Yoona 19:31 - A̠lyiat A̠gwaza na di̠n Tyap: A̠li̠ka̠uli A̠fai

³¹ Huhwa a̱yaakwak a̱son A̱yahudawa ba si̱ naai gwomna Bilatut; gu ghwon á̱ luk a̱ti̱tak á̱niet ba nang á̱ a̱kpang da̱ a̱team a̱khwu wu a̱ni, a̱wot a̱ bu chyok ma̱ng nkwom na tazwa a̱yaateam a̱khwu ba. Kyang hu ku mbyia̱, ba̱ si̱ nnaai gwomna Bilatut a̱ni huhwa yet; da̱ a̱tsotson ntat a̱tuk Mam Fwung kya. Ba̱ ku chat nkwom á̱niet na na̱ swan a̱nia tazwa a̱team a̱khwu wu a̱tuk Mam Fwung ka bah. Mat hu na yet a̱gba̱ndang Mam Fwung wa.

Yoona 19:31 Iomraidhean Croise

Yoona 19:14

A̱tuk a̱kya nang mam ka̱ mbai di̱di̱r, nang á̱ wu shyip á̱ nwuo A̱yet Ghwut mman Isi̱rela mi̱ Khwo hu; huhwa gwomna Bilatut nyia̱ ma̱ng a̱mba a̱ni, “Nyi li, a̱gwam nyin wu wa wu!”

Yoona 19:42

Nang a̱tuk a̱kya kya ka̱n gyet mam nang á̱ wu shyip á̱ shya̱ Mam Fwung A̱yahudawa hu a̱ni; a̱wot lyak hu ku shya̱ kpa̱mkpaan a̱ja; huhwa ku mbyia̱, ba̱ si̱ kin myiai kwom Yesu hu a̱ja.

Ma̱rkut 15:42

A̱tuk a̱kya yet Juma, nang á̱ ni̱ njhyi kuzang kyang á̱ fwuong a̱tuk Mam Fwung ka a̱ni. Nang jenshyung nnyia̱ a̱ni,

Yoona 19:1

A̱jawa Bilatut si̱ tyia̱ á̱ si̱ ta̱bat Yesu á̱ si̱ tsot gu ma̱ng a̱ya̱u a̱ byia̱ pyipyia̱ ntswam a̱ni.

Matyu 27:62

Da̱ a̱tsotson tat, a̱tuk Mam Fwung A̱yahudawa ka, a̱cha̱chet a̱yaapris ma̱ng A̱fa̱risawa ba si̱ nat da̱ a̱vwuo gwomna Bilatut.