Yoona 18:25 - A̠lyiat A̠gwaza na di̠n Tyap: A̠li̠ka̠uli A̠fai

²⁵ Ba̱ng ba̱ tat di̱ yong huni, Bitut ni̱ wa̱i long hu. Huhwa á̱ghyang á̱niet si̱ nyia̱ ma̱ng a̱nggu a̱ni, “N gyei a yet a̱tyo nyiung mami mman ta̱m a̱tyu nani a?” A̱jawa Bitut si̱ bu fwuo nyia̱, “Kaai, n shya̱ ma̱ng a̱mba bah!”

Yoona 18:25 Iomraidhean Croise

Matyu 26:69

Ma̱ a̱cha̱chaat njen a̱wa, nang Bitut nswan mi̱ didyaat gaat a̱li a̱gba̱ndang pris hu a̱ni, nggwon neam a̱ghyang ka̱ yet a̱khwo a̱ni, si̱ kin neet a̱ bai, a̱ ba̱ nyia̱ ma̱ng a̱nggu, “A ku mun shya̱ dundung ma̱ng Yesu a̱tyu Ga̱lili wu!”

Ma̱rkut 14:66

Nang Bitut nswan mi̱ ndidyaat tafa tutu zop a̱lyiat hu a̱ni, a̱khwo nggwon neam mami á̱khwo a̱gba̱ndang pris ba si̱ kin neet a̱ bai.

Luka 22:55

Á̱niet chok a̱vwuo ba si̱ kai long ma̱ a̱ka̱wa̱tyia̱ didyaat a̱li hu. Ba̱ si̱ swan á̱ keang long hu á̱ wa̱i. A̱wot Bitut si̱ swan dundung ma̱ng a̱mba.

Luka 22:56

Nang long hu ntat sai ma̱ á̱ghyi Bitut ba a̱ni, nggwon neam ka̱ yet a̱khwo a̱ni si̱ nwuan nggu di̱di̱r. Ka̱ si̱ fi̱k gu, ka̱ si̱ nyia̱, “A̱tyu wuni meang, a̱ yet a̱tyu khwi Yesu wa!”

Luka 22:57

A̱wot Bitut si̱ fwuo a̱lyiat a̱nia, a̱ si̱ nyia̱, “A̱byii̱k, n dyen gu lilyen bah!”