Yoona 19:40 - A̠lyiat A̠gwaza na di̠n Tyap: A̠li̠ka̠uli A̠fai

⁴⁰ Á̱niet a̱feang bani si̱ kyiak kwom Yesu hu, ba̱ si̱ gat hu ma̱ng kikyak. Ba̱ si̱ nkwon nkyuo turare, ma̱nang taada niat nkwom A̱yahudawa ji ndi a̱ni.

Yoona 19:40 Iomraidhean Croise

Matyu 26:12

Nang a̱byii̱k wuni nkoot a̱myia̱ nani mi̱ vam nung hu a̱ni, a̱ nyia̱ a̱nia a̱ nfwuong jen nang á̱ na nniat nung wa a̱ni.

Ma̱rkut 14:8

A̱byii̱k wuni nyia̱ ta̱m gu si̱ mi̱n nyia̱ a̱ni. A̱ koot nung a̱myia̱ na mi̱ vam hu a̱ nchok jen nang á̱ na nniat nung a̱ni.

Luka 24:12

A̱mgba̱m ma̱ng a̱nia, Bitut si̱ kin tat a̱ doot. A̱ si̱ tyia̱ kwak chung a̱ nat ma̱ a̱bi ka. Nang gu si̱ ntat a̱bi ka a̱ni, a̱ si̱ beak, a̱ si̱ ta fwuo nggu hu mami lyak hu. A̱ si̱ li a̱toot nang á̱ ku nniat kwom Yesu hu a̱ni. A̱ si̱ fa̱k a̱ga̱de di̱ kyang ku bai a̱ni! A̱ si̱ bwuok a̱ nat a̱mali.

Yoona 11:44

A̱jawa nang a̱tyo a̱ khwu wu si̱ kin ghwut, nang a̱ti̱tak nggu ba ma̱ng bwak na shya̱ di̱ gat ma̱ng kikyak; ma a̱nia wa a̱ghyi nggu ba, a̱ si̱ gat ma̱ng kikyak nang á̱ nniat nkwom na a̱ni. Yesu si̱ nyia̱ ma̱ng a̱mba, “Nyi byii̱k gu ghwon, gu nkat.”

Yoona 12:7

Ma̱ng a̱nia, Yesu si̱ nyia̱ ma̱ng Yahuda a̱ni, “Yok a̱byii̱k a̱wa shonshyon! A̱ sak kyang hu nang gu byia̱ a̱ni, da̱nian mam nang n na nkhwu á̱ niat nung a̱ni.

Nta̱m A̱yaata̱m 5:6

A̱jawa nfi̱ng á̱niet si̱ kin doot, ba̱ si̱ gat kwom Ananiya hu mi̱ kikyak. Ba̱ si̱ kyiak gu á̱ ghwut ndyo. Ba̱ si̱si̱ niat.