Yoona 18:12 - A̠lyiat A̠gwaza na di̠n Tyap: A̠li̠ka̠uli A̠fai

¹² Sot á̱niet nzwang, mbeang a̱kwak a̱son mba wu, ma̱ng á̱niet chok a̱cha̱chet A̱yahudawa si̱ kin bai. Ba̱ si̱ ba̱ ta̱bat Yesu, ba̱ si̱ la̱p gu.

Yoona 18:12 Iomraidhean Croise

Matyu 26:57

Á̱niet ba̱ ku ta̱bat Yesu a̱ni, ba̱ ku nat ma̱ng a̱nggu mi̱ gaat a̱li Ka̱yafat, a̱gba̱ndang pris wu, nang á̱niet tyiet doka ma̱ng á̱niet khwop á̱niet ba ntung a̱ni.

Matyu 27:2

Ba̱ si̱ la̱p gu, ba̱ si̱ nkat ma̱ng a̱nggu. Ba̱ si̱ tyia̱ nggu mbwak Bilatut, a̱tyu a̱ ku yet gwomna A̱romawa wu a̱ni.

Matyu 27:27

A̱jawa á̱ghyang mi̱ á̱niet nzwang gwomna Bilatut ba si̱ nat ma̱ng Yesu mi̱ didyaat gaat a̱li tyok gwomna hu. A̱wot a̱mgba̱m á̱kum sot á̱niet nzwang A̱romawa ka si̱ keang gu á̱ tyia̱.

Ma̱rkut 14:53

Ba̱ si̱ nat ma̱ng Yesu a̱zaghyi a̱gba̱ndang pris wu. Ba̱ si̱ tung a̱cha̱chet a̱yaapris ba, á̱niet khwop á̱niet, ma̱ng á̱niet tyiet doka ba.

Ma̱rkut 15:1

A̱wot ma̱ a̱tsotson a̱tson, a̱cha̱chet a̱yaapris, á̱niet khwop á̱niet, á̱niet tyiet doka, ma̱ng a̱mgba̱m á̱kum sot a̱cha̱chet A̱yahudawa ji si̱ nyia̱ a̱gba̱ndang a̱tung, da̱nian ba̱ ka la̱p kyang ba̱ na nyia̱ a̱ni. A̱jawa ba̱ si̱ la̱p Yesu, ba̱ si̱ nat ma̱ng a̱nggu, ba̱ si̱ tyia̱ nggu mbwak Bilatut a̱ yet Gwomna A̱romawa wu a̱ni.

Luka 22:54

A̱jawa á̱niet ba̱ bai ta̱bat Yesu wu a̱ni, si̱ kin ta̱bat guu. Ba̱ si̱ nkat ma̱ng a̱nggu a̱mali a̱gba̱ndang pris ka. A̱wot Bitut si̱ khwi mba ti̱taa.

Yoona 18:3

Huhwa Yahuda si̱ kin doot a̱ si̱ bwuo á̱niet nzwang ma̱ng á̱niet chok A̱li Nwuat Za̱nang A̱gwaza ba, nang a̱cha̱chet pris ma̱ng A̱fa̱risawa ku ta̱m a̱ni; ba̱ si̱ nat ma̱ a̱byin ka. Ba̱ si̱ ba̱ng long sang ma̱ng a̱ka̱fi̱t ndong. Ba̱ si̱ mbeang nkyang nzwang.

Nta̱m A̱yaata̱m 10:1

Ma̱ a̱keang Kaisa̱riya, á̱ ku byia̱ a̱kwak a̱son sot á̱niet nzwang A̱romawa, á̱ si̱ ngyei nggu Ka̱rna̱liyut. A̱ ku yet a̱gba̱ndang wa, a̱ ba̱ng sot á̱niet nzwang chyi nang á̱ ngyei “Sot Á̱niet Nzwang Italiya” a̱ni.

Nta̱m A̱yaata̱m 21:31

Nang á̱niet ba nkwan ba̱ hyat Bulut a̱ni, á̱ si̱ kin ta̱m á̱ hyia̱ ma̱ng a̱gba̱ndang a̱kwak a̱son sot á̱niet nzwang A̱romawa wu; nyia̱ a̱mgba̱m a̱keang Urusha̱lima ka shya̱ mi̱ jhya̱!

Nta̱m A̱yaata̱m 21:37

Nang á̱niet nzwang ba nshim nwuo ma̱ng Bulut mi̱ nok nang á̱ keang a̱ni, Bulut si̱ nyia̱ ma̱ng a̱gba̱ndang a̱kwak a̱son á̱niet nzwang A̱romawa wu, “Ke a na shim, n kaat swáng a̱lyiat ma̱ng a̱nwan?” A̱gba̱ndang a̱kwak a̱son á̱niet nzwang A̱romawa wu si̱ fa̱k a̱ga̱de. A̱ si̱ lyip gu nyia̱, “A wa lyen a̱lyem A̱helenawa ka a?

Nta̱m A̱yaata̱m 23:10

Nang á̱kpa á̱niet ka ngya a̱son ma̱ng fwuang ji a̱ni, jhya̱ si̱ shim doot! A̱gba̱ndang a̱kwak a̱son á̱niet nzwang wu si̱ fa̱k a̱wun ke á̱ na sam Bulut di̱ nkap! Huhwa a̱gba̱ndang a̱kwak a̱son á̱niet nzwang wu si̱ tyia̱ á̱niet nzwang ba ba̱ nat ba̱ san Bulut mbwak á̱kpa á̱niet ka, ba̱ bwuok ma̱ng a̱nggu á̱ nat ndyo mi̱ jaru ji̱ shya̱ mi̱ nok á̱niet nzwang hu a̱ni.