Yoona 19:42 - A̠lyiat A̠gwaza na di̠n Tyap: A̠li̠ka̠uli A̠fai

⁴² Nang a̱tuk a̱kya kya ka̱n gyet mam nang á̱ wu shyip á̱ shya̱ Mam Fwung A̱yahudawa hu a̱ni; a̱wot lyak hu ku shya̱ kpa̱mkpaan a̱ja; huhwa ku mbyia̱, ba̱ si̱ kin myiai kwom Yesu hu a̱ja.

Yoona 19:42 Iomraidhean Croise

Matyu 12:40

Ma̱nang Yunana ku nnyia̱ mam a̱tat ma̱ng a̱tyetuk a̱tat a̱mafa a̱gba̱ndang a̱fa̱n ka a̱ni, a̱nia wa nang Nggwon A̱tyubishyi ka, na nnyia̱ mmam tat ma̱ng a̱tyetuk ntat nang ka̱ shya̱ mami a̱tsuung lyak wu mi̱ swanta hu.

Yoona 19:14

A̱tuk a̱kya nang mam ka̱ mbai di̱di̱r, nang á̱ wu shyip á̱ nwuo A̱yet Ghwut mman Isi̱rela mi̱ Khwo hu; huhwa gwomna Bilatut nyia̱ ma̱ng a̱mba a̱ni, “Nyi li, a̱gwam nyin wu wa wu!”

Yoona 19:20

A̱yahudawa ma̱ a̱di̱di̱t si̱ fang a̱lyiat nani. Kyang ku mbyia̱ a̱ni, a̱vwuo ka nang á̱ ku nkpang Yesu da̱ a̱team a̱khwu wu a̱ni, ka̱ ku shya̱ kpa̱mkpaan ma̱ng a̱gba̱ndang a̱keang wu. Á̱ ku lyuut a̱lyiat nani da̱ a̱lyem A̱yahudawa, A̱romawa, ma̱ng A̱helenawa.

Yoona 19:31

Huhwa a̱yaakwak a̱son A̱yahudawa ba si̱ naai gwomna Bilatut; gu ghwon á̱ luk a̱ti̱tak á̱niet ba nang á̱ a̱kpang da̱ a̱team a̱khwu wu a̱ni, a̱wot a̱ bu chyok ma̱ng nkwom na tazwa a̱yaateam a̱khwu ba. Kyang hu ku mbyia̱, ba̱ si̱ nnaai gwomna Bilatut a̱ni huhwa yet; da̱ a̱tsotson ntat a̱tuk Mam Fwung kya. Ba̱ ku chat nkwom á̱niet na na̱ swan a̱nia tazwa a̱team a̱khwu wu a̱tuk Mam Fwung ka bah. Mat hu na yet a̱gba̱ndang Mam Fwung wa.

Yoona 19:41

A̱vwuo ka nang á̱ ku nkpang Yesu da̱ a̱team a̱khwu wu a̱ni, ku shya̱ kpa̱mkpaan ma̱ng a̱byin chyui nkyang fwung. A̱wot lyak fai ku shya̱ a̱ja, da̱nang á̱ ka̱n niat a̱yin a̱ni bah.

Nta̱m A̱yaata̱m 13:29

“Jen nang ba̱ ntyak kuzang kyang nang a̱yaata̱m a̱kwonu A̱gwaza ba ku hyia̱ tazwa Yesu a̱ni; ba̱ si̱ chyok ma̱ng kwom nggu hu da̱ a̱kwon ka á̱ bai ndyo a̱byin. Ba̱ si̱ niat gu mi̱ lyak.

1 A̱korontiyawa 15:4

Á̱ ku niat gu, a̱wot a̱ si̱ doot ma̱ng swuan ma̱ á̱niet ba̱ ka̱n kwi a̱ni a̱tuk mam tat ka, ma̱nang á̱ ndyuut ma̱ A̱lyiat A̱gwaza na a̱ni.

A̱kolosiyawa 2:12

Jen nang á̱ ku nnyia̱ nyin ba̱ptisman ji a̱ni, ku yet kidee nyi ku khwu á̱ si̱ niat nyin dundung ma̱ng Kristi wa. A̱wot á̱ si̱ bu ta̱ngam nyin dundung ma̱ng a̱nggu. Nyi si̱ shya̱ swuan swai mat nyi nwuak fwuo di̱n chet A̱gwaza. Nggu wa ku ta̱ngam Kristi ma̱ng swuan ma̱ á̱niet ba̱ ka̱n kwi a̱ni.