Yoona 19:24 - A̠lyiat A̠gwaza na di̠n Tyap: A̠li̠ka̠uli A̠fai

²⁴ Huhwa á̱niet nzwang ba si̱ nyia̱ ma̱ng á̱ghyang mba a̱ni, “Zi̱ yok sam a̱toot a̱ni bah. Kyang hu myim a̱ni, huhwa yet; zi̱ koot tswák da̱ a̱toot a̱ni, zi̱ ka li a̱tyu a̱ na ya a̱ni!” Ku ku li a̱ni wa da̱nian ku ka bai cha̱chaat ma̱ng kyang á̱ lyuut mami A̱lyiat A̱gwaza na a̱ni, nyia̱, “Ba̱ ku ka̱u a̱yaatoot nung ba di̱ tsi̱tsak mba. A̱toot nung wu meang, ba̱ si̱ koot tswák da̱ nggu.” Kyang hu nang á̱niet nzwang ku nyia̱ a̱ni, huhwa hu.

Yoona 19:24 Iomraidhean Croise

Matyu 27:35

Nang ba̱ nkpang gu da̱ a̱team a̱khwu wu a̱ni, ba̱ si̱ koot tswák da̱ a̱yaatoot nggu ba, ba̱ ka li a̱tyu a̱ na byia̱ a̱yaatoot ba a̱ni.

Ma̱rkut 15:24

Ba̱ si̱ kpang nggu da̱ a̱team a̱khwu wu. A̱wot ba̱ si̱ ka̱u a̱yaatoot nggu ba tsi̱tsak mba. Ba̱ si̱ koot tswak ba̱ ka li a̱toot nang konyan na shya̱ a̱ni.

Luka 23:34

[[Yesu si̱ naai A̱gwaza nyia̱, “A̱tyia̱ nung, ma̱sa̱kut chi a̱ka̱tuk nyia̱ á̱niet wuni, mat ba̱ lyen kyang nang ba̱ nyia̱ a̱ni bah.”]] A̱wot á̱niet nzwang ba si̱ koot tswák da̱nian ba̱ ka li a̱tyu a̱ na shya̱ a̱yaatoot Yesu ba a̱ni.

Yoona 10:35

A̱wot nyi lyen nang A̱lyiat A̱gwaza na nang á̱ lyuut a̱ni, ngyet a̱ka̱laa nia bah. Ka̱ A̱gwaza ngyei á̱niet ba ba̱ fa̱k a̱lyiat nggu na a̱ni, nyia̱ ba̱ yet ‘a̱yaagwaza’;

Yoona 13:18

“A̱mgba̱m nyin wa nang n dyiat bah. N dyen á̱niet ba nang n ku nkhai ma̱ nyin a̱ni. A̱mgba̱m ma̱ng a̱nia, ku yet ta hwa A̱lyiat A̱gwaza na na̱ bai cha̱chaat nyia̱, ‘A̱tyu a̱ ya kyayak hu ma̱ng a̱nung a̱ni, a̱ bwuak a̱ si̱ tyia̱ a̱tyu lak li nung.’

Yoona 19:28

Yesu lyen nang di̱ yong huni, kuzang kyang mbai tyak. A̱wot da̱nian kuzang kyang hu ka nat cha̱chaat nang á̱ ku ndyuut mami A̱lyiat A̱gwaza na a̱ni; huhwa si̱ mbyia̱, a̱ si̱ nyia̱, “N fwuong mashyi.”

Nta̱m A̱yaata̱m 13:27

Á̱niet Urusha̱lima ba, mbeang a̱yaakwak a̱son mba ba, ku fi̱k nang Yesu wa ngyet a̱tyu nang a̱yaata̱m a̱kwonu A̱gwaza ba ku lyiat tazwa nggu a̱ni bah. Da̱ a̱kwonu a̱kya, ba̱ si̱ faat gu shi̱ri̱ya a̱khwu. A̱wot ku si̱ bai cha̱chaat da̱ a̱nu ka, ma̱nang A̱lyiat A̱gwaza na nang a̱yaata̱m a̱kwonu nggu ba ku tak á̱zanson ba̱ si̱ lyuut a̱ni. A̱wot á̱ fang Á̱lyiat nani á̱ nchi̱ri̱ng kuzang a̱tuk Mam Fwung A̱yahudawa ka.