Yoona 17:25 - A̠lyiat A̠gwaza na di̠n Tyap: A̠li̠ka̠uli A̠fai

²⁵ “A̱tsotswat A̱tyia̱ nung, á̱niet mi̱ swanta ba lyen ang bah. A̱wot nung, n dyen ang. Á̱niet bani mameang, ba̱ si̱ lyen nang nwan wa nta̱m nung.

Yoona 17:25 Iomraidhean Croise

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Matyu 16:16

Siman Bitut si̱ nwuak gu shim nyia̱, “Nwan wa yet Kristi a̱tyu nang A̱gwaza kup gu tyok a̱ni. A bu yet Nggwon A̱gwaza a̱ shya̱ mi̱ swuan a̱ni.”

Luka 10:22

Yesu si̱ bu nyia̱, “A̱tyia̱ nung wu wa ka̱n tyia̱ nung a̱mgba̱m kuzang kyang mbwak. Á̱ mbyia̱ a̱tyu a̱ lyen Nggwon ka shansham a̱ni bah; si̱ ma̱ A̱tyia̱ nung wu wa ma̱nyin gu. Da̱ mba, á̱ mbyia̱ a̱tyu a̱ lyen A̱tyia̱ nung wu a̱ni bah; si̱ mi̱ Nggwon kikya ma̱nyin ka, mbeang á̱niet ba nang Nggwon ka khai ka̱ tyai mba A̱tyia̱ wu a̱ni.”

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 10:15

Ma̱nang A̱tyia̱ nung wu ndyen nung a̱ni; nung mameang, n si̱ ndyen A̱tyia̱ nung wu. N shya̱ mi̱ fwuo n khwu da̱nian zón seap nung ji.

Yoona 15:21

“Ba̱ na nyia̱ nyin a̱ka̱kpa̱t, mat nyi yet a̱si̱ nung bya. A̱wot ba̱ bu lyen a̱tyu a̱ ta̱m ma̱ng a̱nung a̱ni bah.

Yoona 16:27

“Nggu A̱tyia̱ wu fa̱k da̱ nyin ma̱ a̱pyia̱ nggu, mat si̱sak nang nyi nfa̱k da̱ nung a̱ni, a̱wot nyi si̱ bu nwuak a̱chuchuk nang n neet da̱ a̱vwuo gu kya.

Yoona 16:3

Ba̱ na nyia̱ a̱nia, mat ba̱ ka̱n dyen A̱tyia̱ wu ma̱ng a̱nung bah.

Yoona 16:30

Ma̱nini kikya nang zi̱ nfi̱k nang a ndyen kuzang kyang ka̱ doot a nwuak shim nang a̱yin ka̱n dyip ang kyang bah. Si̱ huni tyia̱ zi̱ si̱ nwuak a̱chuchuk nang a neet Ma A̱gwaza tswazwa kya.”

Yoona 17:11

“A̱wot ma̱ninika, n bwuot chobai da̱ a̱vwuo ang. N bu na swan mi̱ swanta huni bah. Bibya ni̱ ya nswan mi̱ swanta hu. Nwan A̱za̱za̱rak A̱tyia̱ nung! Chok ba ma̱ng tyok a̱lyoot ang nhu; a̱lyoot ka nang a ku tyia̱ nung da̱nian ba̱ ka mun á̱pyia̱ ma̱ng á̱ghyang; ma̱ cha̱chaat nang nwan ma̱ng a̱nung, zi̱ mmun á̱pyia̱ ma̱ng á̱ghyang a̱ni.

Yoona 17:18

Ma̱nang a nta̱m nung mi̱ swanta hu a̱ni; a̱nia wa n ma nta̱m mba mi̱ swanta hu.

Yoona 17:21

A̱tyia̱ nung, n naai da̱nian a̱mgba̱m á̱niet khwi ba ba̱ mun á̱pyia̱ ma̱ng á̱ghyang, ma̱nang nwan ma̱ng a̱nung zi̱ mun á̱pyia̱ ma̱ng á̱ghyang a̱ni. N naai da̱nian mba mameang; ba̱ na mun á̱pyia̱ ma̱ng a̱nzi̱t da̱nian á̱niet mi̱ swanta ba na nwuak a̱chuchuk nang nwan wa nta̱m nung mi̱ swanta hu.

Yoona 17:23

N na swan dundung ma̱ng a̱mba; nwan mameang, a ma nswan dundung ma̱ng a̱nung. Yok ba̱ mun á̱pyia̱ za̱m, ku na tyia̱ á̱niet ma̱ a̱di̱di̱t mi̱ swanta hu ba̱ lyen nang nwan wa nta̱m nung; a̱wot ba̱ bu lyen nang a nchat ba ma̱ cha̱chaat nang a nchat nung a̱ni.

