Yoona 19:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ A̱yahudawa ba si̱ bu koot a̱gugwong mi̱ chet nyia̱, “Á̱ hyat gu! Á̱ kpang gu da̱ a̱team a̱khwu!” Bilatut si̱ lyip ba nyia̱, “Nyi chat n kpang a̱gwam nyin wu da̱ a̱team a̱khwu a?!” Huhwa a̱cha̱chet a̱yaapris ba si̱ nwuak gu shim nyia̱, “Nzi̱t, zi̱ byia̱ a̱gwam a̱ghyang bah; mi̱ Kaisar wa ma̱nyin nggu!”

Yoona 19:15 Iomraidhean Croise

Matyu 22:17

Mat a̱nia, di̱ li ang hu, tak ma̱ng a̱nzi̱t, á̱ shim nzi̱t ndyo zi̱ tan Kaisar a̱gwam shan A̱romawa wu kurum ga̱ndu nggu hu a, kee zi̱ yok?”

Luka 23:18

A̱jawa á̱kpa á̱niet ka si̱ kin koot a̱gugwong mi̱ chet da̱ a̱ka̱nyiung nyia̱, “Kaai! Yok á̱ hyat Yesu, a̱wot á̱ ti̱n Ba̱ra̱bat á̱ ghwon nzi̱t ndyo!”

Yoona 18:31

Gwomna Bilatut si̱ nyia̱ ma̱ng a̱mba, “Nyi nat ma̱ng a̱nggu ma̱ á̱pyia̱ nyin! Nyi nyia̱ gu shi̱ri̱ya ji cha̱chaat ma̱ng doka nyin ji!” Huhwa A̱yahudawa ba si̱ nyia̱ ma̱ng a̱nggu a̱ni, “Á̱ nwuak zi̱t chet zi̱ faat a̱yin shi̱ri̱ya a̱khwu bah!”

Yoona 19:6

Nang a̱cha̱chet a̱yaapris ma̱ng á̱niet cham A̱li Nwuat za̱nang A̱gwaza ba ndi Yesu a̱ni, ba̱ si̱ koot a̱gugwong mi̱ chet nyia̱, “Á̱ kpang nggu da̱ a̱team a̱khwu!” Huhwa Bilatut si̱ nyia̱ ma̱ng a̱mba, “Nyi nat nyi kpang nggu da̱ a̱team a̱khwu wu ma̱ á̱pyia̱ nyin! Mat nung, n shya̱ nggu ma̱ng a̱bun bah!”

Nta̱m A̱yaata̱m 13:28

Á̱niet bani si̱ zop Yesu. Da̱ mba ba̱ shya̱ ta̱fwat ji̱ maai, á̱ nfaat gu shi̱ri̱ya a̱khwu a̱ni bah. Ma̱ng a̱nia, ba̱ si̱ yong mi̱ chet, ba̱ si̱ tyia̱ gwomna Bilatut a̱ tyia̱ á̱ hyat gu.

Nta̱m A̱yaata̱m 21:36

Á̱kpa á̱niet ka si̱ tyong chung á̱ nkhwi, á̱ khwot a̱gugwong, nyia̱, “Nyi hyat gu! Nyi hyat gu!”

Nta̱m A̱yaata̱m 22:22

Á̱kpa á̱niet ka ba̱ myiai a̱fufwuo á̱ fwuong á̱lyiat Bulut na a̱ni. A̱wot nang ba̱ nfa̱k swáng a̱lyiat “Nnwap na̱ nwai yet A̱yahudawa a̱ni”, ba̱ si̱ kin nwuo khwot a̱gugwong mi̱ chet nyia̱, “Á̱ nkat ma̱ng a̱nggu! A̱ myim á̱ ghwon gu a̱chet bah!”