Yoona 17:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ “N wa ka̱n tyai za̱kwa ang ji da̱ a̱vwuo á̱niet nang a nwuak nung mi̱ swanta hu a̱ni. Neet a̱fwun bah, ba̱ yet á̱niet ang bya. Mat a̱nia, a si̱ nwuak nung mbaa. Mba mameang, ba̱ si̱ khwi a̱lyiat ang na.

Yoona 17:6 Iomraidhean Croise

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 12:28

A̱tyia̱, nwuak a̱lyoot ang ka shi!” A̱nwuat si̱ kin ghwut a̱ neet Ma A̱gwaza tswazwa nyia̱, “N mi̱ nkai nwuak a̱lyoot nung ka shi. A̱wot n bu na nwuak ka shi hu mbeang!”

Yoona 15:19

Ka̱ nyi wa yet á̱niet mi̱ swanta bani bya, si̱ á̱niet swanta ba chat nyin nang á̱si̱ mba a̱ni. Nung gwa khai nyin ghwut ndyo mi̱ swanta hu. Huhwa mbyia̱ nang á̱niet mi̱ swanta ba ndak li nyin hu.

Yoona 15:3

Nyin ma̱ninika, nyi yet á̱za̱za̱rak á̱niet bya. Mat a̱lyiat na nang n hyia̱ ma̱ng a̱nyin a̱ni.

Yoona 15:7

Ka̱ nyi ta̱meet da̱ nung, a̱wot a̱lyiat nung na si̱ shya̱ mi̱ fwuo nyin na; nyi doot nyi lyip kuzang kyang nang nyi chat a̱ni, á̱ na shim á̱ nyia̱ nyin ndyo.

Yoona 17:12

Nang n ku nshya̱ dundung ma̱ng a̱mba a̱ni, n ku nchok ba mi̱ chet a̱lyoot ang hu; a̱lyoot ka nang a ku tyia̱ nung a̱ni. N si̱ nkeang mba ntyia̱, á̱ si̱ byia̱ a̱tyu a̱ bwuk a̱ni bah; a̱tyo nyiung wa ma̱nyin nggu ku bwuk. A̱ ku bwuk wa ma̱nang á̱ ku ndyuut mami A̱lyiat A̱gwaza na a̱ni, ku si̱ bai ma̱ cha̱chaat da̱ a̱nu ka.

Yoona 17:14

N si̱ ntak ma̱ng a̱mba A̱lyiat ang na. A̱wot á̱niet mi̱ swanta ba si̱ lak li mbaa, mat ba̱ yet á̱niet mi̱ swanta bya bah; ma̱nang nung n nwai ngyet a̱tyu mi̱ swanta wu a̱ni.

Yoona 17:16

Ba̱ yet á̱si̱ mi̱ swanta bya bah, ma̱nang nung n nwai ngyet a̱tyu mi̱ swanta wu a̱ni.

Yoona 17:2

A nwuak Nggwon ang ka tyok tazwa a̱mgba̱m á̱niet ba. Da̱nian ka̱ ka nnwuak á̱niet ba nang a nwuak nka a̱ni swuan sang sangba̱p.

Yoona 17:24

“A̱tyia̱ nung, n chat á̱niet bani nang a nwuak nung a̱ni, ba̱ swan dundung ma̱ng a̱nung di̱n tyan nang a nshya̱ a̱ni, da̱nian ba̱ ka li a̱kyenkyai shi ang wu, nang a ku nwuak nung a̱ni. A ku chat nung neet nang a ka mat swanta hu bah.

Yoona 17:26

N si̱ ntyai mba si̱sak ji nang za̱kwa ang ji ndi a̱ni. A̱wot n bu na ngya a̱son ma̱ng tyai mba ndyo hu. Da̱nian mba, ba̱ ma nshya̱ tangka̱i chat nang a tak nung a̱ni; nung mameang, n swan dundung ma̱ng a̱mba.”

