Yoona 19:1 - A̠lyiat A̠gwaza na di̠n Tyap: A̠li̠ka̠uli A̠fai

¹ A̱jawa Bilatut si̱ tyia̱ á̱ si̱ ta̱bat Yesu á̱ si̱ tsot gu ma̱ng a̱ya̱u a̱ byia̱ pyipyia̱ ntswam a̱ni.

Yoona 19:1 Iomraidhean Croise

Matyu 20:19

A̱jawa ba̱ bu na ntyia̱ nka mbwak A̱romawa, da̱nian ba̱ ka mai nkaa, ba̱ mang nka a̱lyem, ba̱ tsot ka ma̱ng a̱ya̱u a̱ byia̱ pyipyia̱ ntswam a̱ni, a̱wot á̱ kpang ka da̱ a̱team a̱khwu. A̱wot a̱tuk mam tat ka, á̱ na ta̱ngam kaa ma̱ng swuan ma̱ á̱niet ba̱ ka̱n kwi a̱ni!”

Matyu 23:34

“Mat a̱nia, fa̱k la! Nung meang, n na nta̱m ma̱ng a̱nyin a̱yaata̱m a̱kwonu A̱gwaza, á̱niet mumwang, ma̱ng á̱niet tyiet doka A̱gwaza. A̱wot nyi na hyaai á̱ghyang mba. Nyi bu kpang mba da̱ a̱team a̱khwu. Nyi bu tsot á̱ghyang ma̱ng a̱ya̱u a̱ byia̱ pyipyia̱ ntswam a̱ni ma̱ á̱tutu a̱tung nyin ba. A̱wot nyi bu fi̱n ba á̱ ghwut ndyo neet ma̱ a̱keang kani si̱ nat a̱keang a̱ghyang.

Luka 18:33

Ba̱ na tsot ka ma̱ng a̱ya̱u a̱ byia̱ pyipyia̱ ntswam a̱ni. A̱wot ba̱ hyat ka. A̱mgba̱m ma̱ng a̱nia, a̱tuk mam tat ka, ka̱ na doot ma̱ng swuan ma̱ á̱niet ba̱ ka̱n kwi a̱ni.”

Luka 23:16

Mat a̱nia, n na ntyia̱ á̱ tsot gu ma̱ng a̱ya̱u a̱ byia̱ pyipyia̱ ntswam a̱ni, a̱wot n kai nggu ghwon.”

Luka 23:23

A̱wot á̱kpa á̱niet ka si̱ bu mbeang khwot a̱gugwong wu mi̱ chet nyia̱, “Á̱ kpang Yesu da̱ a̱team a̱khwu wu!” Ba̱ si̱ la̱u shyui gwomna Bilatut a̱fufwuo ma̱ng a̱gugwong mba wu.

2 A̱korontiyawa 11:24

A̱yahudawa ba ku bwuo a̱ka̱fwuon nang ba̱ tsot nung ma̱ng chyong nswak ntat ma̱ng a̱kubunyiung.

Ibriniyawa 11:36

Á̱ghyang á̱niet ma̱ mba, á̱ ku mai mba di̱ lihyat. Á̱ si̱ tsot ba ma̱ng a̱ya̱u a̱ byia̱ pyipyia̱ ntswam a̱ni. Á̱ si̱ bwoi mba a̱fi̱fa̱t a̱zama. Á̱ghyang á̱niet ma̱ mba, á̱ ku vwuoi mbaa ma̱ng a̱nyanyang, á̱ si̱ tyia̱ mba mi̱ jaru.

1 Bitut 2:24

Nggu ma̱ a̱pyia̱ nggu, ku kyiak a̱ka̱tuk nyia̱ nzi̱t wu mi̱ vam nggu hu da̱ a̱team a̱khwu; da̱nian zi̱ ka yet nkwom di̱ nyia̱ a̱ka̱tuk nyia̱, a̱wot zi̱ yet a̱chet di̱ nyia̱ a̱tsotswat nta̱m. Mat a̱fi̱fa̱t gu bibya, nang á̱ nchoot nyin.