Yoona 19:20 - A̠lyiat A̠gwaza na di̠n Tyap: A̠li̠ka̠uli A̠fai

²⁰ A̱yahudawa ma̱ a̱di̱di̱t si̱ fang a̱lyiat nani. Kyang ku mbyia̱ a̱ni, a̱vwuo ka nang á̱ ku nkpang Yesu da̱ a̱team a̱khwu wu a̱ni, ka̱ ku shya̱ kpa̱mkpaan ma̱ng a̱gba̱ndang a̱keang wu. Á̱ ku lyuut a̱lyiat nani da̱ a̱lyem A̱yahudawa, A̱romawa, ma̱ng A̱helenawa.

Yoona 19:20 Iomraidhean Croise

Luka 23:38

Ba̱ si̱ lyuut a̱bun nang ba̱ mbat gu a̱ni da̱ a̱lo á̱ si̱ lya̱u tazwa a̱pyia̱ nggu ka nyia̱, “Di, A̱gwam A̱yahudawa wu wa wu!”

Yoona 19:13

Nang gwomna Bilatut nfa̱k a̱lyiat a̱nia a̱ni, a̱ si̱ ghwut ma̱ng Yesu a̱ bai ndyo a̱ta̱usa. A̱ si̱ swan di̱n chuk tyok nyia̱ shi̱ri̱ya tazwa a̱tyii nang á̱ ku nok ma̱ng nfang a̱ni. Da̱ a̱lyem A̱yahudawa ka, á̱ ngyei a̱tyii wu “Ga̱bata.”

Yoona 19:42

Nang a̱tuk a̱kya kya ka̱n gyet mam nang á̱ wu shyip á̱ shya̱ Mam Fwung A̱yahudawa hu a̱ni; a̱wot lyak hu ku shya̱ kpa̱mkpaan a̱ja; huhwa ku mbyia̱, ba̱ si̱ kin myiai kwom Yesu hu a̱ja.

Yoona 5:2

A̱ja mi̱ Urusha̱lima hu, kpa̱mkpaan ma̱ng a̱zanunwuai ka nang á̱ ngyei “A̱zanunwuai Zón Seap” a̱ni. Á̱ ku byia̱ jok a̱sa̱khwot, á̱ si̱ ngyei ji “Ba̱ta̱si̱da” da̱ a̱lyem Ibriniyawa. A̱wot á̱ si̱ bu tyong ji á̱ kaat ma̱ng ndidyaat nfwuon.

Nta̱m A̱yaata̱m 21:37

Nang á̱niet nzwang ba nshim nwuo ma̱ng Bulut mi̱ nok nang á̱ keang a̱ni, Bulut si̱ nyia̱ ma̱ng a̱gba̱ndang a̱kwak a̱son á̱niet nzwang A̱romawa wu, “Ke a na shim, n kaat swáng a̱lyiat ma̱ng a̱nwan?” A̱gba̱ndang a̱kwak a̱son á̱niet nzwang A̱romawa wu si̱ fa̱k a̱ga̱de. A̱ si̱ lyip gu nyia̱, “A wa lyen a̱lyem A̱helenawa ka a?

Nta̱m A̱yaata̱m 21:40

Nang a̱gba̱ndang a̱kwak a̱son á̱niet nzwang A̱romawa wu nshim Bulut a̱ lyiat a̱ni; a̱ si̱ doot á̱ yong da̱ a̱vwuo saai a̱ti̱tak nang á̱ mban á̱ chorop mi̱ nok hu a̱ni. A̱ si̱ ta̱ngam bwak tazwa. A̱ si̱ kam á̱niet ba, ba̱ tyia̱ nywang. Nang ba̱ ntyia̱ nywang a̱ni, Bulut si̱ lyiat ma̱ng a̱mba da̱ a̱lyem A̱yahudawa ka.

Nta̱m A̱yaata̱m 22:2

Nang A̱yahudawa ba nfa̱k nang Bulut ndyiat ma̱ng a̱mba da̱ a̱lyem mba ka a̱ni, ba̱ si̱ mbeang tyia̱ nywang hu.

Nta̱m A̱yaata̱m 26:14

A̱mgba̱m nzi̱t, zi̱ si̱ shyot kwa̱i a̱byin. A̱wot n si̱ nfa̱k a̱nwuat nang ka̱ nyia̱ ma̱ng a̱nung da̱ a̱lyem A̱yahudawa ka, nyia̱, ‘Sha̱wulu, Sha̱wulu, yihwa mbyia̱ nang a nya̱shuk nung a̱nia? Ku na yet ang a̱buk kyang wa, a nyia̱ na̱nvan ma̱ng a̱lyiat nung na!’

Ibriniyawa 13:12

Ma̱ a̱nia wa, nang Yesu ku nswuo a̱bung ka, a̱ si̱ khwu a̱ma̱nta a̱nu nwuai a̱keang ka, da̱nian gu ka jaat a̱ka̱tuk nyia̱ á̱niet wu ma̱ng a̱sok nggu na, ba̱ tyia̱ a̱za̱za̱rak.

Tyai Á̱zanson 16:16

A̱jawa á̱ka̱tuk ntswá A̱ta̱nyeang ba̱ na laai a̱mgba̱m á̱gwam ba ma̱ng á̱niet nzwang mba ba, ba̱ tung mbaa da̱ a̱vwuo nang á̱ ngyei A̱magidon da̱ a̱lyem Ibriniyawa a̱ni.

Tyai Á̱zanson 9:11

A̱gwam á̱gankwon wu yet a̱ta̱m tswa a̱ neet ma̱ a̱tsuung bwong sang sangba̱p a̱ni. Á̱ ngyei nggu da̱ a̱lyem A̱yahudawa ka; “A̱badon,” da̱ a̱lyem A̱helenawa; “A̱poliyon.” Huhwa yet; “A̱tyu hyaai.”