Yoona 19:13 - A̠lyiat A̠gwaza na di̠n Tyap: A̠li̠ka̠uli A̠fai

¹³ Nang gwomna Bilatut nfa̱k a̱lyiat a̱nia a̱ni, a̱ si̱ ghwut ma̱ng Yesu a̱ bai ndyo a̱ta̱usa. A̱ si̱ swan di̱n chuk tyok nyia̱ shi̱ri̱ya tazwa a̱tyii nang á̱ ku nok ma̱ng nfang a̱ni. Da̱ a̱lyem A̱yahudawa ka, á̱ ngyei a̱tyii wu “Ga̱bata.”

Yoona 19:13 Iomraidhean Croise

Matyu 27:19

Jen nang gwomna Bilatut nswan di̱ kyang swat shi̱ri̱ya nggu hu a̱ni, a̱byii̱k nggu wu si̱ kin ta̱m da̱ a̱vwuo nggu nyia̱, “Kai a̱tyu sang a̱bun a̱wa ghwon! Mat, n swuo a̱bung ba̱t ma̱ laat shyunshyung tazwa nggu!”

Luka 12:5

A̱wot n na ntak nyin a̱tyu a̱ myim nyi fa̱k a̱wun nggu ka a̱ni. Nyi fa̱k a̱wun A̱gwaza nia. Nggu wa ma̱nyin nggu byia̱ chet a̱ hyaai nyin mi̱ swanta hu, a̱wot a̱ sii ta swuan nyin ji ma̱ a̱nga̱ngak ndong sang sangba̱p. A̱tsak a̱lyiat, nggu wa ma̱nyin nggu, nyi na fa̱k a̱wun nggu ka.

Yoona 19:17

Yesu si̱ ghwut ma̱ a̱keang ka, a̱ fan a̱team a̱khwu wu ma̱ a̱pyia̱ nggu. A̱ si̱ nat ndyo da̱ a̱vwuo nang á̱ ngyei, “A̱vwuo A̱ghyighyak A̱pyia̱.” (Da̱ a̱lyem A̱yahudawa ka, á̱ ngyei, a̱vwuo ka “Goli̱gota”).

Yoona 19:20

A̱yahudawa ma̱ a̱di̱di̱t si̱ fang a̱lyiat nani. Kyang ku mbyia̱ a̱ni, a̱vwuo ka nang á̱ ku nkpang Yesu da̱ a̱team a̱khwu wu a̱ni, ka̱ ku shya̱ kpa̱mkpaan ma̱ng a̱gba̱ndang a̱keang wu. Á̱ ku lyuut a̱lyiat nani da̱ a̱lyem A̱yahudawa, A̱romawa, ma̱ng A̱helenawa.

Yoona 19:8

Jen nang gwomna Bilatut nfa̱k kyang ba̱ lyiat a̱ni, a̱wun nggu na si̱ mbeang.

Yoona 5:2

A̱ja mi̱ Urusha̱lima hu, kpa̱mkpaan ma̱ng a̱zanunwuai ka nang á̱ ngyei “A̱zanunwuai Zón Seap” a̱ni. Á̱ ku byia̱ jok a̱sa̱khwot, á̱ si̱ ngyei ji “Ba̱ta̱si̱da” da̱ a̱lyem Ibriniyawa. A̱wot á̱ si̱ bu tyong ji á̱ kaat ma̱ng ndidyaat nfwuon.

Nta̱m A̱yaata̱m 4:19

A̱wot Bitut ma̱ng Yoona si̱ nyia̱ ma̱ng a̱mba, “Nyin ma̱ á̱pyia̱ nyin, nyi zop nyi li kyang ku yet a̱sham da̱ a̱vwuo A̱gwaza a̱ni! Nyi fa A̱gwaza chat zi̱ khwi á̱lyiat nyin na, zi̱ ghwon á̱si̱ nggu ni̱nia kee?