Yoona 18:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Yesu si̱ bu nyia̱ ma̱ng a̱mba a̱ni, “N wa ka̱n tak ma̱ng a̱nyin; nung gwa ngyet gu. Ka̱nang nung gwa nang nyi chat, yok á̱niet bani ba̱ nkat.”

Yoona 18:8 Iomraidhean Croise

Matyu 26:56

A̱wot ku yet ta hwa A̱lyiat A̱gwaza na nang á̱ lyuut tazwa nung a̱ni na̱ bai da̱ a̱nu ka ma̱ cha̱chaat.” A̱jawa mman ta̱m Yesu na si̱ kin kai nggu á̱ ghwon, ba̱ si̱ tyong.

Yoona 10:28

N na nwuak mba swuan sang sangba̱p, a̱wot ba̱ na kwi bah. A̱yin si̱ mi̱n ta̱wap mba bwak nung bah.

Yoona 13:1

Neet nang jen song A̱yet Ghwut Mman Isi̱rela mi̱ Khwo ji ka̱ mbai bah, Yesu ku mi̱ ndyen nang jen gu na nghwon swanta huni gu bwuok a̱ nat da̱ a̱vwuo A̱tyia̱ nggu. Mat nang Yesu nchat á̱niet nggu ba, ba̱ shya̱ mi̱ swanta hu a̱ni. A̱wot a̱ si̱ bu tak mba tangka̱i a̱jhyem chat nang gu byia̱ da̱nian mba a̱ni.

Yoona 13:36

Siman Bitut si̱ lyip Yesu nyia̱ “Nwan A̱tyoli nung, a naat a̱ji wa?” Yesu si̱ nwuak gu shim hu nyia̱, “A si̱ mi̱n khwi nung di̱ yong huni, a nat tyan ji nang n naat a̱ni bah. Di̱n jen jhyang ja nang a bye nkhwi nung, a nat dundung ma̱ng a̱nung.”

Yoona 16:32

To, ka̱ a̱nia wa, jen na bai, di̱ yong huni ji wa ka̱n nyia̱, nang á̱ na nseang nyin! Konyan a̱ bwuok a̱ nat a̱mali nggu, nyi ghwon nung ma̱nyin nung! Ma̱ng a̱nia, nung gwa ma̱nyin nung bah; a̱tyia̱ nung wu shya̱ dundung ma̱ng a̱nung.

Yoona 18:7

Yesu si̱ bu lyip ba a̱ka̱feang nyia̱, “A̱nyan wa nang nyi chat la?” Ba̱ si̱ bu nwuak gu shim nyia̱, “Yesu A̱tyu Na̱za̱ra̱t!”

Yoona 18:9

Yesu ku hyia̱ a̱lyiat nani, da̱nian na̱ ka nat cha̱chaat ma̱ng a̱lyiat na nang gu ku mi̱ nhyia̱ ma̱ng a̱mba nyia̱, “A̱tyia̱, mami á̱niet ba nang a nwuak nung a̱ni; a̱tyo nyiung ma̱ng a̱mba, na bwuk bah.”

1 A̱korontiyawa 10:13

Mai ku shyat nyin a̱ni, ku vwuon ma̱ng si̱ nang á̱ghyang á̱niet shyat a̱ni bah. A̱wot A̱gwaza yet a̱tsotswat wa. A̱ na ghwon á̱ mak nyin ma̱ng kyang ku swuo chet nyin nyi kwa a̱ni bah. A̱wot di̱ mak a̱hwa hwa, nang gu na nkhwuk nyin vak nang nyi na nghwut a̱ni, da̱nian nyi ka gbang a̱lyia̱ di̱n jen mak ji.

2 A̱korontiyawa 12:9

Kuzang jen ki̱ n naai ngguu, gu nyia̱ ma̱ng a̱nung, “N nyia̱ ang shok gba̱mgbam ji̱ maai ang a̱ni. Mat chet nung hu ni̱ mbeang ba̱t, ku tak kpa̱sai di̱n jen lat ang ji.” Mat a̱nia, ma̱ninika, n gwai, n si̱ ntam tazwa lat nung hu, da̱nian chet Kristi hu ku ka nyia̱ nta̱m mami nung.

A̱fisawa 5:25

Nyin á̱tyok, ku myim nyi chat á̱nyiuk nyin ba, ma̱nang Kristi nchat á̱niet khwi ba, a̱wot a̱ si̱ nwuak a̱pyia̱ nggu a̱ si̱ khwu da̱nian mba a̱ni.

1 Bitut 5:7

Nyi neap A̱gwaza a̱mgba̱m a̱fi̱fa nyin wu, mat nggu wa chok nyin.