Yoona 17:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ “N naai ang da̱nian mbaa. N naai da̱nian á̱niet ba̱ yet á̱niet swanta bya a̱ni bah. A̱wot n naai da̱nian á̱niet nang a nwuak nung, mat ba̱ bu tsa á̱ ngyet á̱si̱ nwan bya a̱ni.

Yoona 17:9 Iomraidhean Croise

Luka 22:32

A̱wot nung, n wa ka̱n naai A̱gwaza da̱nian ang Siman; a na but mi̱ fwuo di̱ nwuak fwuo ang hu da̱ nung bah. Mat a̱nia, jen nang a bye mbwuok a bu nwuak fwuo ang da̱ nung mi̱ chet a̱ni, a ba̱ beang á̱kpa̱ndang ta̱m ang ba, ba̱ yong mi̱ chet di̱ nwuak fwuo mba hu da̱ nung.”

Luka 23:34

[[Yesu si̱ naai A̱gwaza nyia̱, “A̱tyia̱ nung, ma̱sa̱kut chi a̱ka̱tuk nyia̱ á̱niet wuni, mat ba̱ lyen kyang nang ba̱ nyia̱ a̱ni bah.”]] A̱wot á̱niet nzwang ba si̱ koot tswák da̱nian ba̱ ka li a̱tyu a̱ na shya̱ a̱yaatoot Yesu ba a̱ni.

Luka 8:34

Nang á̱niet chok a̱yaakusuru ba ndi a̱nia a̱ni, ba̱ si̱ kan doot ba̱ si̱ tyong á̱ nat ma̱ a̱ka̱keang kpa̱mkpaan na ma̱ng bibyin khap hu. Ba̱ si̱ tyong á̱ shei nkhang kyang hu ku bai a̱ni.

Yoona 14:16

Nung mameang, n na naai da̱ a̱vwuo A̱tyia̱. Nggu meang, a̱ na ta̱m ma̱ng nyin a̱tyu a̱ na beang nyin a̱ni; gu shya̱ dundung ma̱ng a̱nyin ba̱ng si̱ nat sang sangba̱p.

Yoona 17:2

A nwuak Nggwon ang ka tyok tazwa a̱mgba̱m á̱niet ba. Da̱nian ka̱ ka nnwuak á̱niet ba nang a nwuak nka a̱ni swuan sang sangba̱p.

Yoona 17:20

“Á̱niet bani bya ma̱nyin mba nang n naai ba ndyo bah. N naai tazwa a̱mgba̱m á̱niet ba̱ na nwuak fwuo da̱ nung, mat A̱lyiat A̱gwaza nang á̱niet bani na shei ma̱ng a̱mba a̱ni.

Yoona 17:6

“N wa ka̱n tyai za̱kwa ang ji da̱ a̱vwuo á̱niet nang a nwuak nung mi̱ swanta hu a̱ni. Neet a̱fwun bah, ba̱ yet á̱niet ang bya. Mat a̱nia, a si̱ nwuak nung mbaa. Mba mameang, ba̱ si̱ khwi a̱lyiat ang na.

Yoona 6:37

“A̱mgba̱m á̱niet ba nang A̱tyia̱ nung wu nwuak nung a̱ni, ba̱ na bai da̱ a̱vwuo nung. A̱wot a̱tyu a̱ bai da̱ a̱vwuo nung a̱ni, n si̱ mi̱n dak gu bah, ku ma̱ chunchwiit!

Yoona 6:39

“Ta̱m A̱tyu a̱ ta̱m nung a̱ni, huhwa yet; ki̱ di̱ a̱tyo nyiung gu di̱ bwuk mami á̱niet nang gu nwuak nung a̱ni. A̱wot n ba̱ nta̱ngam mba ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.

Ibriniyawa 7:25

Mat a̱nia, kuzang jen Yesu byia̱ chet a̱ maai a̱ san á̱niet ba, ba̱ bai da̱ a̱vwuo A̱gwaza mami a̱lyoot nggu ka a̱ni. Mat a̱ ni̱ swuan si̱ nat sang sangba̱p. A̱wot a̱ ni̱ naai A̱gwaza da̱nian mbaa.

Ibriniyawa 9:24

Mat Kristi ku nwuo ma̱ A̱za̱za̱rak Suswak nang á̱nietbishyi bya tat a̱ni bah, mat hu ku yet mi̱ ghwughwu a̱za̱za̱rak a̱vwuo ka̱ shya̱ Ma A̱gwaza tswazwa a̱ni. Da̱ a̱kwonu a̱kya, Kristi si̱ nwuo Ma A̱gwaza tswazwa. A̱ja wa nang gu nshya̱ ma̱nini a̱zaghyi A̱gwaza tswazwa da̱nian nzi̱t.

1 Yoona 5:19

Zi̱ lyen nang zi̱ ngyet mman A̱gwaza nia, a̱wot a̱mgba̱m swanta hu shya̱ mbwak tyok A̱ta̱nyeang hwa.

Tyai Á̱zanson 12:9

A̱gba̱ndang a̱ka̱tuk nzwuo a̱ byia̱ nfeap na a̱ni, a̱ yet a̱khwukhwop nzwak gbangbang a̱wa, nang á̱ ngyei A̱ta̱nyeang, á̱ bu ngyei nggu, “Sha̱tan”; a̱tyu a̱ laai a̱mgba̱m á̱niet swanta ba a̱ni. Á̱ si̱ yuut gu ma̱ng a̱ka̱tuk a̱yaata̱m tswá nggu ba neet Ma A̱gwaza tswazwa á̱ ta a̱byin mi̱ swanta hu.

Tyai Á̱zanson 13:8

A̱wot a̱mgba̱m á̱niet ba̱ shya̱ mi̱ swanta hu a̱ni, si̱ kwok ntong a̱zaghyi a̱ka̱tuk nyam a̱yit wu. Bibya yet á̱niet ba nang á̱ nwai lyuut lyulyoot mba hu mi̱ Ta̱ka̱da Nswuan hu neet nang á̱ ka̱n mmat swanta hu bah. Ta̱ka̱da hu ku yet si̱ Fi̱ng A̱nfwuk hu nang á̱ ku faat a̱ni.

Tyai Á̱zanson 20:15

Konyan wa da̱nang á̱ lyuut a̱lyoot nggu ka mami Ta̱ka̱da Nswuan hu a̱ni bah; á̱ na ta gu mami a̱gba̱ndang tswa a̱nga̱ngak ndong sang sangba̱p.