Yoona 17:26 - A̠lyiat A̠gwaza na di̠n Tyap: A̠li̠ka̠uli A̠fai

²⁶ N si̱ ntyai mba si̱sak ji nang za̱kwa ang ji ndi a̱ni. A̱wot n bu na ngya a̱son ma̱ng tyai mba ndyo hu. Da̱nian mba, ba̱ ma nshya̱ tangka̱i chat nang a tak nung a̱ni; nung mameang, n swan dundung ma̱ng a̱mba.”

Yoona 17:26 Iomraidhean Croise

Yoona 14:20

A̱tuk a̱kyakya nang nyi na ndyen nang nung nshya̱ mami A̱tyia̱ nung; nyin, nyi si̱ ma nshya̱ mami nung; nung mameang, n si̱ ma shya̱ mami nyin.

Yoona 14:23

Yesu si̱ ma nwuak gu shim nyia̱, “Konyan wa chat nung a̱ni, a̱ na khwi á̱lyiat nung na. A̱wot A̱tyia̱ nung wu na chat gu. Nung ma̱ng A̱tyia̱ nung wu, zi̱ na bai da̱ a̱vwuo nggu, zi̱ swan dundung ma̱ng a̱nggu.

Yoona 15:15

N bu si̱ mi̱n mak yorong nyin á̱khwo bah. Mat, á̱khwo lyen kyang hu nang A̱tyoli nggu wu nyia̱ a̱ni bah. Da̱ a̱kwonu a̱kya, n gyei nyin á̱kpa̱ndang bya. Mat n tak ma̱ng a̱nyin a̱mgba̱m nkyang na nang n fa̱k da̱ a̱vwuo A̱tyia̱ nung ka a̱ni.

Yoona 15:4

Nyi ta̱meet da̱ nung; nung mameang n na nta̱meet da̱ nyin. Ma̱nang bwak a̱kwon a̱na̱p si̱ mi̱n tyia̱ sum ma̱nyin hu ka̱nang ku ta̱meet da̱ a̱tyin a̱kwon a̱na̱p ka a̱ni bah; ma a̱nia wa nyin mameang, nyi si̱ mi̱n nyia̱ kyang ma̱nyin nyin, ka̱nang nyi ta̱meet da̱ nung bah.

Yoona 15:9

“Ma̱nang A̱tyia̱ wu nchat nung a̱ni; ma a̱nia wa nang n chat nyin. Ma̱ninika, nyi ya a̱son ma̱ng swan mami chat nang n tak nyin a̱ni.

Yoona 17:23

N na swan dundung ma̱ng a̱mba; nwan mameang, a ma nswan dundung ma̱ng a̱nung. Yok ba̱ mun á̱pyia̱ za̱m, ku na tyia̱ á̱niet ma̱ a̱di̱di̱t mi̱ swanta hu ba̱ lyen nang nwan wa nta̱m nung; a̱wot ba̱ bu lyen nang a nchat ba ma̱ cha̱chaat nang a nchat nung a̱ni.

Yoona 17:6

“N wa ka̱n tyai za̱kwa ang ji da̱ a̱vwuo á̱niet nang a nwuak nung mi̱ swanta hu a̱ni. Neet a̱fwun bah, ba̱ yet á̱niet ang bya. Mat a̱nia, a si̱ nwuak nung mbaa. Mba mameang, ba̱ si̱ khwi a̱lyiat ang na.

Yoona 17:8

A̱lyiat na nang a ku hyia̱ ma̱ng a̱nung nyia̱ n si̱ hyia̱ ma̱ng mba a̱ni; n ku hyia̱ ma̱ng a̱mba, ba̱ si̱ san. Ba̱ lyen za̱m nang nung n neet da̱ a̱vwuo ang kya. A̱wot ba̱ si̱ nwuak a̱chuchuk nang nwan wa ta̱m nung.

Yoona 6:56

Konyan wa ya nam vam nung hu, a̱ si̱ swuo a̱sok nung na; a̱tyu a̱wa swan dundung ma̱ng a̱nung. A̱wot nung mameang, n shya̱ dundung ma̱ng a̱nggu.