Yoona 17:7

A̱wot ma̱ninika ba̱ lyen nang kuzang kyang nang a nang nung a̱ni, ku neet da̱ a̱vwuo ang kya.

Yoona 18:9

Yesu ku hyia̱ a̱lyiat nani, da̱nian na̱ ka nat cha̱chaat ma̱ng a̱lyiat na nang gu ku mi̱ nhyia̱ ma̱ng a̱mba nyia̱, “A̱tyia̱, mami á̱niet ba nang a nwuak nung a̱ni; a̱tyo nyiung ma̱ng a̱mba, na bwuk bah.”

Yoona 6:37

“A̱mgba̱m á̱niet ba nang A̱tyia̱ nung wu nwuak nung a̱ni, ba̱ na bai da̱ a̱vwuo nung. A̱wot a̱tyu a̱ bai da̱ a̱vwuo nung a̱ni, n si̱ mi̱n dak gu bah, ku ma̱ chunchwiit!

Yoona 6:39

“Ta̱m A̱tyu a̱ ta̱m nung a̱ni, huhwa yet; ki̱ di̱ a̱tyo nyiung gu di̱ bwuk mami á̱niet nang gu nwuak nung a̱ni. A̱wot n ba̱ nta̱ngam mba ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.

Yoona 8:51

N na tak ma̱ng a̱nyin a̱chuchuk za̱m; konyan a̱ khwi a̱lyiat nung na a̱ni, a̱ si̱ mi̱n khwu bah, ba̱ng si̱ nat sang sangba̱p!”

Yoona 8:52

Huhwa a̱cha̱chet A̱yahudawa ba si̱ nyia̱ ma̱ng Yesu a̱ni, “Di̱ yong huni, zi̱ lyen chi̱k nang a mbyia̱ a̱ka̱tuk ntswa! Mat Ibrahim ku khwu, ma a̱nia wa a̱yaata̱m a̱kwonu A̱gwaza á̱ghyang. A̱mgba̱m ma̱ng a̱nia, a nyia̱, ‘Konyan wa khwi a̱lyiat nung na, a̱ si̱ mi̱n khwu bah. A̱ na shya̱ swuan sang sangba̱p.’

Nta̱m A̱yaata̱m 13:48

Jen ji nang Nnwap na̱ nwai yet A̱yahudawa ba nfa̱k á̱lyiat nani a̱ni, ba̱ si̱ fa̱k a̱lyia̱ a̱sai! Ba̱ si̱ gwai A̱gwaza mat á̱lyiat nggu na. A̱wot a̱mgba̱m á̱niet ba nang á̱ khai ba̱ shya̱ swuan sang sangba̱p ji a̱ni; ba̱ si̱ nwuak fwuo di̱ Yesu a̱tuk a̱kya.

A̱romawa 11:2

Kaai, A̱gwaza ka̱n dak á̱niet nggu ba nang gu khai neet gbangbang a̱ni bah. Nyi fi̱k kyang hu nang á̱ lyuut ma̱ A̱lyiat A̱gwaza na tazwa si̱ huni a̱ni a? Iliya a̱ta̱m a̱kwonu A̱gwaza si̱ kwop a̱dyii̱ng da̱ a̱vwuo A̱gwaza tazwa á̱niet Isi̱rela. A̱wot a̱ si̱ nyia̱,

2 A̱korontiyawa 4:6

Mat A̱gwaza wa ku hyia̱ nyia̱, “Yok sai hu, ku sai mi̱ ndyin hu!” Nggu wa bu tyia̱ sai huni ku sai mi̱ nfwuo nzi̱t na, mat zi̱ ka lyen a̱kyenkyai shi A̱gwaza wu ma̱ a̱ghyi Yesu Kristi ba, a̱ ya á̱ghyi ma̱ mya̱myat a̱myat nang á̱ nwuan a̱ni.

