Yoona 17:24 - A̠lyiat A̠gwaza na di̠n Tyap: A̠li̠ka̠uli A̠fai

²⁴ “A̱tyia̱ nung, n chat á̱niet bani nang a nwuak nung a̱ni, ba̱ swan dundung ma̱ng a̱nung di̱n tyan nang a nshya̱ a̱ni, da̱nian ba̱ ka li a̱kyenkyai shi ang wu, nang a ku nwuak nung a̱ni. A ku chat nung neet nang a ka mat swanta hu bah.

Yoona 17:24 Iomraidhean Croise

Matyu 25:21

“A̱tyoli wu si̱ nyia̱ ma̱ng a̱nggu, ‘A yet a̱tan ma̱ng a̱tsotswat a̱khwo, a nyia̱ shansham! A nyia̱ tsotswat di̱ nkyang ma̱ chunchwiit. Mat a̱nia, n na ntyia̱ ang nkyang ma̱ a̱di̱di̱t mbwak. Bai, a gwai dundung ma̱ng a̱nung!’

Matyu 25:23

“A̱tyoli nggu wu si̱ nyia̱ ma̱ng a̱nggu, ‘A yet a̱tan ma̱ng a̱tsotswat a̱khwo wa, a nyia̱ shansham. A nyia̱ tsotswat di̱ nkyang ma̱ chunchwiit. Mat a̱nia, n na ntyia̱ ang nkyang ma̱ a̱di̱di̱t mbwak. Bai, a gwai dundung ma̱ng a̱nung!’

Matyu 25:34

“A̱wot nung, ngyet A̱gwam wu a̱ni, n na nyia̱ ma̱ng á̱niet a̱zayak na nyia̱, ‘Nyi bai, nyin á̱niet nang A̱tyia̱ nung wu tyia̱ mba a̱li̱ba̱rka a̱ni, nyi san gado tyok hu nang A̱gwaza mi̱ njhyi a̱ sak nyin ndyo, neet di̱ mat swanta hu a̱ni.

Matyu 26:29

N tak ma̱ng a̱nyin a̱tsak a̱lyiat, n bu si̱ mi̱n swuo a̱sa̱khwot sum a̱na̱p nani bah, si̱ a̱tuk nang n bye nswuo na a̱fai dundung ma̱ng a̱nyin mi̱ Tyok A̱tyia̱ nung hu a̱ni.”

Luka 12:37

Á̱khwo ba ba̱ shya̱ di̱ swan fwuong bwuok a̱tyoli mba hu a̱ni, á̱ na nang ba zang. N tak nyin a̱tsak a̱lyiat; a̱tyoli wu ma̱ a̱pyia̱ nggu, na tyia̱ ba̱ swan, a̱wot gu kup a̱yaatoot nta̱m nggu ba, a̱ bai a̱ ka̱u mba nkyayak na, ba̱ ya!

Luka 23:43

A̱jawa Yesu si̱ nyia̱ ma̱ng a̱nggu, “A̱tsak a̱lyiat, a̱fwun kani, a na shya̱ dundung ma̱ng a̱nung Ma A̱gwaza Tswazwa!”

Yoona 1:14

Swang A̱lyiat ji ku tyia̱ a̱tyubishyi. A̱ si̱ swan dundung ma̱ng a̱nzi̱t. Zi̱ si̱ li a̱kyenkyai shi nggu wu. A̱ si̱ byia̱ shok ma̱ng a̱chuchuk gba̱mgbam. A̱kyenkyai shi wuni wa ku tak nang gu ma̱nyin gu neet da̱ a̱vwuo A̱gwaza.

Yoona 12:26

Konyan wa nyia̱ nung ta̱m a̱ni, ku yet ta hwa gu khwi nung. Mat a̱mgba̱m a̱vwuo ka nang n shya̱ a̱ni, a̱ja wa nang a̱khwo nung wu na nshya̱ dundung ma̱ng a̱nung. A̱tyia̱ nung wu mameang, na nwuak a̱tyu a̱ nyia̱ nung ta̱m a̱ni shi.”

Yoona 14:3

Ka̱ n nat n si̱si̱ njhyi nyin a̱vwuo nswat ka, n na mbwuok mbai n ba̱ kyiak nyin nat ndyo da̱ a̱vwuo nung ka. Da̱nian nyin mameang, nyi ka swan dundung ma̱ng a̱nung da̱ a̱vwuo nang n shya̱ a̱ni.

Yoona 15:9

“Ma̱nang A̱tyia̱ wu nchat nung a̱ni; ma a̱nia wa nang n chat nyin. Ma̱ninika, nyi ya a̱son ma̱ng swan mami chat nang n tak nyin a̱ni.

Yoona 17:2

A nwuak Nggwon ang ka tyok tazwa a̱mgba̱m á̱niet ba. Da̱nian ka̱ ka nnwuak á̱niet ba nang a nwuak nka a̱ni swuan sang sangba̱p.

Yoona 17:22

“Nung, n nwuak á̱niet a̱bya shi nang a nwuak nung a̱ni. Da̱nian ba̱ ka mun á̱pyia̱ ma̱ng á̱ghyang; ma̱nang nung ma̱ng a̱nwan, zi̱ mun á̱pyia̱ ma̱ng á̱ghyang a̱ni.

Yoona 17:5

A̱wot ma̱ninika, A̱tyia̱ nung, bu nwuak nung a̱kyenkyai shi nang n ku mbyia̱ a̱zaghyi ang, neet nang á̱ ka̱n mat swanta hu a̱ni bah.