Yoona 8:50

N chat shi a̱pyia̱ nung bah. A̱yin nshya̱ a̱ chat nung ndyo a̱ni. A̱wot nggu wa yet a̱tyu nyia̱ shi̱ri̱ya wu da̱ a̱kwonu nung.

A̱romawa 8:10

Mat nang Kristi nshya̱ mi̱ nfwuo nyin na, ku nang nvam nyin na nkwi mat a̱ka̱tuk nyia̱ a̱ni, A̱za̱za̱rak Ntswa wu na nwuak nyin swuan. Mat A̱gwaza tak kpa̱sai nang gu nkyiak nyin á̱tsotswat á̱niet ma̱ng sang a̱bun bya a̱zaghyi nggu.

1 A̱korontiyawa 1:30

A̱gwaza wa tyia̱ nyi si̱ mun á̱pyia̱ ndung ma̱ng Kristi Yesu. A̱gwaza si̱ bwuak Kristi a̱ ntyia̱ mumwang nggu nang a̱tyubishyi a̱ni, da̱nian zi̱ ka shya̱ kpangti̱n. Kristi si̱ tyia̱ zi̱ yet á̱tsotswat ma̱ng A̱gwaza. A̱ si̱ jaat zi̱t zi̱ yet a̱za̱za̱rak. A̱wot a̱ si̱ ti̱n zi̱t ma̱ a̱ka̱tuk nyia̱.

1 A̱korontiyawa 12:12

Vam a̱tyubishyi hu byia̱ nkap ma̱ a̱di̱di̱t. A̱wot a̱mgba̱m nkap a̱nia yet vam nyiung hwa. Ma a̱nia wa, nzi̱t zi̱ yet kidee vam Yesu Kristi hu a̱ni ndi.

A̱ga̱la̱tiyawa 2:20

Á̱ ka̱n kpang za̱kwa a̱ka̱tuk nyia̱ nung ji da̱ a̱team a̱khwu ndung ma̱ng Kristi. Ma̱ninika, n swan swat a̱pyia̱ nung hwa bah. A̱wot n swan swat Kristi hwa. A̱wot n swan mi̱ vam mi̱ swanta huni di̱ nwuak fwuo di̱ khwi Nggwon A̱gwaza. Kikya chat nung, ka̱ si̱ nwuak a̱pyia̱ nka da̱nian nung.

A̱fisawa 1:6

A̱gwaza ku nyia̱ a̱nia, da̱nian zi̱ ka dyep shok nggu ji. Ji̱ byia̱ a̱kyenkyai shi nang gu nyia̱ nzi̱t dyo; nzi̱t zi̱ yet á̱niet khwi Yesu a̱ yet nggwon nggu ka nang gu chat za̱m a̱ni.

A̱fisawa 3:17

Da̱nian Kristi gu ka shya̱ a̱vwuo nswat mi̱ fwuo nyin na, mat nwuak fwuo nyin hu da̱ nggu. N bu naai A̱gwaza gu tyia̱ nyi mbeang chet di̱ chat gu hu ma̱ng á̱ghyang nyin, nang a̱kwon ka̱ byia̱ á̱ni̱nan ba̱ nwuo ma̱ tsuung mi̱ chet a̱byin a̱ni, ku nang a̱li nang á̱ nok di̱ kuntyin ku byia̱ chet a̱ni.

A̱fisawa 5:30

Mat nzi̱t á̱niet khwi ba, zi̱ yet nkap vam Kristi nia.

A̱fisawa 5:32

A̱lyiat swat nyeang nani yet a̱gba̱ndang kyang wa a̱ shya̱ di̱ niat a̱ni. A̱wot ku yet kidee ja nang Kristi ma̱ng á̱niet khwi ba ngyet kyang nyiung a̱ni.

