Yoona 19:30 - A̠lyiat A̠gwaza na di̠n Tyap: A̠li̠ka̠uli A̠fai

³⁰ Nang Yesu nniaat a̱sa̱sat a̱sa̱khwot a̱na̱p wu a̱ni, huhwa gu nyia̱, “Ku tyak!” Gu si̱ kin totong a̱pyia̱ a̱byin, a̱ si̱ khwat swuan, a̱ si̱ nkat.

Yoona 19:30 Iomraidhean Croise

Matyu 20:28

Mat, ku Nggwon A̱tyubishyi ka ku bai á̱ nyia̱ nka khwo hwa bah. A̱wot ka̱ ku bai ka̱ ka nyia̱ á̱ghyang á̱niet bya khwo hu, ka̱ bu nwuak swuan nka ji, ji̱ yet zang da̱nian ka̱ ka nsan á̱niet ma̱ a̱di̱di̱t.”

Matyu 27:50

A̱jawa Yesu si̱ tyia̱ kun mi̱ chet, a̱ si̱ mat a̱pyia̱.

Matyu 3:15

A̱wot Yesu si̱ nwuak gu shim nyia̱, “Ma̱ninika, yok ku li a̱nia. Da̱nian a̱nia wa nang zi̱ na nnyia̱ a̱mgba̱m kyang ku yet tsotswat a̱ni.” Huhwa Yoona si̱ shim a̱ si̱ nyia̱ Yesu ba̱ptisman ji.

Ma̱rkut 15:37

A̱jawa Yesu si̱ tyia̱ kun mi̱ chet, a̱ si̱ khwat a̱mgba̱m swuan nggu wu.

Luka 22:37

Mat jen nyia̱ nang A̱lyiat A̱gwaza nang á̱ lyuut tazwa nung a̱ni, na mbai da̱ a̱nu ka, nyia̱, ‘Á̱ ku kyiak gu nang a̱tyo nyiung ma̱ á̱niet bwoi a̱bun a̱ni.’ A̱tsatsak a̱lyiat, a̱mgba̱m nkyang nang a̱yaata̱m a̱kwonu A̱gwaza ba ku shei á̱zanson, ba̱ si̱ lyuut tazwa nung a̱ni; na̱ na bai da̱ a̱nu ka ma̱ cha̱chaat.”

Luka 23:46

A̱jawa Yesu si̱ kin ngyorong ma̱ng a̱gba̱ndang a̱nwuat nyia̱, “A̱tyia̱ nung, n neap swuan nung ji mbwak ang!” Nang gu nhyia̱ a̱nia a̱ni, a̱ si̱ khwat a̱mgba̱m swuan nggu wu, a̱ si̱ khwu.

Yoona 10:11

“Nung gwa ngyet a̱tan a̱tyu chok wu. A̱tan a̱tyu chok wu ni̱ nwuak swuan nggu ji da̱nian zón seap ji.

Yoona 10:18

Á̱ mbyia̱ a̱tyu a̱ na san swuan nung ji a̱ ghwon nung a̱ni bah. Nung gwa shim, n na neap swuan nung ji, a̱wot n doot n bu mbwuok ma̱ng a̱nji. Si̱ huni hwa yet kyang hu nang A̱tyia̱ nung wu ta̱m nung n nyia̱ a̱ni.”

Yoona 17:4

“N wa ka̱n nwuak ang shi mi̱ swanta hu, mat si̱sak ji nang n ku ntyak ta̱m hu nang á̱ ku nwuak nung n nyia̱ a̱ni.

Yoona 19:28

Yesu lyen nang di̱ yong huni, kuzang kyang mbai tyak. A̱wot da̱nian kuzang kyang hu ka nat cha̱chaat nang á̱ ku ndyuut mami A̱lyiat A̱gwaza na a̱ni; huhwa si̱ mbyia̱, a̱ si̱ nyia̱, “N fwuong mashyi.”