Yoona 6:37

“A̱mgba̱m á̱niet ba nang A̱tyia̱ nung wu nwuak nung a̱ni, ba̱ na bai da̱ a̱vwuo nung. A̱wot a̱tyu a̱ bai da̱ a̱vwuo nung a̱ni, n si̱ mi̱n dak gu bah, ku ma̱ chunchwiit!

Yoona 6:39

“Ta̱m A̱tyu a̱ ta̱m nung a̱ni, huhwa yet; ki̱ di̱ a̱tyo nyiung gu di̱ bwuk mami á̱niet nang gu nwuak nung a̱ni. A̱wot n ba̱ nta̱ngam mba ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.

Yoona 8:58

Yesu mameang si̱ nwuak ba shim nyia̱, “N na ntak ma̱ng a̱nyin a̱tsatsak a̱lyiat; kyiak neet nang á̱ ka̱n byin Ibrahim bah, nung gwa ngyet A̱gwaza wu!”

1 A̱korontiyawa 13:12

Ma̱ninika, zi̱ nwuan ghyughyui nang ghwughwu mi̱ ma̱dubi a̱ni. A̱wot jen chobai, zi̱ na li kuzang kyang kpa̱sai, á̱ghyi ma̱ng á̱ghyi. Ma a̱nia wa, a̱mgba̱m nkyang nang n dyen ma̱nini a̱ni, na̱ yet a̱jhyem wa bah. A̱wot jen chobai, n na ndyen kuzang kyang cha̱chaat, di̱ si̱sak ji nang A̱gwaza ndyen nung cha̱chaat a̱ni.

2 A̱korontiyawa 3:18

Mat a̱nia, a̱mgba̱m nzi̱t nang á̱ ka̱n khwuk nzi̱t a̱toot a̱wa ma̱ a̱ghyi nzi̱t ba a̱ni, zi̱ byia̱ a̱wat zi̱ li zi̱ bu tak shi A̱gwaza hu kpa̱sai. A̱wot A̱gwaza wu, a̱ yet A̱za̱za̱rak Ntswa wu a̱ni, a̱ ni̱ tyia̱ zi̱ li nang nggu a̱ni kuzang jen. Mat nang nggu nshai za̱kwa nzi̱t ji zi̱ ka tai nggu ma̱ng a̱kyenkyai shi nggu wu a̱ni.

2 A̱korontiyawa 4:6

Mat A̱gwaza wa ku hyia̱ nyia̱, “Yok sai hu, ku sai mi̱ ndyin hu!” Nggu wa bu tyia̱ sai huni ku sai mi̱ nfwuo nzi̱t na, mat zi̱ ka lyen a̱kyenkyai shi A̱gwaza wu ma̱ a̱ghyi Yesu Kristi ba, a̱ ya á̱ghyi ma̱ mya̱myat a̱myat nang á̱ nwuan a̱ni.

2 A̱korontiyawa 5:8

A̱tsak a̱lyiat, zi̱ byia̱ gbang a̱lyia̱ ba̱t. A̱wot zi̱ bu na chat zi̱ shya̱ zan ma̱ng nvam swanta nani, da̱nian zi̱ ka swan a̱mali dundung ma̱ng A̱tyoli nzi̱t wu Yesu.

A̱filibiyawa 1:23

Ku vwuo nung a̱khwu n khai mi̱ nkyang nfeang nang n byia̱ di̱dang a̱ni: Nyiung hu, huhwa yet; n chat nat da̱ a̱vwuo Kristi. Huhwa lan nung ma̱ za̱nzan.

1 A̱ta̱solonikawa 4:17

A̱jawa nzi̱t á̱niet khwi Yesu ba̱ ni̱ swuan a̱ni, a̱mgba̱m zi̱t ma̱ng a̱mba á̱ na kyiak zi̱t á̱ nat ndyo mi̱ kyai tswazwa, zi̱ si̱ myim ndung ma̱ á̱ni̱nian ma̱ng A̱tyoli Yesu. A̱wot zi̱ na swan ndung ma̱ng a̱nggu si̱ nat sang sangba̱p.

1 Bitut 1:21

Mami Kristi kya nang nyi nnwuak fwuo da̱ A̱gwaza. A̱wot nyi si̱ nwuak a̱chuchuk ma̱ng tyia̱ fwuo da̱ A̱gwaza, mat a̱ ku ta̱ngam Kristi ma̱ á̱niet ba̱ ka̱n kwi a̱ni, a̱wot a̱ si̱ nwuak gu a̱gba̱ndang shi.

1 Yoona 3:2

Á̱kpa̱ndang nung ba nang n chat a̱ni, nang zi̱ ngyet mman A̱gwaza nia ma̱nini a̱ni, ma̱ng a̱nia á̱ ka̱n tyai tangka̱i á̱niet nang zi̱ na yet a̱ni bah. A̱wot zi̱ lyen za̱m nang ka̱ Kristi ba̱ bwuok a̱ bai, zi̱ na tai nggu. Mat zi̱ na li nggu ma̱ cha̱chaat ma̱nang gu ndi a̱ni.

Tyai Á̱zanson 21:22

N ku ndi A̱li Nwuat Za̱nang A̱gwaza ma̱ a̱keang ka bah. Mat A̱gwaza a̱ byia̱ A̱mgba̱m tyok a̱ni ma̱ng Fi̱ng A̱nfwuk hu; bibya yet A̱li Nwuat Za̱nang A̱gwaza ka!

Tyai Á̱zanson 3:21

A̱mgba̱m á̱niet ba̱ swuo chet swanta hu a̱ni, ba̱ na shya̱ a̱vwuo nswat tyok ma̱ng a̱nung; ma̱nang n ku nswuo chet swanta hu, n si̱ nswan ma̱ng A̱tyia̱ nung wu ma̱ a̱gba̱ndang chuk tyok nggu wu a̱ni!