Yoona 17:3

“Swuan sang sangba̱p jini ja yet; á̱niet ba ba̱ lyen ang, nang nwan wa ma̱nyin ang ngyet a̱tsatsak A̱gwaza wu, ma̱ng Yesu Kristi, a̱tyo nang a ku nta̱m ndyo mi̱ swanta hu a̱ni.

Yoona 17:8

A̱lyiat na nang a ku hyia̱ ma̱ng a̱nung nyia̱ n si̱ hyia̱ ma̱ng mba a̱ni; n ku hyia̱ ma̱ng a̱mba, ba̱ si̱ san. Ba̱ lyen za̱m nang nung n neet da̱ a̱vwuo ang kya. A̱wot ba̱ si̱ nwuak a̱chuchuk nang nwan wa ta̱m nung.

Yoona 3:17

“A̱gwaza ku ta̱m ma̱ng nggwon nggu ka mi̱ swanta hu, da̱nian ka̱ ka yet a̱tyu nyia̱ shi̱ri̱ya wa bah. A̱ ku ta̱m ma̱ng a̱nka da̱nian ka̱ ka yet A̱tyusan á̱niet mi̱ swanta bya, ba̱ shya̱ swuan da̱ a̱vwuo nka kya.

Yoona 6:19

Nang mman ta̱m Yesu na ka̱n duk kukwon a̱wak hu a̱ nyia̱ a̱ka̱tyong a̱tat si̱ nat a̱naai; ba̱ si̱ kin ndi Yesu gu chong tazwa a̱sa̱khwot ka, a̱ chobai kpa̱mkpaan ma̱ng kukwon a̱wak mba hu! A̱wun si̱ ta̱bat baa, ba̱ si̱ ya̱dyuut!

Yoona 7:29

A̱wot nung, n dyen gu, mat n neet da̱ a̱vwuo nggu kya. Nggu wa ta̱m nung.”

Yoona 8:19

Ba̱ si̱ lyip Yesu, nyia̱ “A̱tyia̱ ang wu shya̱ a̱ji wa?” Yesu si̱ nwuak ba shim nyia̱, “Mat nang nyi ndyen nung a̱ni bah, huhwa mbyia̱ nang nyi ndyen A̱tyia̱ nung wu bah. Ka̱ nyi wa lyen nung, si̱ nyi lyen A̱tyia̱ nung wu mameang.”

Yoona 8:55

“Nyin, nyi lyen gu bah. A̱wot nung, n dyen nggu. Ki̱ n nyia̱ di̱ n dyen gu bah, n na ngyet a̱tyu bwoi a̱ka̱laa cha̱chaat ma̱ng a̱nyin. A̱wot n dyen nggu za̱m, a̱wot n si̱ khwi a̱lyiat nggu na.

Nta̱m A̱yaata̱m 17:23

“Mat a̱nia, nang n chong kat a̱keang nyin ka a̱ni, n si̱ ndi nkyang nang nyi nkwok ntong a̱ni. A̱wot n si̱ ndi a̱tyii nang á̱ khap á̱ sak a̱gwaza da̱nang á̱ lyen a̱ni bah. A̱gwaza wuni nang nyi kwok gu ntong na, di̱ mi̱ lyen nggu a̱ni. Nggu wa nang n bai n shei ma̱ng a̱nyin, nyi lyen nggu!

Nta̱m A̱yaata̱m 26:18

Nwan wa na tat ba á̱ghyi ba, da̱nian ba̱ ka ghwut mi̱ ndyin, ba̱ nat da̱ a̱vwuo sai; a̱wot a tyia̱ ba̱ ghwut mi̱ ntyok A̱ta̱nyeang ba̱ nwuo Tyok A̱gwaza hu. A̱jawa A̱gwaza na chi a̱ka̱tuk nyia̱ mba wu. A̱wot ba̱ na shya̱ a̱vwuo nswat dundung ma̱ng á̱niet ba̱ yet á̱si̱ A̱gwaza a̱ni; bibya á̱ khap á̱ sak da̱nian ba̱ ka nwuak fwuo da̱ nung.’

A̱romawa 1:28

A̱wot ku nang ba̱ ndam, nyia̱ ku yet bwuon hwa ba̱ san A̱gwaza mi̱ nfwuo mba na a̱ni, A̱gwaza si̱ ghwon mba ba̱ ya a̱son ma̱ng nyia̱ kuzang tangka̱i a̱shi̱shi̱k nkyang nsum á̱ nchi̱ri̱ng, da̱ na̱ myim ba̱ nyia̱ a̱ni bah.