Yoona 4:34

Yesu si̱ nyia̱ ma̱ng a̱mba a̱ni, “Kyayak nung huhwa yet; n khwi kyang nang a̱tyu a̱ ta̱m nung chat a̱ni, a̱wot n bu nyia̱ ta̱m nang gu nwuak nung a̱ni, n tyak hu.

A̱romawa 10:4

Mat Kristi wa tyia̱ doka ji si̱ ntyak ta̱m tyei á̱niet tsotswat hu. Mat a̱nia, konyan wa nwuak fwuo di̱ Kristi, A̱gwaza na tak kpa̱sai nang gu nkyiak gu a̱tsotswat ma̱ng sang a̱bun a̱zaghyi nggu.

A̱romawa 3:25

A̱gwaza ku neap Yesu kpa̱sai a̱ yet za̱nang a̱ ka chi a̱ka̱tuk nyia̱ nzi̱t wu. A̱gwaza na tak kpa̱sai nang gu nkyiak á̱niet ba ba̱ yet á̱tsotswat ba̱ sang a̱bun a̱zaghyi nggu di̱n vak nwuak a̱chuchuk mba hu nang Yesu Kristi neap swuan nggu ji, ji̱ yet za̱nang da̱nian nzi̱t a̱ni; ma̱ng si̱sak nang gu nnwuak a̱sok nggu na, a̱ si̱ khwu da̱ a̱team a̱khwu wu a̱ni. Za̱nang jini tak nang A̱gwaza nfaat shi̱ri̱ya nggu ji tsotswat, nang gu mbwuok lilyim a̱ si̱ tyia̱ á̱niet ba, ba̱ nyia̱ a̱ka̱tuk nyia̱ gbangbang a̱ni, si̱ swuo a̱bung bah.

1 A̱korontiyawa 5:7

Nyi weam nkyuo a̱khwukhwop yit a̱nia na̱ yet kidee a̱ka̱tuk nyia̱ a̱ni, di̱ vwuong a̱ka̱tuk a̱yin a̱wa ghwut ndyo mami nyin. A̱wot nyi na li nang a̱nwai a̱lka̱ma na̱ yet nfai nang á̱ nuu da̱ mi̱n yit a̱ni; a̱nia wa za̱m nang nyi na ndi. Mat Kristi, nggu wa yet Fi̱ng A̱nfwuk A̱yet Ghwut Mman Isi̱rela mi̱ Khwo wu, nang á̱ nneap za̱nang da̱nian nzi̱t a̱ni.

A̱filibiyawa 2:8

a̱ si̱ ghyuai a̱pyia̱ gu, a̱ si̱ khwi kyang hu nang A̱gwaza chat a̱ni. A̱wot a̱ si̱ khwu nang a̱tyu a̱tsaai ni̱ nkhwu da̱ a̱team a̱khwu a̱ni!

Ibriniyawa 12:2

Yok zi̱ tyia̱ a̱di̱dam nzi̱t wu di̱ Yesu kuzang jen. Nggu wa yet a̱gwak a̱ tsa nwuak fwuo da̱ A̱gwaza nzi̱t wu. A̱wot nggu wa bu na tyia̱ nwuak fwuo nzi̱t hu ku ngyet a̱tsatsak. Mat a̱lyia̱ sai nang Yesu na shya̱ á̱zanson a̱ni, a̱ ku gbang a̱lyia̱ nang á̱ nkpang nggu da̱ a̱team a̱khwu a̱ni. Á̱niet ba ku kyiak nang a̱khwu da̱ a̱team a̱khwu ngyet a̱ka̱tuk kyang nsum wa; a̱wot Yesu si̱ kyiak a̱nia bah. Ma̱ninika, Yesu swan a̱zayak da̱ a̱vwuo shi da̱ a̱beam a̱gba̱ndang chuk Tyok A̱gwaza ji.

Ibriniyawa 9:22

A̱tsatsak a̱lyiat, ma̱nang doka Musa ji nhyia̱ a̱ni, kuzang kyang myim á̱ jaat hu ma̱ng a̱sok nia. Ka̱nang á̱ koot a̱sok bah, á̱ si̱ mi̱n chi a̱ka̱tuk nyia̱ bah.