Yoona 18:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ Huhwa Yesu si̱ nyia̱ ma̱ng Bitut a̱ni, “Bwuok ma̱ng tswat ang ji, a tyia̱ mi̱n kwa nji hu! A fa n na swuo ma̱ a̱kashyi swuo a̱bung wu nang A̱tyia̱ wu nang nung a̱ni baa?”

Yoona 18:11 Iomraidhean Croise

Matyu 20:22

Yesu si̱ nwuak mba shim nyia̱, “Nyi lyen kyang nang nyi naai a̱ni bah! Ka̱ doot nyi swuo ma̱ kashyi wu nang n na swuo a̱ni a?” Ba̱ si̱ nyia̱ ma̱ng a̱nggu, “Ii, zi̱ maai zi̱ swuo!”

Matyu 26:39

A̱ si̱ doot mba a̱ ghwon. A̱ si̱ laai neap ti̱taa, a̱ si̱ kpaat a̱khwukhwut a̱ta̱gurup a̱ghyi ba a̱byin, a̱ si̱ naai A̱gwaza nyia̱, “A̱tyia̱ nung wu! Ka̱ ku myim ang, ti̱n nung a̱kashyi swuo a̱bung wuni! A̱mgba̱m ma̱ng a̱nia, yok nyia̱ kyang hu nang n chat wa a̱ni bah. Nyia̱ kyang hu ku myim ang wa a̱ni!”

Matyu 26:42

Yesu si̱ bu ghwon mbaa, a̱ si̱ bwuok a̱ nat naai A̱gwaza da̱ a̱ka̱feang ka, a̱ si̱ nyia̱, “A̱tyia̱ nung, ki̱ a si̱ mi̱n kyiak a̱kashyi swuo a̱bung wuni a ghwon nung bah, si̱ nang n swuo nggu. Yok, a nyia̱ kyang hu nang a chat wa a̱ni.”

Luka 12:30

Mat ntangka̱i nkyang nani nia nyia̱ tyok mi̱ nfwuo á̱niet ba̱ chyi A̱gwaza mi̱ a̱mgba̱m swanta hu a̱ni. A̱wot A̱tyia̱ nyin wu wa ka̱n dyen za̱m nang nyi nchat nkyang nani, a̱mgba̱m na!

Luka 22:42

“A̱tyia̱ nung wu, n naai ang, ka a shim; ma̱sa̱kut ti̱n a̱kashyi swuo a̱bung wuni, a ghwon nung. A̱mgba̱m ma̱ng a̱nia, n chat a nyia̱ kyang ku myim ang wa a̱ni, si̱ nung hwa a na nyia̱ bah.”

Yoona 15:10

Ka̱ nyi khwi doká nung ji; huhwa na tak nang nyi nchat nung. Ma̱ cha̱chaat nang n khwi doká A̱tyia̱ nung ji, n si̱ ntak si̱sak nang n chat gu a̱ni.

Yoona 17:24

“A̱tyia̱ nung, n chat á̱niet bani nang a nwuak nung a̱ni, ba̱ swan dundung ma̱ng a̱nung di̱n tyan nang a nshya̱ a̱ni, da̱nian ba̱ ka li a̱kyenkyai shi ang wu, nang a ku nwuak nung a̱ni. A ku chat nung neet nang a ka mat swanta hu bah.

Yoona 18:36

Yesu si̱ ma nwuak Bilatut shim hu nyia̱, “Tyok nung hu yet si̱ mi̱ swanta huni hwa bah. Ka̱ tyok nung hu wa yet si̱ mi̱ swanta huni hwa, si̱ á̱niet ba̱ nyia̱ nung nta̱m a̱ni, na nyia̱ zwang da̱nian nung, ba̱ nvwuong á̱ tyia̱ nung bwak a̱cha̱chet A̱yahudawa ba.”

Yoona 20:17

Yesu si̱ nyia̱ ma̱ng a̱nggu, “Yok vwuk nung bah, mat n ka̱n bwuok nat tswazwa da̱ a̱vwuo A̱tyia̱ ka bah. Ya mbwuok nat da̱ a̱vwuo á̱na̱nyiuk nung ba, a̱ si̱ hyia̱ ma̱ng a̱mba; n na mbwuok nat tswazwa da̱ a̱vwuo A̱tyia̱ nung ma̱ng A̱tyia̱ nyin, A̱gwaza nung ma̱ng A̱gwaza nyin.”

2 A̱korontiyawa 10:4

Zi̱ byia̱ a̱cha̱chet nkyang nzwang na̱ yet si̱ A̱gwaza nia a̱ni. Na̱ yet á̱si̱ a̱tyubishyi nia bah. Ni̱nia nang zi̱ mbi̱ri̱m a̱ka̱nka̱ra̱ng mbat a̱di̱dam á̱nietbishyi. Zi̱ si̱ bu nseang ya fwuang bwoi a̱ka̱laa hu.

2 A̱korontiyawa 6:7

di̱ shei a̱tsatsak a̱lyiat A̱gwaza wu tsotswat, a̱wot di̱ si̱sak nang A̱gwaza ntyia̱ nzi̱t chet nggu hu a̱ni. Zi̱ ni̱ nyia̱ nta̱m ma̱ng nkyang nzwang na̱ yet a̱tsotswat a̱ni; mi̱ mbwak yak di̱ tsa kwan zwang, a̱wot mi̱ bwak myian di̱ fwun á̱pyia̱ nzi̱t.

Ibriniyawa 12:2

Yok zi̱ tyia̱ a̱di̱dam nzi̱t wu di̱ Yesu kuzang jen. Nggu wa yet a̱gwak a̱ tsa nwuak fwuo da̱ A̱gwaza nzi̱t wu. A̱wot nggu wa bu na tyia̱ nwuak fwuo nzi̱t hu ku ngyet a̱tsatsak. Mat a̱lyia̱ sai nang Yesu na shya̱ á̱zanson a̱ni, a̱ ku gbang a̱lyia̱ nang á̱ nkpang nggu da̱ a̱team a̱khwu a̱ni. Á̱niet ba ku kyiak nang a̱khwu da̱ a̱team a̱khwu ngyet a̱ka̱tuk kyang nsum wa; a̱wot Yesu si̱ kyiak a̱nia bah. Ma̱ninika, Yesu swan a̱zayak da̱ a̱vwuo shi da̱ a̱beam a̱gba̱ndang chuk Tyok A̱gwaza ji.