Yoona 18:13 - A̠lyiat A̠gwaza na di̠n Tyap: A̠li̠ka̠uli A̠fai

¹³ Mi̱ di̱ tsa hu ba̱ si̱ ya nnat ma̱ng a̱nggu da̱ a̱vwuo Hanana, a̱ ku yet a̱kwang Ka̱yafat wa. Ka̱yafat mameang, nggu wa ku yet a̱gba̱ndang pris wu ma̱ a̱lyia̱ a̱kya.

Yoona 18:13 Iomraidhean Croise

Matyu 26:3

Di̱n jen a̱ja a̱cha̱chet a̱yaapris ma̱ng á̱niet khwop á̱niet si̱ tung mi̱ gaat a̱gba̱ndang pris, a̱tyu nang á̱ ku ngyei Ka̱yafat a̱ni.

Matyu 26:57

Á̱niet ba̱ ku ta̱bat Yesu a̱ni, ba̱ ku nat ma̱ng a̱nggu mi̱ gaat a̱li Ka̱yafat, a̱gba̱ndang pris wu, nang á̱niet tyiet doka ma̱ng á̱niet khwop á̱niet ba ntung a̱ni.

Luka 3:2

Di̱n jen a̱ja ja nang Hanana ma̱ng Ka̱yafat, bibya yet a̱cha̱chet a̱yaapris ba. A̱gwaza si̱ ta̱m ma̱ng a̱lyiat nggu na da̱ a̱vwuo Yoona, a̱fai Za̱ka̱riya, nang gu swan mi̱ ntswa a̱yit.

Yoona 11:49

A̱jawa nang a̱tyo nyiung ma̱ a̱mba, á̱ ku ngyei nggu Ka̱yafat (nggu wa ku yet a̱gba̱ndang pris wu a̱lyia̱ a̱kya); a̱ si̱ nyia̱ ma̱ng a̱mba, “Nyin, nyi lyen kyang bah za̱m!

Yoona 11:51

A̱lyiat nani nang Ka̱yafat ku lyiat a̱ni, na̱ ku yet a̱di̱dam a̱pyia̱ nggu wa bah. Kyang hu ku mbyia̱ a̱ni; nang nggu wa ngyet a̱gba̱ndang pris wu ma̱ a̱lyia̱ a̱kya, a̱ ku hyia̱ kyang ku na bai á̱zanson kya a̱ni; nang Yesu na nkhwu da̱nian á̱niet A̱yahudawa a̱ni.

Yoona 18:24

Huhwa Hanana si̱ tyia̱, á̱ si̱ ta̱m ma̱ng Yesu ma̱ng la̱p hu da̱ a̱vwuo Ka̱yafat.

Yoona 18:28

Ma̱ a̱tsotson a̱tson, ba̱ si̱ ghwut ma̱ng Yesu neet a̱mali Ka̱yafat. Ba̱ si̱ nat ma̱ng a̱nggu ma gwomna A̱romawa. Nang ba̱ si̱ ntat kpa̱mkpaan ma̱ng ma gwomna ka a̱ni, ba̱ si̱ lak nwuo hu nyia̱; kalak ba̱ kyiak á̱pyia̱ mba a̱na̱ndyung á̱ na vwuong ba nat kpa̱mkpaan ma̱ng A̱gwaza a̱ni; a̱wot á̱ bu vwuong ba ya nkyayak A̱yet Ghwut Mman Isi̱rela mi̱ Khwo.

Yoona 19:11

Yesu si̱ ma nwuak gu shim nyia̱, “A byia̱ tyok hu tazwa nung, ka̱nang á̱ jong ang hu neet Ma A̱gwaza tswazwa. Huhwa mbyia̱, á̱niet ba̱ ta̱bat nung ba̱ si̱ nwuak ang a̱ni; a̱ka̱tuk nang ba̱ nyia̱ a̱ni, swak a̱ si̱ nwan wu.”

Nta̱m A̱yaata̱m 4:6

Ba̱ si̱si̱ shya̱ Hanana, a̱ ku yet a̱gba̱ndang pris wu a̱ni, dundung ma̱ng Ka̱yafat, Yoona, ma̱ng A̱liza̱nda, mbeang á̱kum á̱niet ka ba̱ neet mi̱ kwai a̱gba̱ndang pris ji a̱ni.