Yoona 19:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Gwomna Bilatut si̱ bu ghwut a̱ bai ta̱usa. A̱ si̱ nyia̱ ma̱ng a̱cha̱chet A̱yahudawa ba a̱ni, “Nyi li, n na ghwut ma̱ng Yesu n bai ma̱ng a̱nyin ndyo. N chat nyi lyen nang n shya̱ nggu ma̱ng a̱bun bah!”

Yoona 19:4 Iomraidhean Croise

Matyu 27:19

Jen nang gwomna Bilatut nswan di̱ kyang swat shi̱ri̱ya nggu hu a̱ni, a̱byii̱k nggu wu si̱ kin ta̱m da̱ a̱vwuo nggu nyia̱, “Kai a̱tyu sang a̱bun a̱wa ghwon! Mat, n swuo a̱bung ba̱t ma̱ laat shyunshyung tazwa nggu!”

Matyu 27:24

Nang gwomna Bilatut ndi, nggu ma̱ a̱pyia̱ nggu mbyia̱ kyang nggu na nyia̱ a̱ni bah, a̱wot nang á̱niet ba nchat doot jhya̱ a̱ni, a̱ si̱ ta̱m á̱ si̱ bwuo nggu a̱sa̱khwot ma̱ a̱ka̱gbaa, a̱ si̱ nkwi mbwak nggu na a̱zaghyi á̱kpa á̱niet ka, a̱ si̱ nyia̱, “N byia̱ a̱ka̱ta da̱ a̱sok a̱tyu sang a̱bun nani bah, ku bwat nyin a̱ja!”

Matyu 27:4

A̱ si̱ nyia̱, “N nyia̱ a̱ka̱tuk nyia̱ nang n dyap a̱tyu sang a̱bun a̱ni!” A̱wot ba̱ si̱ nwuak gu shim nyia̱, “Yihwa ngyet si̱ nzi̱t hu? A̱ka̱ta ang kya a̱ja!”

Matyu 27:54

A̱gba̱ndang a̱kwak a̱son á̱niet nzwang A̱romawa wu ma̱ng á̱kum á̱niet nzwang ba̱ chok Yesu da̱ a̱team a̱khwu wu a̱ni, ba̱ si̱ fa̱k a̱wun nang ba̱ ndi, ba̱ si̱ fa̱k tyi̱ri̱m a̱byin hu ma̱ng a̱mgba̱m nkyang na á̱ nyia̱ a̱ni. Ba̱ si̱ nyia̱, “A̱tsak a̱lyiat, a̱tyu wuni yet Nggwon A̱gwaza kya za̱m!”

Luka 23:4

Gwomna Bilatut si̱ bwuak, a̱ si̱ hyia̱ ma̱ng a̱cha̱chet a̱yaapris ba, ma̱ng á̱kpa á̱niet ka nyia̱, “Nung ma̱ a̱pyia̱ nung, n shya̱ a̱tyu wuni ma̱ng a̱bun bah.”

Luka 23:41

A̱wot nzi̱t, zi̱ maai á̱ faat nzi̱t shi̱ri̱ya a̱khwu. A̱wot a̱tyu wuni, a̱ bwuo a̱bun bah!”

Luka 23:47

Jen nang a̱gba̱ndang a̱kwak a̱son á̱niet nzwang A̱romawa wu ndi si̱sak nang Yesu nkhwu a̱ni, a̱ si̱ dyep A̱gwaza, nyia̱, “A̱tsak a̱lyiat, a̱tyu wuni byia̱ a̱bun bah, za̱m!”

Yoona 18:33

Huhwa gwomna Bilatut si̱ kin bwuok a̱ nwuo mi̱ gaat tyok ji. A̱ si̱ yorong Yesu, a̱ si̱ lyip gu nyia̱, “Nwan wa yet a̱gwam A̱yahudawa wu a?”

Yoona 18:38

Gwomna Bilatut si̱ lyip Yesu nyia̱, “Yihwa yet a̱chuchuk wu?” Nang Bilatut ndyip lyip huni a̱ni, a̱ si̱ bu ghwut a̱ nat a̱ta̱usa da̱ a̱vwuo a̱cha̱chet A̱yahudawa ba.

Yoona 19:6

Nang a̱cha̱chet a̱yaapris ma̱ng á̱niet cham A̱li Nwuat za̱nang A̱gwaza ba ndi Yesu a̱ni, ba̱ si̱ koot a̱gugwong mi̱ chet nyia̱, “Á̱ kpang nggu da̱ a̱team a̱khwu!” Huhwa Bilatut si̱ nyia̱ ma̱ng a̱mba, “Nyi nat nyi kpang nggu da̱ a̱team a̱khwu wu ma̱ á̱pyia̱ nyin! Mat nung, n shya̱ nggu ma̱ng a̱bun bah!”

2 A̱korontiyawa 5:21

Mat A̱gwaza tyia̱ Kristi, a̱ ka̱ nwai nyia̱ a̱ka̱tuk nyia̱ a̱ni, gu yet za̱nang a̱ka̱tuk nyia̱ nzi̱t. Da̱nian A̱gwaza a̱ ka tak kpa̱sai nang gu nkyiak nzi̱t á̱tsotswat á̱niet sang a̱bun a̱zaghyi nggu, di̱n vak Kristi.

Ibriniyawa 7:26

Yesu wa yet tangka̱i a̱gba̱ndang pris nang zi̱ chat a̱ beang nzi̱t a̱ni. Mat, a̱ yet a̱za̱za̱rak, a̱ si̱ sang a̱bun. A̱wot da̱ nggu, a̱ byia̱ a̱ka̱tuk nyia̱ bah. Á̱ wa ka̱n khap gu zan ma̱ng á̱niet a̱ka̱tuk nyia̱ ba. A̱gwaza si̱ ta̱ngam ngguu, a̱ si̱ nwuak gu a̱gba̱ndang a̱vwuo shi tswazwa.

1 Bitut 1:19

Da̱ a̱kwonu a̱kya, A̱gwaza ku san nyin ma̱ng a̱za̱za̱rak a̱sok Kristi wa. Nggu wa yet kidee Fi̱ng A̱nfwuk A̱gwaza a̱ yet jhyem a̱ bu sang nyan a̱ni.

1 Bitut 2:22

Ma̱nang á̱ ndyuut tazwa Kristi a̱ni, nyia̱, “A̱ ku nyia̱ a̱ka̱tuk nyia̱ bah. Da̱ nggu, a̱ ku laai a̱yin bah.”

1 Bitut 3:18

A̱tsak a̱lyiat, Yesu ma̱ a̱pyia̱ nggu ku swuo a̱bung da̱ a̱ka̱nyiung mat a̱ka̱tuk nyia̱ nzi̱t wu. A̱wot a̱ bu na swuo a̱bung bah. A̱ ku yet a̱tsotswat wa. A̱wot a̱ si̱ khwu da̱nian á̱niet a̱ka̱tuk nyia̱, gu ka neap zi̱t a̱za̱za̱rak a̱zaghyi A̱gwaza. Á̱ ku hyat gu mi̱ vam hwa. A̱wot á̱ si̱ ta̱ngam gu ma̱ng swuan mami A̱za̱za̱rak Ntswa.

1 Yoona 3:5

A̱wot nyi lyen nang Yesu mbai da̱nian gu ka chi a̱ka̱tuk nyia̱ nzi̱t wu wa. Mat nggu ma̱ a̱pyia̱ nggu, a̱ byia̱ a̱ka̱tuk nyia̱ bah.