A̱romawa 3:11

Á̱ mbyia̱ a̱tyu a̱ byia̱ a̱tsatsak mumwang a̱ni bah. Da̱ mba, á̱ mbyia̱ a̱tyu a̱ chat a̱ shya̱ A̱gwaza a̱ni bah.

A̱romawa 3:26

Nang A̱gwaza nnyap fwuo nggu hu a̱ni, a̱ nwuan á̱zanson, a̱ si̱ mun a̱ ntyia̱ á̱niet gbangbang a̱bya di̱ kyang nang gu na nyia̱ di̱ yong huni a̱ni, a̱ ka tak nang nggu ma̱ a̱pyia̱ nggu ngyet a̱tsotswat wa. A̱wot a̱ bu chat a̱ tak kpa̱sai nang gu nkyiak konyan a̱ yet a̱tsotswat ma̱ng sang a̱bun a̱zaghyi nggu di̱n vak nwuak fwuo di̱ Yesu.

1 A̱korontiyawa 1:21

Nang A̱gwaza mami mumwang nggu hu ntyia̱ swanta hu ku lyen gu mat mumwang a̱tyubishyi hwa a̱ni bah; huhwa mbyia̱ A̱gwaza khai gu san á̱niet ba̱ nwuak fwuo da̱ a̱nggu, mat shei a̱lyiat nang á̱ nwuan nang bwuon hwa a̱ni.

1 A̱korontiyawa 15:34

Nyi nyia̱ á̱tsatsak a̱di̱dam di̱ kyang ku yet a̱tan a̱ni. A̱wot nyi ghwon a̱ka̱tuk nyia̱. Mat á̱ghyang á̱niet ma̱ nyin lyen A̱gwaza bah, ku yet kyang nsum hwa.

2 A̱korontiyawa 4:4

A̱ta̱nyeang ka ka̱ yet a̱gwaza swanta wuni a̱ni, a̱ tyia̱ lyin mi̱ nfwuo á̱niet ba̱ nwai nwuak a̱chuchuk wu a̱ni. Ba̱ si̱ mi̱n di a̱sai a̱kyenkyai shi A̱sham Nkhang wu bah. Ba̱ si̱ lak fi̱k a̱lyiat nani tazwa a̱kyenkyai shi Kristi, a̱tyu a̱ tai A̱gwaza ma̱ cha̱chaat a̱ni.

2 A̱ta̱solonikawa 1:8

Di̱n jen bwuok bai nggu ji, á̱niet ba ba̱ lak lyen nggu hu a̱ni, ma̱ng á̱si̱ ba ba̱ lak khwi A̱sham Nkhang A̱tyoli Yesu nzi̱t ka a̱ni, A̱gwaza na nyia̱ mba shi̱ri̱ya.

Ibriniyawa 8:11

A̱wot á̱ bu na mbyia̱ a̱tyu a̱ na tyiet a̱ghyang a̱ni bah; ku á̱kpa̱ndang swat, ku á̱na̱nyiuk nyia̱,’ ‘Ku myim nyi lyen A̱gwaza.’ Mat konyan wa ka̱n dyen nung, neet da̱ a̱da̱dei si̱ nat da̱ a̱gba̱ndang.

1 Yoona 1:9

A̱wot ki̱ zi̱ shim, zi̱ si̱ tak a̱ka̱tuk nyia̱ nzi̱t wu kpa̱sai a̱zaghyi A̱gwaza, a̱ yet a̱tsotswat ma̱ng a̱chuchuk nang gu na nchi a̱ka̱tuk nyia̱ nzi̱t wu a̱ni. A̱wot a̱ bu jaat a̱mgba̱m á̱kpa̱kpa̱t nzi̱t na.

Tyai Á̱zanson 13:8

A̱wot a̱mgba̱m á̱niet ba̱ shya̱ mi̱ swanta hu a̱ni, si̱ kwok ntong a̱zaghyi a̱ka̱tuk nyam a̱yit wu. Bibya yet á̱niet ba nang á̱ nwai lyuut lyulyoot mba hu mi̱ Ta̱ka̱da Nswuan hu neet nang á̱ ka̱n mmat swanta hu bah. Ta̱ka̱da hu ku yet si̱ Fi̱ng A̱nfwuk hu nang á̱ ku faat a̱ni.

Tyai Á̱zanson 16:5

A̱wot n si̱ nfa̱k a̱ta̱m tswa A̱gwaza a̱ chok a̱mgba̱m a̱sa̱khwot na a̱ni nyia̱, “Nwan, A̱za̱za̱rak A̱gwaza, a fak shi̱ri̱ya ang ji tsotswat, nwan wa nshya̱ a̱fwun, a̱wot a ku nshya̱ gbangbang, mat nwan wa nyia̱ shi̱ri̱ya jini!