Yoona 18:40 - A̠lyiat A̠gwaza na di̠n Tyap: A̠li̠ka̠uli A̠fai

⁴⁰ Ba̱ si̱ koot a̱gugwong, nyia̱, “Kaai, a̱tyo wuni wa a na byii̱k kai ghwon bah! Zi̱ chat a byii̱k zi̱t Ba̱ra̱bat wa!” Ba̱ra̱bat wa ku yet a̱tyu a̱ chat ta̱gurup tyok A̱romawa hu a̱ni.

Yoona 18:40 Iomraidhean Croise

Matyu 26:55

A̱jawa Yesu si̱ nyia̱ ma̱ng á̱kpa á̱niet ka, “Nyi ghwut ma̱ng tswát ma̱ng shán, nyi si̱ bai ta̱bat nung, a ngyei n gyet a̱tyu a̱ kwak a̱son á̱niet a̱tsaai a̱ni a? Kuzang mam n ni̱ shya̱ dundung ma̱ng a̱nyin tyiet A̱mali Nwuat Za̱nang A̱gwaza ka, da̱ nyin nyi ta̱bat nung bah.

Matyu 27:16

Mi̱ njen a̱ja, a̱tyok a̱ghyang ku shya̱ mi̱ nyim mi̱ jaru á̱ si̱ ngyei nggu Ba̱ra̱bat, nang á̱ lyen gu ma̱ng nyia̱ a̱ka̱tuk a̱ni.

Matyu 27:26

A̱jawa gwomna Bilatut si̱ ti̱n Ba̱ra̱bat mi̱ jaru ji a̱ ghwon. A̱ si̱ tyia̱ á̱ si̱ tsot Yesu ma̱ng a̱ya̱u a̱ byia̱ pyipyia̱ ntswam a̱ni. A̱ si̱ tyia̱ nggu mbwak á̱niet nzwang A̱romawa na, ba̱ kpang gu da̱ a̱team a̱khwu.

Ma̱rkut 15:15

Gwomna Bilatut si̱ chat a̱ mwang á̱kpa á̱niet ka ba̱ tyia̱ nywang. A̱ si̱ ti̱n Ba̱ra̱bat mi̱ jaru ji a̱ ghwon. A̱ si̱ tyia̱ Yesu mbwak á̱niet nzwang A̱romawa na, ba̱ tsot gu ma̱ng a̱ya̱u a̱ byia̱ pyipyia̱ ntswam a̱ni; a̱wot ba̱ nat ma̱ng a̱nggu ba̱ kpang gu da̱ a̱team a̱khwu.

Ma̱rkut 15:7

A̱wot di̱n jen a̱ja a̱tyok a̱ghyang nang á̱ ngyei Ba̱ra̱bat a̱ni, ku nshya̱ di̱ nyim mi̱ njaru ma̱ng á̱ghyang á̱niet ba̱ ku tyia̱ tyok A̱romawa hu zat. Ba̱ si̱ bu hyat a̱yin a̱ni.

Luka 23:25

Ma̱nang á̱kpa á̱niet ka nchat a̱ni, gwomna Bilatut si̱ ti̱n Ba̱ra̱bat mi̱ jaru ji a̱ ghwon, a̱tyu nang á̱ ku nyim, mat a̱ ku fuut jhya̱ a̱ si̱ chat ta̱gurup tyok A̱romawa hu; a̱wot a̱ si̱ hyat a̱yin a̱ni! Gwomna Bilatut si̱ bwuok ma̱ng Yesu a̱ tyia̱ mba ndyo mbwak, ba̱ nat ba̱ si̱ kpang nggu da̱ a̱team a̱khwu nang ba̱ nchat a̱ni.