Yoona 18:18 - A̠lyiat A̠gwaza na di̠n Tyap: A̠li̠ka̠uli A̠fai

¹⁸ Di̱n jen a̱ja a̱vwuo ka ku shi̱ri̱m. Mat a̱nia á̱niet nta̱m ma̱ng á̱niet chok A̱li Nwuat Za̱nang A̱gwaza ba si̱ kai long ma̱ng chan. Ba̱ si̱ yong á̱ keang long hu á̱ wa̱i. Bitut mameang, si̱ nat a̱ si̱ yong dundung ma̱ng a̱mba, a̱ wa̱i long hu.

Yoona 18:18 Iomraidhean Croise

Ma̱rkut 14:54

Di̱n jen a̱ja Bitut ku shya̱ ti̱taa di̱ khwi Yesu, a̱ si̱ nwuo mi̱ didyaat a̱li a̱gba̱ndang pris hu. A̱ si̱ swan dundung ma̱ng á̱khwo ba, a̱ wa̱i long.

Ma̱rkut 14:67

Nang gu ndi Bitut gu ni̱ wa̱i long hu a̱ni, a̱ si̱ ti̱p á̱ghyi di̱di̱r da̱ nggu, a̱ si̱ nyia̱, “Nwan meang, a shya̱ dundung ma̱ng Yesu a̱tyu Na̱za̱ra̱t wuni!”

Luka 22:44

A̱mgba̱m ma̱ng a̱nia, Yesu si̱ bu naai A̱gwaza ma̱ng fwuo nyiung. A̱wot a̱ si̱ swuo a̱bung ma̱ng a̱di̱dam, a̱ si̱ ta a̱lahyia̱. Ka̱ si̱ shyot a̱ kwa̱i a̱byin nang a̱kukwang a̱sok a̱ni.]]

Yoona 18:25

Ba̱ng ba̱ tat di̱ yong huni, Bitut ni̱ wa̱i long hu. Huhwa á̱ghyang á̱niet si̱ nyia̱ ma̱ng a̱nggu a̱ni, “N gyei a yet a̱tyo nyiung mami mman ta̱m a̱tyu nani a?” A̱jawa Bitut si̱ bu fwuo nyia̱, “Kaai, n shya̱ ma̱ng a̱mba bah!”

Yoona 18:3

Huhwa Yahuda si̱ kin doot a̱ si̱ bwuo á̱niet nzwang ma̱ng á̱niet chok A̱li Nwuat Za̱nang A̱gwaza ba, nang a̱cha̱chet pris ma̱ng A̱fa̱risawa ku ta̱m a̱ni; ba̱ si̱ nat ma̱ a̱byin ka. Ba̱ si̱ ba̱ng long sang ma̱ng a̱ka̱fi̱t ndong. Ba̱ si̱ mbeang nkyang nzwang.

Yoona 21:9

Mi̱ di̱ ghwut mba hu ma̱ a̱sa̱khwot na, ba̱ si̱ li a̱chi̱chan ndong ma̱ng fa̱n tazwa ndong ka, mbeang burodi.

Nta̱m A̱yaata̱m 4:23

Nang á̱ nkai Bitut ma̱ng Yoona á̱ ghwon a̱ni, ba̱ si̱ bwuok á̱ nat da̱ a̱vwuo sot á̱niet khwi ji. A̱wot ba̱ si̱si̱ tak ma̱ng a̱mba kyang hu nang a̱yaakwak a̱son pris ba, ma̱ng á̱niet khwop á̱niet a̱gba̱ndang a̱tung ba lyiat ma̱ng a̱mba a̱ni.

1 A̱korontiyawa 15:33

Nyi yok shim á̱niet ba̱ laai nyin ma̱ng tangka̱i a̱lyiat huni bah, mat á̱ ni̱ nyia̱, “Swat ma̱ng á̱ka̱tuk á̱niet ni̱ byian a̱tan swat.”