Yoona 18:3 - A̠lyiat A̠gwaza na di̠n Tyap: A̠li̠ka̠uli A̠fai

³ Huhwa Yahuda si̱ kin doot a̱ si̱ bwuo á̱niet nzwang ma̱ng á̱niet chok A̱li Nwuat Za̱nang A̱gwaza ba, nang a̱cha̱chet pris ma̱ng A̱fa̱risawa ku ta̱m a̱ni; ba̱ si̱ nat ma̱ a̱byin ka. Ba̱ si̱ ba̱ng long sang ma̱ng a̱ka̱fi̱t ndong. Ba̱ si̱ mbeang nkyang nzwang.

Yoona 18:3 Iomraidhean Croise

Matyu 25:1

“A̱wot á̱ na tyan Tyok Ma A̱gwaza tswazwa hu ma̱ng kidee a̱ka̱neam swak na̱ yet a̱kpa̱ndang mi̱ nyeang a̱ni. Ba̱ ku kyiak fí̱tila mba ji, ba̱ si̱ nat ba̱ myim ma̱ng a̱tyu byia̱ nyeang a̱ni.

Yoona 13:2

Di̱n jen nang Yesu ma̱ng mman ta̱m nggu na nshya̱ di̱ ya kyayak a̱tyetuk a̱ni, nang A̱ta̱nyeang ka mameang ka̱n tyia̱ mi̱ fwuo Yahuda Iska̱riyoti, a̱fai Siman, nggu wa ku yet a̱bang a̱byin wu; gu bwuk ma̱ng Yesu.

Yoona 18:12

Sot á̱niet nzwang, mbeang a̱kwak a̱son mba wu, ma̱ng á̱niet chok a̱cha̱chet A̱yahudawa si̱ kin bai. Ba̱ si̱ ba̱ ta̱bat Yesu, ba̱ si̱ la̱p gu.

Yoona 18:18

Di̱n jen a̱ja a̱vwuo ka ku shi̱ri̱m. Mat a̱nia á̱niet nta̱m ma̱ng á̱niet chok A̱li Nwuat Za̱nang A̱gwaza ba si̱ kai long ma̱ng chan. Ba̱ si̱ yong á̱ keang long hu á̱ wa̱i. Bitut mameang, si̱ nat a̱ si̱ yong dundung ma̱ng a̱mba, a̱ wa̱i long hu.

Yoona 18:22

Nang Yesu nhyia̱ a̱nia a̱ni, huhwa a̱tyo nyiung ma̱ á̱niet chok a̱vwuo ba si̱ lwi nggu. A̱ si̱ nyia̱ “Yihwa a ndyiat a̱nia ma̱ng a̱gba̱ndang pris wu?!”

Yoona 19:6

Nang a̱cha̱chet a̱yaapris ma̱ng á̱niet cham A̱li Nwuat za̱nang A̱gwaza ba ndi Yesu a̱ni, ba̱ si̱ koot a̱gugwong mi̱ chet nyia̱, “Á̱ kpang nggu da̱ a̱team a̱khwu!” Huhwa Bilatut si̱ nyia̱ ma̱ng a̱mba, “Nyi nat nyi kpang nggu da̱ a̱team a̱khwu wu ma̱ á̱pyia̱ nyin! Mat nung, n shya̱ nggu ma̱ng a̱bun bah!”

Yoona 7:32

Nang A̱fa̱risawa ba ku nfa̱k nang á̱kpa á̱niet ka chyuang tazwa Yesu a̱ni; a̱jawa mba ma̱ng a̱cha̱chet a̱yaapris ba, ba̱ si̱ ta̱m á̱niet chok A̱li Nwuat Za̱nang A̱gwaza ba, ba̱ ka ta̱bat guu.

Nta̱m A̱yaata̱m 1:16

Bitut si̱ nyia̱, “Nyin á̱na̱nyiuk nung mba, ku yet ta hwa A̱lyiat A̱gwaza na na̱ bai da̱ a̱nu ka, nang A̱za̱za̱rak Ntswa A̱gwaza wu gbangbang ku ntak á̱zanson a̱bwonu A̱gwam Da̱wuda a̱ni. A̱za̱za̱rak Ntswa wu si̱ lyiat tazwa Yahuda Iska̱riyoti, a̱tyu a̱ ku kwak á̱ka̱tuk á̱niet ba vak, a̱ si̱ la̱p a̱nu ma̱ng a̱mba, ba̱ si̱ nta̱bat Yesu a̱ni.

Nta̱m A̱yaata̱m 10:1

Ma̱ a̱keang Kaisa̱riya, á̱ ku byia̱ a̱kwak a̱son sot á̱niet nzwang A̱romawa, á̱ si̱ ngyei nggu Ka̱rna̱liyut. A̱ ku yet a̱gba̱ndang wa, a̱ ba̱ng sot á̱niet nzwang chyi nang á̱ ngyei “Sot Á̱niet Nzwang Italiya” a̱ni.