Yoona 17:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ “N wa ka̱n nwuak ang shi mi̱ swanta hu, mat si̱sak ji nang n ku ntyak ta̱m hu nang á̱ ku nwuak nung n nyia̱ a̱ni.

Yoona 17:4 Iomraidhean Croise

Luka 22:37

Mat jen nyia̱ nang A̱lyiat A̱gwaza nang á̱ lyuut tazwa nung a̱ni, na mbai da̱ a̱nu ka, nyia̱, ‘Á̱ ku kyiak gu nang a̱tyo nyiung ma̱ á̱niet bwoi a̱bun a̱ni.’ A̱tsatsak a̱lyiat, a̱mgba̱m nkyang nang a̱yaata̱m a̱kwonu A̱gwaza ba ku shei á̱zanson, ba̱ si̱ lyuut tazwa nung a̱ni; na̱ na bai da̱ a̱nu ka ma̱ cha̱chaat.”

Yoona 12:28

A̱tyia̱, nwuak a̱lyoot ang ka shi!” A̱nwuat si̱ kin ghwut a̱ neet Ma A̱gwaza tswazwa nyia̱, “N mi̱ nkai nwuak a̱lyoot nung ka shi. A̱wot n bu na nwuak ka shi hu mbeang!”

Yoona 14:13

A̱wot n bu na nyia̱ kuzang kyang nang nyi naai mami a̱lyoot nung da̱nian hu a̱ni. N na nyia̱ nyin ndyo, da̱nian A̱tyia̱ nung wu a̱ ka shya̱ a̱kyenkyai shi wu kpa̱sai mat Nggwon ka.

Yoona 14:31

Ma̱ng a̱nia, ku myim swanta hu ku lyen nang n chat A̱tyia̱ wu. Huhwa mbyia̱ nang n nyia̱ kuzang kyang cha̱chaat nang gu ntak ma̱ng a̱nung n nyia̱ a̱ni.” “To, nyi bai zi̱ doot zi̱ ghwon a̱vwuo kani!”

Yoona 15:10

Ka̱ nyi khwi doká nung ji; huhwa na tak nang nyi nchat nung. Ma̱ cha̱chaat nang n khwi doká A̱tyia̱ nung ji, n si̱ ntak si̱sak nang n chat gu a̱ni.

Yoona 19:28

Yesu lyen nang di̱ yong huni, kuzang kyang mbai tyak. A̱wot da̱nian kuzang kyang hu ka nat cha̱chaat nang á̱ ku ndyuut mami A̱lyiat A̱gwaza na a̱ni; huhwa si̱ mbyia̱, a̱ si̱ nyia̱, “N fwuong mashyi.”

Yoona 19:30

Nang Yesu nniaat a̱sa̱sat a̱sa̱khwot a̱na̱p wu a̱ni, huhwa gu nyia̱, “Ku tyak!” Gu si̱ kin totong a̱pyia̱ a̱byin, a̱ si̱ khwat swuan, a̱ si̱ nkat.

Yoona 4:34

Yesu si̱ nyia̱ ma̱ng a̱mba a̱ni, “Kyayak nung huhwa yet; n khwi kyang nang a̱tyu a̱ ta̱m nung chat a̱ni, a̱wot n bu nyia̱ ta̱m nang gu nwuak nung a̱ni, n tyak hu.

Yoona 5:36

“A̱mgba̱m ma̱ng a̱nia, n byia̱ nkyang na̱ shei a̱chuchuk wu kpa̱sai tazwa nung, na̱ lan si̱ Yoona hu ma̱ng shi a̱ni. Huhwa yet nta̱m na nang n nyia̱ a̱ni; nta̱m na nang A̱tyia̱ nung wu ku nwuak nung n nyia̱ a̱ni. Nta̱m ni̱nia lyiat da̱ a̱kwonu nung. A̱wot na̱ si̱ tak nyin nang A̱tyia̱ nung wu wa ku nta̱m nung.

Yoona 9:3

Huhwa Yesu si̱ nyia̱ ma̱ng a̱mba, “A̱ka̱tuk nyia̱ nggu ma̱ng á̱ka̱tuk á̱niet mbyin nggu wa mbyia̱ nang gu ngyet a̱tyu a̱fi̱fan bah. A̱ yet a̱tyu a̱fi̱fan wu da̱nian á̱ ka tak si̱sak ji nang Tyok A̱gwaza hu nnyia̱ ta̱m da̱ nggu a̱ni.

Nta̱m A̱yaata̱m 20:24

A̱mgba̱m ma̱ng a̱nia, n kyiak swuan nung ji ji̱ yet kyang bah. Ta̱m nang A̱tyoli Yesu nwuak nung n nyia̱ a̱ni, huhwa nang n chat n tyak; n shei A̱sham Nkhang tazwa a̱gba̱ndang shok A̱gwaza.

2 Timoti 4:7

N kwan a̱tan a̱yaat. N si̱ ntyak chung nung ji. N si̱ nyia̱ tsotswat.