Yoona 19:18 - A̠lyiat A̠gwaza na di̠n Tyap: A̠li̠ka̠uli A̠fai

¹⁸ Da̱ a̱vwuo kani kya nang á̱ ku nkpang Yesu da̱ a̱team a̱khwu wu, dundung ma̱ng á̱tang a̱feang; a̱tyo nyiung a̱zayak, a̱tyo nyiung a̱za myian.

Yoona 19:18 Iomraidhean Croise

Matyu 27:44

Ma a̱nia wa á̱niet á̱tsaai a̱feang a̱bya, nang á̱ ku kpang mba ndung ma̱ng a̱nggu a̱ni, mba meang ba̱ si̱ mun á̱ lyiat gu lihyat hu.

Yoona 18:32

(A̱lyiat nani ku bai da̱nian na̱ ka nat ma̱ cha̱chaat ma̱ng kyang nang Yesu ku tak á̱zanson di̱n jen nang gu ku ntyai tangka̱i a̱khwu nang gu na khwu a̱ni.)

Yoona 19:32

Á̱niet nzwang ba si̱ kin bai da̱ a̱vwuo á̱niet nang á̱ ku kpang da̱ a̱team a̱khwu wu dundung ma̱ng Yesu a̱ni. Ba̱ si̱ kpa̱ra̱m a̱ti̱tak a̱tyo a̱zanson ba. Ba̱ si̱ swak ba̱ si̱ kpa̱ra̱m a̱ti̱tak a̱tyo ngaan ba.

Nta̱m A̱yaata̱m 2:23

“A̱wot A̱gwaza ku tyia̱ Yesu mbwak nyin di̱ si̱sak ji nang A̱gwaza nda̱p a̱ sak, ma̱ng lyen á̱zanson nggu hu a̱ni. Nyin meang, nyi si̱ tyia̱ á̱ka̱tuk á̱niet si̱ kpang nggu da̱ a̱team a̱khwu, nyi si̱ hyat gu.

A̱ga̱la̱tiyawa 3:13

A̱wot Kristi wa tyia̱ zi̱ si̱ shot shyishyi a̱khwu nang doka ji shei a̱ni. Di̱n jen nang á̱ ku kpang Yesu á̱ si̱ lya̱u nggu da̱ a̱team a̱khwu wu a̱ni; a̱ si̱ kyiak shyishyi a̱khwu a̱ka̱tuk nyia̱ nzi̱t wu a̱ sak a̱pyia̱ nggu. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Konyan wa nang á̱ lya̱u ka̱tsak da̱ a̱kwon, ku tak nang shyishyi a̱khwu A̱gwaza ja ya nggu a̱ni.”

Ibriniyawa 12:2

Yok zi̱ tyia̱ a̱di̱dam nzi̱t wu di̱ Yesu kuzang jen. Nggu wa yet a̱gwak a̱ tsa nwuak fwuo da̱ A̱gwaza nzi̱t wu. A̱wot nggu wa bu na tyia̱ nwuak fwuo nzi̱t hu ku ngyet a̱tsatsak. Mat a̱lyia̱ sai nang Yesu na shya̱ á̱zanson a̱ni, a̱ ku gbang a̱lyia̱ nang á̱ nkpang nggu da̱ a̱team a̱khwu a̱ni. Á̱niet ba ku kyiak nang a̱khwu da̱ a̱team a̱khwu ngyet a̱ka̱tuk kyang nsum wa; a̱wot Yesu si̱ kyiak a̱nia bah. Ma̱ninika, Yesu swan a̱zayak da̱ a̱vwuo shi da̱ a̱beam a̱gba̱ndang chuk Tyok A̱gwaza ji.