Yoona 19:19 - A̠lyiat A̠gwaza na di̠n Tyap: A̠li̠ka̠uli A̠fai

¹⁹ Gwomna Bilatut mameang si̱ tyia̱ á̱ si̱ lyuut a̱lyiat da̱ a̱lo á̱ si̱ lya̱u tazwa a̱team a̱khwu wu. Kyang nang gu ku lyuut a̱ni huhwa yet; “Di, Yesu A̱tyu Na̱za̱ra̱t A̱gwam A̱yahudawa wu wa wu!”

Yoona 19:19 Iomraidhean Croise

Matyu 2:23

Nang gu nnwuo Ga̱lili a̱ni, a̱ si̱ swan ma̱ a̱keang Na̱za̱ra̱t. Ku si̱ nat cha̱chaat ma̱ng kyang hu nang a̱yaata̱m a̱kwonu A̱gwaza ba ku tak á̱zanson gbangbang a̱ni nyia̱, “Á̱ na ngyei nggu A̱tyu Na̱za̱ra̱t.”

Matyu 27:37

Tazwa a̱team a̱khwu wu cha̱chaat ma̱ng a̱pyia̱ Yesu ka, ba̱ si̱ lyuut a̱bun nang ba̱ mbat gu a̱ni ma a̱lo á̱ lya̱u nyia̱, “Yesu, A̱gwam A̱yahudawa wu wa wu.”

Ma̱rkut 15:26

Ba̱ si̱ lyuut a̱bun nang ba̱ mbat gu a̱ni ma̱ a̱lo, á̱ lya̱u tazwa a̱pyia̱ nggu ka nyia̱, “Di, A̱gwam A̱yahudawa wu wa wu!”

Luka 18:37

Á̱ si̱ tak ma̱ng a̱nggu nang Yesu a̱tyu Na̱za̱ra̱t wa nsweap.

Luka 23:38

Ba̱ si̱ lyuut a̱bun nang ba̱ mbat gu a̱ni da̱ a̱lo á̱ si̱ lya̱u tazwa a̱pyia̱ nggu ka nyia̱, “Di, A̱gwam A̱yahudawa wu wa wu!”

Yoona 1:49

A̱jawa Nataniyel si̱ nyia̱, “A̱tyu tyiet, nwan wa yet Nggwon A̱gwaza ka! Nwan wa yet A̱gwam Isi̱rela wu!”

Yoona 18:33

Huhwa gwomna Bilatut si̱ kin bwuok a̱ nwuo mi̱ gaat tyok ji. A̱ si̱ yorong Yesu, a̱ si̱ lyip gu nyia̱, “Nwan wa yet a̱gwam A̱yahudawa wu a?”

Yoona 19:12

Nang gwomna Bilatut nfa̱k a̱lyiat na a̱ni, a̱ si̱ kwan a̱ chat vak nang gu na nkai Yesu a̱ wot a̱ni. A̱mgba̱m ma̱ng a̱nia, A̱yahudawa ba si̱ bu koot a̱gugwong mi̱ chet nyia̱, “Ka̱ a kai a̱tyu wuni ghwon; to, nwan wa yet a̱kpa̱ndang Kaisar, a̱gwam shan A̱romawa wu bah! Konyan wa kyiak a̱pyia̱ nggu nang a̱gwam a̱ni, a̱tyu wa nyia̱ na̱nvan hwa ma̱ng Kaisar!”

Yoona 19:14

A̱tuk a̱kya nang mam ka̱ mbai di̱di̱r, nang á̱ wu shyip á̱ nwuo A̱yet Ghwut mman Isi̱rela mi̱ Khwo hu; huhwa gwomna Bilatut nyia̱ ma̱ng a̱mba a̱ni, “Nyi li, a̱gwam nyin wu wa wu!”

Yoona 19:21

Huhwa a̱cha̱chet a̱yaapris ba̱ yet A̱yahudawa a̱ni, ba̱ si̱ nyia̱ ma̱ng gwomna Bilatut a̱ni, “Yok lyuut, nyia̱, ‘A̱gwam A̱yahudawa’ bah. A̱wot kyang hu á̱ na lyuut a̱ni huhwa yet; ‘A̱tyu wuni kyiak a̱pyia̱ nggu a̱ yet a̱gwam A̱yahudawa wa.’ ”

Yoona 19:3

A̱wot ba̱ si̱ chong á̱ tsot gu, á̱ tsa á̱ nyia̱ gu lihyat, “Shyichet ang ku labeang, A̱gwam A̱yahudawa!”

Nta̱m A̱yaata̱m 26:9

“Gbangbang nung meang, n ku nwuak a̱chuchuk, n si̱ ndi ku myim n nyia̱ kuzang kyang ku na nyia̱ na̱nvan ma̱ng a̱lyoot Yesu a̱tyu Na̱za̱ra̱t a̱ni.

Nta̱m A̱yaata̱m 3:6

A̱wot Bitut si̱ nyia̱ ma̱ng a̱nggu, “N byia̱ kurum zi̱nariya ku a̱zurfa nang n na nang ang a̱ni bah. A̱mgba̱m ma̱ng a̱nia, kyang hu n byia̱ a̱ni; huhwa n na nang ang. Mami chet a̱lyoot Yesu Kristi A̱tyu Na̱za̱ra̱t, [[doot]] a chong!”