Yoona 19:29 - A̠lyiat A̠gwaza na di̠n Tyap: A̠li̠ka̠uli A̠fai

²⁹ A̱kumbu ku shya̱ a̱ja, a̱ si̱ ntyia̱ a̱sa̱sat a̱sa̱khwot a̱na̱p na si̱ nhyat tyentyang. Ba̱ si̱ kyiak soso, ba̱ si̱ nzwup mami a̱sa̱khwot na. Ba̱ si̱ ti̱n soso ji, ba̱ si̱ la̱p ji da̱ a̱shya̱. Ba̱ si̱ tyia̱ Yesu ndyo a̱bwonu.

Yoona 19:29 Iomraidhean Croise

Matyu 27:34

A̱wot ba̱ si̱ kwan ba̱ nang Yesu a̱sa̱khwot a̱na̱p nang á̱ kyiai ma̱ng a̱gba̱za̱zai kan nang á̱ ngyei “Gal” a̱ni, na̱ na ghyuai nggu fa̱k a̱khwu a̱ni, nang gu niaat a̱ni, a̱ si̱ lak swuo hu.

Matyu 27:48

Mi̱ di̱ yong a̱hwa, a̱tyo nyiung ma̱ a̱mba si̱ tyia̱ kwak chung, a̱ si̱si̱ kyiak soso, a̱ si̱ zwup ma̱ a̱sa̱sat a̱sa̱khwot. A̱ si̱ la̱p di̱n shan, a̱ si̱ neap Yesu, a̱ ka swuo.

Matyu 27:50

A̱jawa Yesu si̱ tyia̱ kun mi̱ chet, a̱ si̱ mat a̱pyia̱.

Ma̱rkut 15:36

A̱tyo nyiung ma̱ mba si̱ tyong chung. A̱ si̱si̱ kyiak soso a̱ si̱ tyia̱ ma̱ a̱sa̱sat a̱sa̱khwot, a̱ si̱ tyia̱ di̱ shan. A̱wot a̱ si̱ neap Yesu a̱ swuo, a̱ si̱ nyia̱, “Yok gu! Yok, zi̱ li ka̱ Iliya a̱ta̱m a̱kwonu A̱gwaza na bai a̱ chyok ma̱ng a̱nggu da̱ a̱team a̱khwu wu!”

Luka 23:36

Á̱niet nzwang ba meang, ba̱ si̱ bai kpa̱mkpaan ma̱ng a̱nggu. Ba̱ si̱ nang nggu a̱sa̱sat a̱sa̱khwot a̱na̱p. Ba̱ si̱ bu nwuo mai ngguu, á̱ mang nggu a̱lyem nyia̱,