Yoona 18:32 - A̠lyiat A̠gwaza na di̠n Tyap: A̠li̠ka̠uli A̠fai

³² (A̱lyiat nani ku bai da̱nian na̱ ka nat ma̱ cha̱chaat ma̱ng kyang nang Yesu ku tak á̱zanson di̱n jen nang gu ku ntyai tangka̱i a̱khwu nang gu na khwu a̱ni.)

Yoona 18:32 Iomraidhean Croise

Matyu 20:19

A̱jawa ba̱ bu na ntyia̱ nka mbwak A̱romawa, da̱nian ba̱ ka mai nkaa, ba̱ mang nka a̱lyem, ba̱ tsot ka ma̱ng a̱ya̱u a̱ byia̱ pyipyia̱ ntswam a̱ni, a̱wot á̱ kpang ka da̱ a̱team a̱khwu. A̱wot a̱tuk mam tat ka, á̱ na ta̱ngam kaa ma̱ng swuan ma̱ á̱niet ba̱ ka̱n kwi a̱ni!”

Matyu 26:2

“Ma̱nang nyi ndyen a̱ni, á̱ bwat mam feang nia á̱ song A̱yet Ghwut Mman Isi̱rela mi̱ Khwo wu. A̱wot á̱ na bwuk ma̱ng Nggwon A̱tyubishyi, da̱nian á̱ ka kpang nka da̱ a̱team a̱khwu.”

Ma̱rkut 10:33

A̱ si̱ nyia̱ ma̱ng a̱mba, “Nyi fa̱k! Zi̱ naat Urusha̱lima! A̱ja, á̱ na bwuk ma̱ng Nggwon A̱tyubishyi. Á̱ tyia̱ nka mbwak a̱cha̱chet a̱yaapris, ma̱ng á̱niet tyiet doka A̱yahudawa. A̱wot ba̱ faat nka shi̱ri̱ya a̱khwu. Ba̱ bu tyia̱ nka mbwak Nnwap na̱ nwai yet A̱yahudawa a̱ni.

Yoona 10:31

Huhwa A̱yahudawa ba si̱ bu kyiak nfang nang ba̱ na mmang nggu a̱ni.

Yoona 10:33

A̱yahudawa ba si̱ nwuak Yesu shim nyia̱, “Zi̱ na mang ang mat a̱tan nta̱m nang a nyia̱ a̱ni bah. A̱wot mat lihyat nang a nyia̱ A̱gwaza ndyo wa a̱ni! Nwan a yet a̱tyubishyi a̱ni, a kyiak a̱pyia̱ ang cha̱chaat ma̱ng A̱gwaza!”

Yoona 13:18

“A̱mgba̱m nyin wa nang n dyiat bah. N dyen á̱niet ba nang n ku nkhai ma̱ nyin a̱ni. A̱mgba̱m ma̱ng a̱nia, ku yet ta hwa A̱lyiat A̱gwaza na na̱ bai cha̱chaat nyia̱, ‘A̱tyu a̱ ya kyayak hu ma̱ng a̱nung a̱ni, a̱ bwuak a̱ si̱ tyia̱ a̱tyu lak li nung.’

Yoona 18:31

Gwomna Bilatut si̱ nyia̱ ma̱ng a̱mba, “Nyi nat ma̱ng a̱nggu ma̱ á̱pyia̱ nyin! Nyi nyia̱ gu shi̱ri̱ya ji cha̱chaat ma̱ng doka nyin ji!” Huhwa A̱yahudawa ba si̱ nyia̱ ma̱ng a̱nggu a̱ni, “Á̱ nwuak zi̱t chet zi̱ faat a̱yin shi̱ri̱ya a̱khwu bah!”

Yoona 21:19

(Yesu ku hyia̱ si̱ huni da̱nian gu ka tak tangka̱i a̱khwu nang Bitut na̱ khwu, ka̱ ka nwuak A̱gwaza shi a̱ni). A̱wot Yesu si̱ nyia̱ ma̱ng Bitut, “Khwi nung!”

Yoona 3:14

“Ma̱nang Musa ku nta̱ngam ghwughwu nzwak hu ku ku yet a̱kpeap ka mi̱ tswa a̱yit ji a̱ni; ma a̱nia wa nang á̱ ba̱ nta̱ngam Nggwon A̱tyubishyi ka ma̱ cha̱chaat.

Yoona 8:28

Yesu si̱ nyia̱ ma̱ng a̱mba a̱ni, “Jen nang nyi bye nta̱ngam Nggwon A̱tyubishyi tswazwa a̱ni; jen a̱ja ja nang nyi bye ndyen nang nung gwa ngyet a̱tyu nang n tak ngyet a̱ni. N nyia̱ kyang ma̱nyin nung bah. N nyia̱ di̱ si̱sak ji nang A̱tyia̱ nung wu ntyiet nung a̱ni; a̱nia wa nang n dyiat.

Nta̱m A̱yaata̱m 7:59

Nang ba̱ ku mmang Itifanut ma̱ng fang na a̱ni, a̱ si̱ naai A̱gwaza nyia̱, “A̱tyoli Yesu, san ntswa nung ji!”

A̱ga̱la̱tiyawa 3:13

A̱wot Kristi wa tyia̱ zi̱ si̱ shot shyishyi a̱khwu nang doka ji shei a̱ni. Di̱n jen nang á̱ ku kpang Yesu á̱ si̱ lya̱u nggu da̱ a̱team a̱khwu wu a̱ni; a̱ si̱ kyiak shyishyi a̱khwu a̱ka̱tuk nyia̱ nzi̱t wu a̱ sak a̱pyia̱ nggu. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Konyan wa nang á̱ lya̱u ka̱tsak da̱ a̱kwon, ku tak nang shyishyi a̱khwu A̱gwaza ja ya nggu a̱ni.”