Yoona 18:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nang Yesu ntyak naai hu a̱ni, a̱ si̱ ghwut ma̱ng mman ta̱m nggu na. Ba̱ si̱ byia̱k chen Kidron. Da̱ ma̱nyii chen a̱kya, sop a̱ka̱kwon za̱itun ku nshya̱, Yesu ma̱ng mman ta̱m nggu na, ba̱ si̱ nwuo ma̱ a̱byin ka.

Yoona 18:1 Iomraidhean Croise

Matyu 26:30

Nang ba̱ mbwom a̱bwom dyep A̱gwaza ka á̱ tyak a̱ni, Yesu ma̱ng mman ta̱m nggu na si̱ ghwut, ba̱ si̱ nyeak á̱ nat di̱n Tsok Za̱itun.

Matyu 26:36

A̱wot Yesu si̱ ya a̱son ma̱ng a̱chyet dundung ma̱ng mman ta̱m nggu na. Ba̱ si̱ nyeak á̱ nat di̱n tsok mi̱ sop a̱ka̱kwon za̱itun nang á̱ ngyei Gesa̱mani a̱ni. A̱wot a̱ si̱ nyia̱ ma̱ng a̱mba, “Nyi swan a̱ji, n nat a̱jaau, n ka naai A̱gwaza.”

Ma̱rkut 14:26

Nang ba̱ mbwom a̱bwom dyep A̱gwaza ka á̱ tyak a̱ni, ba̱ si̱ ghwut ba̱ si̱ nyeak á̱ nat di̱ Tsok Za̱itun ji.

Ma̱rkut 14:32

Yesu ma̱ng mman ta̱m nggu na si̱ chong á̱ si̱ tat sop a̱ka̱kwon za̱itun, nang á̱ ngyei Gesa̱mani a̱ni. A̱jawa gu nyia̱ ma̱ng a̱mba, “Nyi swan a̱ji. N nat n naai A̱gwaza.”

Ma̱rkut 14:42

Nyi doot, zi̱ chong. Di la! A̱tyu a̱ na bwuk ma̱ng a̱nung a̱ni, bai kpa̱mkpaan!”

Yoona 14:31

Ma̱ng a̱nia, ku myim swanta hu ku lyen nang n chat A̱tyia̱ wu. Huhwa mbyia̱ nang n nyia̱ kuzang kyang cha̱chaat nang gu ntak ma̱ng a̱nung n nyia̱ a̱ni.” “To, nyi bai zi̱ doot zi̱ ghwon a̱vwuo kani!”

Yoona 18:26

A̱tyo nyiung mami á̱khwo a̱gba̱ndang pris wu ku shya̱ a̱ja. A̱ ku kwon byin ma̱ng a̱tyu nang Bitut ku tyap gu fufwuo hu a̱ni, si̱ nyia̱, “N gyei n ku ndi ang dundung ma̱ng a̱tyu wuni ma̱ a̱byin kaa?”

Nta̱m A̱yaata̱m 21:11

Nang gu mbai da̱ a̱vwuo nzi̱t a̱ni, a̱ si̱ kyiak a̱zwuan Bulut ka, a̱ si̱ nda̱p a̱ti̱tak ma̱ng mbwak gu na. A̱jawa gu nyia̱, “A̱za̱za̱rak Ntswa A̱gwaza wu tak á̱zanson nyia̱, ‘A̱tyu a̱ byia̱ a̱zwuan kani a̱ni, a̱ni wa nang a̱yaakwak a̱son A̱yahudawa ba na nda̱p gu ma̱ a̱keang Urusha̱lima ka, a̱wot ba̱ tyia̱ nggu mbwak Nnwap na̱ nwai yet A̱yahudawa a̱ni.’ ”