Yoona 18:36 - A̠lyiat A̠gwaza na di̠n Tyap: A̠li̠ka̠uli A̠fai

³⁶ Yesu si̱ ma nwuak Bilatut shim hu nyia̱, “Tyok nung hu yet si̱ mi̱ swanta huni hwa bah. Ka̱ tyok nung hu wa yet si̱ mi̱ swanta huni hwa, si̱ á̱niet ba̱ nyia̱ nung nta̱m a̱ni, na nyia̱ zwang da̱nian nung, ba̱ nvwuong á̱ tyia̱ nung bwak a̱cha̱chet A̱yahudawa ba.”

Yoona 18:36 Iomraidhean Croise

Matyu 26:53

Ku myim nyi lyen nang n mbyia̱ a̱wat n dyip A̱tyia̱ nung wu, a̱wot gu kin nta̱m ma̱ng a̱nung á̱niet nzwang a̱yaata̱m tswá ba̱ yet chyikwop ma̱ a̱di̱di̱t a̱di̱t a̱ni, ba̱ ka chok zi̱t za̱m.

Luka 12:14

Yesu si̱ nwuak gu shim nyia̱, “A̱tuba nung, a̱nyan wa jong nung tyok n gyet a̱tyu zop a̱lyiat, n faat na tazwa nyin di̱ nkyang nang si̱ a̱nia a̱ni?”

Yoona 18:35

Bilatut si̱ nwuak Yesu shim nyia̱, “A lyen nung n gyet a̱tyu A̱yahudawa bah. Á̱niet ang bibya ma̱ng a̱cha̱chet a̱yaapris ba; bibya bai ma̱ng a̱nwan da̱ a̱vwuo nung ka! Yihwa nang a nyia̱?”

Yoona 6:15

Nang Yesu ndyen nang ba̱ nchobai ba̱ ta̱bat guu, ba̱ ka kup gu tyok mi̱ chet; huhwa si̱ mbyia̱ a̱ si̱ tyia̱ ghyuai a̱ ghwut. A̱ si̱ nkat tazwa tsutsok ka nggu ma̱nyin nggu.

Yoona 8:15

Nyin, nyi nyia̱ shi̱ri̱ya nang á̱niet mi̱ swanta a̱ni. Nung, n nyia̱ shi̱ri̱ya tazwa a̱yin bah.

A̱romawa 14:17

Mat Tyok A̱gwaza hu yet a̱lyiat tazwa kyayak nang á̱ na ya ma̱ng swuo hwa a̱ni bah. Da̱ a̱kwonu a̱kya, ku yet tsotswat nswat, swat nyinyang ma̱ng á̱ghyang, ma̱ng a̱lyia̱ sai mami A̱za̱za̱rak Ntswa.

1 Timoti 6:13

N kam ang a̱zaghyi A̱gwaza, a̱tyu a̱ nwuat kuzang kyang swuan a̱ni, ma̱ng Yesu Kristi a̱tyu a̱ ku gbang a̱lyia̱ a̱ si̱ tak a̱chuchuk kpa̱sai a̱zaghyi gwomna Buntut Bilatut ma̱ sa̱t a̱ni;