Biblia Todo Logo
Bìoball air-loidhne

- Sanasan -




Yoona 18:20 - A̠lyiat A̠gwaza na di̠n Tyap: A̠li̠ka̠uli A̠fai

20 Yesu si̱ nyia̱, “N ku ndyiat kpa̱sai a̱zaghyi konyan. N si̱ bu ngyong mi̱ di̱ tyiet á̱niet ba ma̱ á̱tutu a̱tung, ma̱ng A̱li Nwuat Za̱nang A̱gwaza, nang a̱mgba̱m A̱yahudawa ba ni̱ ntung a̱ni. N ka̱n mak lyiat kyang da̱ bang bah.

Faic an caibideil Dèan lethbhreac




Yoona 18:20
25 Iomraidhean Croise  

Mat a̱nia, ka̱ a̱yin nyia̱ ma̱ng a̱nyin, ‘Di, Kristi wu wa waau mi̱ ntswa a̱yit!’ Ku a̱ nyia̱, ‘Di nggu wa ta̱kup mi̱ ntswa nyuo!’ Nyi yok nwuak a̱chuchuk bah.


A̱jawa Yesu si̱ nyia̱ ma̱ng á̱kpa á̱niet ka, “Nyi ghwut ma̱ng tswát ma̱ng shán, nyi si̱ bai ta̱bat nung, a ngyei n gyet a̱tyu a̱ kwak a̱son á̱niet a̱tsaai a̱ni a? Kuzang mam n ni̱ shya̱ dundung ma̱ng a̱nyin tyiet A̱mali Nwuat Za̱nang A̱gwaza ka, da̱ nyin nyi ta̱bat nung bah.


A̱jawa a̱gba̱ndang pris wu si̱ sam a̱yaatoot nggu ba mat a̱lyia̱ ya. A̱ si̱ nyia̱, “Nyi fa̱k lihyat! Yihwa mbyia̱ nang zi̱ bu nchat sheda ghyang? Ma̱ninika, a̱mgba̱m nyin meang, nyi fa̱k lihyat nang gu nyia̱ A̱gwaza ndyo a̱ni!”


Yesu si̱ nwuai a̱ kat a̱mgba̱m fam a̱byin Ga̱lili hu. A̱ si̱ tyiet ma̱ á̱tutu a̱tung A̱yahudawa, a̱ bu shei á̱niet ba A̱sham Nkhang Tyok A̱gwaza ka. A̱ si̱ tsa a̱ nchoot á̱niet ba̱ nyia̱ ma̱ng kuzang tangka̱i nzwan a̱ni.


Yesu si̱ nwuai a̱cha̱chet ma̱ng a̱chyuang a̱ka̱keang, a̱ tyiet ma̱ á̱tutu a̱tung A̱yahudawa ba. A̱ si̱ shei A̱sham Nkhang ka tazwa Tyok Tswazwa hu. A̱ si̱ choot kuzang tangka̱i nzwan ma̱ á̱niet ba̱ nyia̱ ma̱ng zwán a̱ni.


Yesu ku hyia̱ a̱lyiat nani kpa̱sai. A̱wot Bitut si̱ khwat gu da̱ a̱gbang a̱nyiung. A̱ si̱ ta̱bat ngai ma̱ng a̱nggu, nyia̱ gu yok hyia̱ a̱nia bah.


Kuzang a̱ta̱mam, Yesu ni̱ nat A̱mali Nwuat Za̱nang A̱gwaza ka, a̱ ka tyiet á̱niet ba a̱ja. A̱wot kuzang jenshyung, a̱ bu ni̱ nat, a̱ si̱ kwai di̱ Tsok Za̱itun.


A̱ ni̱ tyiet kuzang jen ma̱ á̱tutu a̱tung mba na, a̱wot konyan ni̱ chyin guu.


Yihwa mbyia̱ nang nyi ndyi̱ri̱m nung? Nyi lyi̱ri̱m á̱niet ba ba̱ fwuong á̱lyiat nung na a̱ni, mat ba̱ lyen kyang hu nang n ndyiat a̱ni.”


Yesu ku lyiat á̱lyiat nani di̱n jen nang gu ku ntyiet á̱niet ba mi̱ tutu a̱tung A̱yahudawa hu ma̱ a̱keang Ka̱fanahum a̱ni.


A̱wot ma̱ a̱ka̱wa̱tyia̱ song a̱yet wu, Yesu si̱ nwuo mami didyaat A̱li Nwuat Za̱nang A̱gwaza ka, a̱ si̱ ta̱bat tyiet á̱niet ba a̱ja.


Di, nggu wa yong a̱ji! A̱ yong kpa̱sai a̱ lyiat. Da̱ mba, ba̱ nyia̱ nggu kyang bah. Ke a̱cha̱chet A̱yahudawa ba shim nang nggu wa ngyet Kristi wu la?


Nang Yesu ku ntyiet mi̱ didyaat A̱li Nwuat Za̱nang A̱gwaza hu a̱ni, a̱ si̱ lyiat ma̱ng a̱gba̱ndang a̱nwuat nyia̱, “Nyin, nyi lyen nung shansham ma̱ng a̱vwuo ka nang n neet a̱ni a? Nung, n bai da̱nian a̱pyia̱ nung bah. A̱tyu a̱ ta̱m nung a̱ni; nggu wa byia̱ a̱chuchuk wu. Da̱ nyin, nyi lyen gu bah.


Ka̱ a̱yin chat a̱ lyen nggu shansham, a̱ si̱ mi̱n niat nkyang nang gu nyia̱ a̱ni bah. Nang a nnyian nkyang nani a̱ni, ku myim a tyia̱ a̱mgba̱m swanta hu ku lyen ang!”


Da̱ a̱tsotson tat ka, Yesu si̱ bu bwuok a̱ nat mi̱ didyaat A̱li Nwuat Za̱nang A̱gwaza hu. A̱mgba̱m á̱kpa á̱niet ka si̱ bai da̱ a̱vwuo nggu. A̱ si̱ bwuok a̱ swan a̱byin, a̱ si̱ tyiet mbaa.


Nkyang nshya̱ ma̱ a̱di̱di̱t nang n na nhyia̱ n bu nnyia̱ nyin shi̱ri̱ya a̱ni. A̱mgba̱m ma̱ng a̱nia, a̱tyu a̱ ta̱m ma̱ng a̱nung a̱ni, a̱ byia̱ a̱chuchuk. A̱wot kyang hu nang n fa̱k da̱ a̱vwuo nggu a̱ni; huhwa nang n na ntak ma̱ng á̱niet mi̱ swanta ba.”


A̱wot A̱gwam A̱ga̱riba lyen á̱lyiat nani. A̱wot n dyiat ma̱ng a̱nggu ma̱ng gbang a̱lyia̱, mat n nwuak a̱chuchuk a̱ chyi nkyang nani bah, mat á̱ ku nyia̱ na mi̱n dyin hwa bah.


Lean sinn:

Sanasan


Sanasan