Yoona 18:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Yesu mameang ku lyen a̱mgba̱m kyang hu ku na shya̱ nggu a̱ni. Huhwa si̱ mbyia̱ a̱ si̱ ghwut mami mman ta̱m nggu na a̱ bai a̱zanson. A̱ si̱ nyia̱ ma̱ng a̱mba, “A̱nyan wa nang nyi chat?”

Yoona 18:4 Iomraidhean Croise

Matyu 16:21

Neet di̱n jen a̱ja, Yesu si̱ nwuo shei ma̱ng mman ta̱m nggu na, nang ku ngyet gu ta hwa gu nat Urusha̱lima, a̱ si̱ swuo a̱bung di̱ nkyang ma̱ a̱di̱di̱t mbwak á̱niet khwop á̱niet, a̱cha̱chet a̱yaapris ma̱ng á̱niet tyiet doka. A̱wot á̱ hyat gu, a̱tuk mam tat ka, a̱ doot ma̱ng swuan ma̱ á̱niet ba̱ ka̱n kwi a̱ni.

Matyu 26:2

“Ma̱nang nyi ndyen a̱ni, á̱ bwat mam feang nia á̱ song A̱yet Ghwut Mman Isi̱rela mi̱ Khwo wu. A̱wot á̱ na bwuk ma̱ng Nggwon A̱tyubishyi, da̱nian á̱ ka kpang nka da̱ a̱team a̱khwu.”

Matyu 26:21

Nang ba̱ shya̱ di̱ ya kyayak A̱yet hu a̱ni, Yesu si̱ nyia̱ ma̱ng a̱mba, “N tak nyin a̱tsak a̱lyiat, a̱tyo nyiung ma̱ nyin na bwuk ma̱ng a̱nung.”

Matyu 26:31

Nang ba̱ shya̱ di̱n vak á̱ naat di̱n Tsok Za̱itun ji a̱ni, Yesu si̱ nyia̱ ma̱ng a̱mba, “A̱tyetuk a̱fwun kani, a̱mgba̱m nyin, nyi na tyong nyi ghwon nung. Ma̱nang á̱ ndyuut mami A̱lyiat A̱gwaza na a̱ni nyia̱, ‘N na hyat a̱tyu chok zón seap wu. A̱wot a̱sorong zón seap ka na seang.’

Luka 24:44

A̱jawa Yesu si̱ nyia̱, “Jen nang n ku nshya̱ ndung ma̱ng a̱nyin a̱ni, n ku ntak ma̱ng a̱nyin á̱zanson nang kuzang a̱lyiat nang á̱ lyuut tazwa nung mi̱ doka Musa ji ma̱ng a̱yaata̱m a̱kwonu A̱gwaza ba, mbeang Za̱bura a̱ni; ku yet ta hwa na̱ bai da̱ a̱nu ka.”

Yoona 13:1

Neet nang jen song A̱yet Ghwut Mman Isi̱rela mi̱ Khwo ji ka̱ mbai bah, Yesu ku mi̱ ndyen nang jen gu na nghwon swanta huni gu bwuok a̱ nat da̱ a̱vwuo A̱tyia̱ nggu. Mat nang Yesu nchat á̱niet nggu ba, ba̱ shya̱ mi̱ swanta hu a̱ni. A̱wot a̱ si̱ bu tak mba tangka̱i a̱jhyem chat nang gu byia̱ da̱nian mba a̱ni.

Yoona 13:11

Yesu ku lyen a̱tyu a̱ yet a̱bang a̱byin wu a̱ na bwuk ma̱ng a̱nggu a̱ni. Huhwa ku mbyia̱ a̱ si̱ nyia̱ ma̱ng a̱mba a̱mgba̱m konyan wa ma̱ a̱mba yet a̱za̱za̱rak bah.

Yoona 18:5

Ba̱ si̱ ma shim nggu ndyo nyia̱, “Yesu, A̱tyu Na̱za̱ra̱t wa!” Yesu si̱ nyia̱ ma̱ng a̱mba, “Di, nung gwa wu!” (Yahuda a̱bang a̱byin wu a̱ na bwuk ma̱ng Yesu a̱ni, nang gu yong dundung ma̱ng a̱mba a̱ja.)

Yoona 18:7

Yesu si̱ bu lyip ba a̱ka̱feang nyia̱, “A̱nyan wa nang nyi chat la?” Ba̱ si̱ bu nwuak gu shim nyia̱, “Yesu A̱tyu Na̱za̱ra̱t!”

Yoona 19:28

Yesu lyen nang di̱ yong huni, kuzang kyang mbai tyak. A̱wot da̱nian kuzang kyang hu ka nat cha̱chaat nang á̱ ku ndyuut mami A̱lyiat A̱gwaza na a̱ni; huhwa si̱ mbyia̱, a̱ si̱ nyia̱, “N fwuong mashyi.”

Yoona 6:64

“A̱mgba̱m ma̱ng a̱nia, á̱ghyang ma̱ nyin nwuak a̱chuchuk bah.” Mat Yesu ku mi̱ ndyen á̱niet ba̱ na lak nwuak a̱chuchuk wu a̱ni, ma̱ng a̱tyu a̱ na yet gu a̱bang a̱byin wu a̱ni.

Nta̱m A̱yaata̱m 2:28

A tyiet nung vak shya̱ swuan. A̱wot a na tyia̱ nung fwuo sai gba̱mgbam, di̱n jen nang a nshya̱ dundung ma̱ng a̱nung a̱ni!’

1 Bitut 4:1

Mat a̱nia, nang Yesu nswuo a̱bung mi̱ vam a̱ni, ku yet ta hwa nyi yong mi̱ chet ma̱nang a̱nggu a̱ni. A̱wot nyi swan ma̱ng la̱p vam fwuong swuo a̱bung meang. Mat ka̱ nyi swuo a̱bung da̱nian Kristi, ku tak nang a̱ka̱tuk nyia̱ bu byia̱ tyok tazwa nyin bah.