̱tuk á̱niet si̱ kpang nggu da̱ a̱team a̱khwu, nyi si̱ hyat gu.

Nta̱m A̱yaata̱m 7:52

Á̱ ku mbyia̱ a̱ta̱m a̱kwonu A̱gwaza a̱nyiung nang a̱yaatyia̱ a̱khwop nyin ba ku nwai ya̱shuk a̱ni a̱?! A̱wot ba̱ ku mun á̱ hyaai a̱yaata̱m a̱kwonu A̱gwaza ba, ba̱ ku shei á̱zanson di̱ chobai A̱tsotswat A̱khwo A̱gwaza wu! Nggu wa yet Kristi nang nyi ku lyap, nyi si̱ hyat a̱ni.