A̱kolosiyawa 1:27

Mat A̱gwaza tyai á̱niet nggu ba si̱sak nang gu mbyia̱ a̱tsatsak la̱p sak da̱nian a̱mgba̱m nnwap mi̱ bibyin swanta hu a̱ni. A̱wot a̱ tyai á̱niet nggu ba ba̱ lyen la̱p sak ku shya̱ di̱ niat a̱ni. Huhwa yet; tangka̱i zwá ma̱ng a̱kyenkyai shi nang Kristi byia̱ a̱ni, mun a̱ yet si̱ a̱mgba̱m nnwap mi̱ bibyin swanta hu hwa. A̱wot la̱p sak hu ku shya̱ di̱ niat a̱ni, huhwa hu; Kristi mun a̱pyia̱ ma̱ng a̱nyin Nnwap na̱ nwai yet A̱yahudawa a̱ni. A̱wot si̱ huni tyia̱ nyin, nyi tyia̱ fwuo nyi shya̱ a̱kwonu nyin ma̱ a̱kyenkyai shi nggu wu.

A̱kolosiyawa 2:10

Mat a̱nia, nang nyi mmun á̱pyia̱ ma̱ng Kristi a̱ni, nyin meang, nyi byia̱ a̱jhyem swuan ma̱ng a̱nggu. Nggu wa yet a̱kwak a̱son tazwa kuzang a̱gwam ma̱ng kuzang tyok.

A̱kolosiyawa 3:11

Mat a̱nia, nang zi̱ nnwuo swat fai huni a̱ni, zi̱ bu mbyia̱ a̱kang a̱yin bah. Á̱ bu nkhap a̱tyu A̱yahudawa ma̱ng a̱tyu Nnwap a̱ nwai yet A̱yahudawa a̱ni zan bah. Á̱ bu nkhap a̱tyu á̱ tyia̱ nggu mi̱ chen ma̱ng a̱tyu nang á̱ nwai tyia̱ mi̱ chen a̱ni zan bah. Á̱ bu nkhap á̱nietchen ma̱ng á̱niet ba̱ ni̱ shya̱ mi̱ ndyin a̱ni zan bah. Á̱ bu nkhap á̱khwo ma̱ng a̱tyu a̱ swan sa̱t a̱ni zan bah. Yesu wa yet a̱gba̱ndang kyang a̱ yet a̱ swak a̱ni. Nggu wa bu shya̱ mami a̱mgba̱m á̱niet khwi nggu ba.

2 A̱ta̱solonikawa 2:16

Ma̱ninika, yok A̱tyoli nzi̱t, Yesu Kristi ma̱ a̱pyia̱ nggu, ma̱ng A̱gwaza a̱ yet A̱tyia̱ nzi̱t wu a̱ni, a̱ chat zi̱t a̱wot mat shok nggu ji, a̱ si̱ tyei nzi̱t gba̱gbak ku nwai tyiai a̱ni, a̱wot a̱ si̱ tyia̱ nzi̱t zi̱ ntyia̱ fwuo da̱ nggu;

Ibriniyawa 2:12

Mat a̱nia, Yesu si̱ nyia̱ ma̱ng A̱gwaza a̱ni, “N na shei a̱lyoot ang ka da̱ a̱vwuo á̱na̱nyiuk nung ba. N na dyep ang mami á̱kpa á̱niet ang ba ba̱ tung a̱ni.”

1 Yoona 3:24

A̱mgba̱m á̱niet ba ba̱ khwi doka nggu ji a̱ni, ba̱ ni̱ byia̱ a̱meang di̱ mun á̱pyia̱ ma̱ng Yesu. Nggu meang, a̱ si̱ byia̱ a̱meang di̱ mun á̱pyia̱ ma̱ng a̱mba. A̱wot si̱sak ji nang zi̱ ndyen nang gu nswan swat mun a̱pyia̱ ma̱ng a̱nzi̱t a̱ni, huhwa yet: A̱za̱za̱rak Ntswa nggu wu nang gu ka̱n nang nzi̱t a̱ni, swan mi̱ nfwuo nzi̱t na.