Yoona 19:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ Yesu si̱ ma nwuak gu shim nyia̱, “A byia̱ tyok hu tazwa nung, ka̱nang á̱ jong ang hu neet Ma A̱gwaza tswazwa. Huhwa mbyia̱, á̱niet ba̱ ta̱bat nung ba̱ si̱ nwuak ang a̱ni; a̱ka̱tuk nang ba̱ nyia̱ a̱ni, swak a̱ si̱ nwan wu.”

Yoona 19:11 Iomraidhean Croise

Matyu 26:65

A̱jawa a̱gba̱ndang pris wu si̱ sam a̱yaatoot nggu ba mat a̱lyia̱ ya. A̱ si̱ nyia̱, “Nyi fa̱k lihyat! Yihwa mbyia̱ nang zi̱ bu nchat sheda ghyang? Ma̱ninika, a̱mgba̱m nyin meang, nyi fa̱k lihyat nang gu nyia̱ A̱gwaza ndyo a̱ni!”

Matyu 27:2

Ba̱ si̱ la̱p gu, ba̱ si̱ nkat ma̱ng a̱nggu. Ba̱ si̱ tyia̱ nggu mbwak Bilatut, a̱tyu a̱ ku yet gwomna A̱romawa wu a̱ni.

Matyu 6:13

Yok ghwon zi̱t zi̱ kwa di̱n jen mak bah. Da̱ a̱kwonu a̱kya, ti̱n zi̱t ma̱ a̱ka̱tuk wu wa. [[Mat tyok, chet, ma̱ng kyenkyai shi, yet si̱ nwan hwa, si̱ nat sang sangba̱p. Samba̱rka!]]’

Ma̱rkut 14:44

A̱wot ma̱ninika, Yahuda, a̱tyu a̱ yet a̱bang a̱byin wu a̱ni, ku mi̱ nda̱p ma̱ng a̱mba nyia̱, “A̱tyu nang n na nvwuk n byiat a̱ni, nggu wa nyi na ta̱bat, nyi nkat ma̱ng a̱nggu, nyi chok gu shansham.”

Luka 22:53

Kuzang a̱tuk n ni̱ shya̱ dundung ma̱ng a̱nyin tyiet A̱mali Nwuat Za̱nang A̱gwaza ka. Da̱ nyin, nyi ta̱bat nung mi̱ jen a̱ja bah. A̱wot jen jini yet si̱ nyin ja. Jen jini ja nang a̱ka̱tuk ndyin nnyia̱ tyok mi̱ swanta hu.”

Yoona 18:13

Mi̱ di̱ tsa hu ba̱ si̱ ya nnat ma̱ng a̱nggu da̱ a̱vwuo Hanana, a̱ ku yet a̱kwang Ka̱yafat wa. Ka̱yafat mameang, nggu wa ku yet a̱gba̱ndang pris wu ma̱ a̱lyia̱ a̱kya.

Yoona 18:3

Huhwa Yahuda si̱ kin doot a̱ si̱ bwuo á̱niet nzwang ma̱ng á̱niet chok A̱li Nwuat Za̱nang A̱gwaza ba, nang a̱cha̱chet pris ma̱ng A̱fa̱risawa ku ta̱m a̱ni; ba̱ si̱ nat ma̱ a̱byin ka. Ba̱ si̱ ba̱ng long sang ma̱ng a̱ka̱fi̱t ndong. Ba̱ si̱ mbeang nkyang nzwang.

Yoona 19:10

Huhwa gwomna Bilatut si̱ nyia̱ ma̱ng a̱nggu, “A lak lyiat hu ma̱ng a̱nung, ka̱ni? A lyen n byia̱ a̱wat n tyia̱ á̱ byii̱k ang á̱ ghwon; n si̱ bu mbyia̱ a̱wat ka nang n na ntyia̱ á̱ kpang ang da̱ a̱team a̱khwu a̱ni baa?”

Yoona 3:27

Huhwa Yoona si̱ ma nyia̱, “A̱yin byia̱ tyok san kyang, da̱nang á̱ nang gu neet Ma A̱gwaza tswazwa a̱ni bah.

Yoona 7:30

Huhwa, ba̱ si̱ chat ba̱ ta̱bat gu. A̱wot a̱yin si̱ sak gu bwak bah. Mat jen a̱khwu nggu ji ka̱n nyia̱ bah.

Yoona 9:41

Yesu si̱ nyia̱ ma̱ng a̱mba a̱ni, “Ka̱ nyi wa yet á̱niet a̱fi̱fan bya, si̱ nyi byia̱ a̱bun bah. A̱wot nang nyin nyia̱ nyi nwuan a̱ni, a̱ka̱tuk nyia̱ nyin wu yong da̱ nyin.”

Nta̱m A̱yaata̱m 2:23

“A̱wot A̱gwaza ku tyia̱ Yesu mbwak nyin di̱ si̱sak ji nang A̱gwaza nda̱p a̱ sak, ma̱ng lyen á̱zanson nggu hu a̱ni. Nyin meang, nyi si̱ tyia̱ á̱ka̱tuk á̱niet si̱ kpang nggu da̱ a̱team a̱khwu, nyi si̱ hyat gu.

Nta̱m A̱yaata̱m 3:13

A̱gwaza Ibrahim, ma̱ng Ishaku, ma̱ng Yakubu, a̱ yet A̱gwaza a̱mgba̱m a̱yaatyia̱ a̱khwop nzi̱t ba a̱ni; nggu wa nwuak a̱khwo nggu wu Yesu shi gu choot a̱tyu wuni! Nggu wa yet Yesu wu nang nyi ku lak, nyi si̱ tyia̱ nggu mbwak gwomna Bilatut; ku nang gwomna Bilatut ku nchat a̱ kai nggu a̱ ghwon a̱ni.

Nta̱m A̱yaata̱m 4:28

A̱wot kuzang nkyang nang ba̱ ku nyia̱ a̱ni, na̱ ku nat cha̱chaat ma̱ng kyang nang a ku mi̱ nshim, a si̱ la̱p sak ma̱ng chet ang hu a̱ni!

A̱romawa 11:36

A̱tsak a̱lyiat, nggu wa nyia̱ kuzang kyang, a̱wot a̱mgba̱m nkyang nani nshya̱ mat chet nggu hu, da̱nian konyan a̱ ka nwuak gu shi. Yok dyep ku yet si̱ A̱gwaza si̱ nat sang sangba̱p! Samba̱rka!

A̱romawa 13:1

Ku yet ta hwa, konyan ma̱ nyin gu nwuak á̱niet ba̱ nyia̱ tyok tazwa nggu a̱ni shi. Mat kuzang tyok, A̱gwaza wa nwuat huu. A̱wot á̱niet ba̱ ba̱ng ntyok na a̱ni, A̱gwaza wa nsak ba.

Yakubu 1:17

Kuzang a̱tan ma̱ng a̱tsatsak za̱nang chorop a̱ neet da̱ a̱vwuo A̱gwaza a̱ yet A̱tyia̱ nzi̱t, a̱tyu a̱ mat a̱mgba̱m nkyang na̱ sai mi̱ kyai tswazwa a̱ni. Da̱ nggu, a̱ shai za̱kwa nggu ji nang nghwughwu mam, ku zwat ma̱ng a̱ta̱ngwat ni̱ nshai tityan yong mba ji a̱ni bah.

Yakubu 4:17

Mat a̱nia, a̱tyu a̱ lyen kyang ku myim gu nyia̱ a̱ni, da̱nang gu nyia̱ nhu bah, a̱ nyia̱ a̱ka̱tuk nyia̱ wa.