Yoona 19:39 - A̠lyiat A̠gwaza na di̠n Tyap: A̠li̠ka̠uli A̠fai

³⁹ Nikodimut mameang, a̱tyu a̱ ku bai da̱ a̱vwuo Yesu a̱tyetuk a̱ni, a̱ si̱ doot a̱ si̱ nat dundung ma̱ng Isuu. Nggu, a̱ ku ba̱ng hya̱u nang gu kyiai mur ma̱ng a̱lot a̱ni. Ku si̱ swan kpa̱p nang kweanghyi nchyi a̱ni.

Yoona 19:39 Iomraidhean Croise

Matyu 12:20

A̱ na but a̱shya̱ ka̱ gworong a̱ni bah, ku a̱ nyiip long sang ku sang a̱lya̱ra̱p a̱ni bah. Si̱ nang gu kwak a̱son tsotswat, si̱ swuo chet.

Matyu 19:30

A̱wot á̱niet ma̱ a̱di̱di̱t nang á̱ kyiak ba̱ yet a̱cha̱chet ba ma̱nini a̱ni, bibya á̱ na kyiak ba̱ yet a̱chyuang á̱niet di̱n jen chobai ji. Ma a̱nia wa, á̱niet nang á̱ kyiak ba a̱chyuang á̱niet ma̱nini a̱ni, bibya á̱ na kyiak ba̱ yet a̱cha̱chet á̱niet ba di̱n jen chobai ji.”

Matyu 2:11

Ba̱ si̱ nwuo mami a̱li ka, ba̱ si̱ li nggwon ka ma̱ng a̱yang nka wu Ma̱ryamu. Ba̱ si̱ ta̱bwak a̱byin ba̱ si̱ kyuak nka ntong. Ba̱ si̱ khwuk a̱ka̱sham gumaat mba na, ba̱ si̱ ti̱n za̱nang mba ji. Ba̱ si̱ neap nka zi̱nariya, turare, ma̱ng a̱myia̱ nang á̱ ngyei mur a̱ni.

Ma̱rkut 16:1

Nang a̱tuk Mam Fwung A̱yahudawa ka nswak a̱ni, Ma̱ryamu Ma̱ga̱daliya, ma̱ng Ma̱ryamu a̱yang Yakubu, ma̱ng Sa̱lomi, si̱ nat ba̱ si̱si̱ san turare niat nkwom, da̱nian ba̱ nat ba̱ ka nkwon di̱ kwom Yesu hu.

Yoona 12:3

Ma̱ryamu si̱ doot, a̱ si̱ kyiak sha̱p a̱myia̱ ji byia̱ swam turare a̱ni. A̱wot na̱ si̱ bu byia̱ kurum ba̱t, á̱ ku nyia̱ na ma̱ng nar wa. A̱ si̱ koot a̱sham a̱myia̱ ka da̱ a̱ti̱tak Yesu ba. A̱wot a̱ si̱ fwut ma̱ng pyia̱ nggu hu. Swam a̱sham a̱myia̱ a̱hwa si̱ kai a̱li ka a̱mgba̱m.

Yoona 12:7

Ma̱ng a̱nia, Yesu si̱ nyia̱ ma̱ng Yahuda a̱ni, “Yok a̱byii̱k a̱wa shonshyon! A̱ sak kyang hu nang gu byia̱ a̱ni, da̱nian mam nang n na nkhwu á̱ niat nung a̱ni.