A̱kolosiyawa 3:16

Nyi ni̱ nyia̱ a̱di̱dam tazwa A̱sham Nkhang Kristi ka mi̱ nfwuo nyin na kuzang jen. Nyi ni̱ ntyiet tsa bu ngba á̱ghyang nyin ma̱ng a̱mgba̱m mumwang nang A̱gwaza ka̱u nyin a̱ni. Nyi ni̱ ngwai A̱gwaza mi̱ nfwuo nyin na. Nyi bwom bubwom Za̱bura, bubwom dyep A̱gwaza, ma̱ng bubwom A̱za̱za̱rak Ntswa ghyang.

2 Timoti 1:13

Ba̱ng kidee a̱chuchuk tyiet ji nang a shya̱ da̱ a̱vwuo nung a̱ni shansham. Ku yet kidee nang a na khwi a̱ni. A̱wot a yong di̱ nwuak a̱chuchuk da̱ nhu. A mban di̱ chat nang a shya̱ di̱ mun á̱pyia̱ ma̱ng Kristi Yesu a̱ni.

Ibriniyawa 2:12

Mat a̱nia, Yesu si̱ nyia̱ ma̱ng A̱gwaza a̱ni, “N na shei a̱lyoot ang ka da̱ a̱vwuo á̱na̱nyiuk nung ba. N na dyep ang mami á̱kpa á̱niet ang ba ba̱ tung a̱ni.”

Ibriniyawa 3:6

A̱wot Kristi si̱ nyia̱ tsotswat mat a̱ yet Nggwon kya nang á̱ tyia̱ nggu a̱li A̱gwaza ka mbwak a̱ni. A̱wot zi̱ bya li nang a̱li A̱gwaza ka a̱ni, ka̱ zi̱ gbang a̱lyia̱, zi̱ si̱ nwuak a̱chuchuk di̱ tyia̱ fwuo nzi̱t hu di̱ Kristi.

1 Bitut 1:1

Nung Bitut, n gyet a̱ta̱m Yesu Kristi a̱ni, nung gwa n dyuut wusika jini, ji̱ nat da̱ a̱vwuo á̱niet khwi nang A̱gwaza khai ba̱ swan nang á̱nietchen a̱ni, mi̱ nfam bibyin Funtut, Ga̱la̱tiya, Ka̱fa̱dokiya, A̱siya, ma̱ng Bitiniya.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.

Tyai Á̱zanson 2:13

N dyen nyi shya̱ da̱ a̱vwuo nang A̱ta̱nyeang nnyia̱ tyok a̱ni. A̱mgba̱m ma̱ng a̱nia, nyi si̱ yong chi̱k di̱ nwuak a̱chuchuk da̱ a̱lyoot nung. Da̱ nyin, nyi bwuok lilyim di̱ nwuak a̱chuchuk nyin hu da̱ nung bah; ku nang á̱ ku nhyat Antibat a̱tsotswat a̱tyu shei a̱lyiat nung wu mami nyin, da̱ a̱vwuo nang A̱ta̱nyeang nshya̱ a̱ni.

Tyai Á̱zanson 3:10

Nang nyi ngbang a̱lyia̱ nyi si̱ nnyap nfwuo, nyi si̱ nkhwi doka nung ji a̱ni; mat a̱nia, n na nchok nyin di̱ a̱gba̱ndang jen mak ji̱ chobai tazwa a̱mgba̱m á̱niet mi̱ swanta ba, nang á̱ bye mak á̱niet ba̱ yet á̱si̱ mi̱ swanta ba a̱ni.

Tyai Á̱zanson 3:8

N dyen a̱mgba̱m nkyang nang nyi nyia̱ a̱ni; nyi li, n ka̱n khwuk nyinyiit da̱nian nyin nang a̱yin si̱ mi̱n nyim a̱ni bah. N ndyen nyi byia̱ chet ma̱ chunchwiit. A̱mgba̱m ma̱ng a̱nia, nyi khwi á̱lyiat nung na; da̱ nyin, nyi fwuo lyen nung bah.