Yoona 18:30 - A̠lyiat A̠gwaza na di̠n Tyap: A̠li̠ka̠uli A̠fai

³⁰ Huhwa ba̱ si̱ nwuak gu shim nyia̱, “Ka̱ a̱tyu wuni wa yok bwuo a̱bun bah, si̱ zi̱ bai ma̱ng a̱nggu da̱ a̱vwuo ang ka bah!”

Yoona 18:30 Iomraidhean Croise

Ma̱rkut 10:33

A̱ si̱ nyia̱ ma̱ng a̱mba, “Nyi fa̱k! Zi̱ naat Urusha̱lima! A̱ja, á̱ na bwuk ma̱ng Nggwon A̱tyubishyi. Á̱ tyia̱ nka mbwak a̱cha̱chet a̱yaapris, ma̱ng á̱niet tyiet doka A̱yahudawa. A̱wot ba̱ faat nka shi̱ri̱ya a̱khwu. Ba̱ bu tyia̱ nka mbwak Nnwap na̱ nwai yet A̱yahudawa a̱ni.

Ma̱rkut 15:3

A̱cha̱chet a̱yaapris ba ku bat gu di̱ bwoi a̱bun ma̱ a̱di̱di̱t.

Luka 24:7

‘Ku yet ta hwa á̱ tyia̱ Nggwon A̱tyubishyi mbwak á̱niet á̱ka̱tuk nyia̱, ba̱ kpang nka da̱ a̱team a̱khwu. A̱wot a̱tuk mam tat ka, ka̱ na doot ma̱ng swuan ma̱ á̱niet ba̱ ka̱n kwi a̱ni.’ ”

Yoona 18:29

Huhwa ku mbyia̱ gwomna Bilatut si̱ ghwut a̱ nat a̱ta̱usa, a̱ si̱si̱ shya̱ mba. A̱ si̱ lyip ba nyia̱, “Zang a̱hyiak nia nang nyi mbat a̱tyu wuni?”

Yoona 18:31

Gwomna Bilatut si̱ nyia̱ ma̱ng a̱mba, “Nyi nat ma̱ng a̱nggu ma̱ á̱pyia̱ nyin! Nyi nyia̱ gu shi̱ri̱ya ji cha̱chaat ma̱ng doka nyin ji!” Huhwa A̱yahudawa ba si̱ nyia̱ ma̱ng a̱nggu a̱ni, “Á̱ nwuak zi̱t chet zi̱ faat a̱yin shi̱ri̱ya a̱khwu bah!”

Yoona 19:12

Nang gwomna Bilatut nfa̱k a̱lyiat na a̱ni, a̱ si̱ kwan a̱ chat vak nang gu na nkai Yesu a̱ wot a̱ni. A̱mgba̱m ma̱ng a̱nia, A̱yahudawa ba si̱ bu koot a̱gugwong mi̱ chet nyia̱, “Ka̱ a kai a̱tyu wuni ghwon; to, nwan wa yet a̱kpa̱ndang Kaisar, a̱gwam shan A̱romawa wu bah! Konyan wa kyiak a̱pyia̱ nggu nang a̱gwam a̱ni, a̱tyu wa nyia̱ na̱nvan hwa ma̱ng Kaisar!”

Nta̱m A̱yaata̱m 3:13

A̱gwaza Ibrahim, ma̱ng Ishaku, ma̱ng Yakubu, a̱ yet A̱gwaza a̱mgba̱m a̱yaatyia̱ a̱khwop nzi̱t ba a̱ni; nggu wa nwuak a̱khwo nggu wu Yesu shi gu choot a̱tyu wuni! Nggu wa yet Yesu wu nang nyi ku lak, nyi si̱ tyia̱ nggu mbwak gwomna Bilatut; ku nang gwomna Bilatut ku nchat a̱ kai nggu a̱ ghwon a̱ni.

2 Timoti 2:9

Mat A̱sham Nkhang kani nang n shei a̱ni, kikya nang n swuo a̱bung ka. Ku si̱ tat á̱ vwuoi nung ma̱ng a̱nyanyang á̱ ngyei n gyet a̱tyu bwoi a̱bun wa. A̱mgba̱m ma̱ng a̱nia, da̱ mba, á̱ la̱p a̱lyiat A̱gwaza na ma̱ng a̱nyanyang bah.

1 Bitut 4:15

A̱mgba̱m ma̱ng a̱nia, ka̱ nyi swuo a̱bung ku yok li nang shi̱ri̱ya a̱tyu a̱ hyat a̱yin, a̱tang, bwoi jhya̱, ku nwuai ma̱ a̱lyiat nang nyi byia̱ a̱ka̱ta a̱ni bah.