Yoona 17:23 - A̠lyiat A̠gwaza na di̠n Tyap: A̠li̠ka̠uli A̠fai

²³ N na swan dundung ma̱ng a̱mba; nwan mameang, a ma nswan dundung ma̱ng a̱nung. Yok ba̱ mun á̱pyia̱ za̱m, ku na tyia̱ á̱niet ma̱ a̱di̱di̱t mi̱ swanta hu ba̱ lyen nang nwan wa nta̱m nung; a̱wot ba̱ bu lyen nang a nchat ba ma̱ cha̱chaat nang a nchat nung a̱ni.

Yoona 17:23 Iomraidhean Croise

Yoona 10:38

A̱wot ki̱ nta̱m A̱tyia̱ nung nia nang n nyia̱, ku da̱ nyi nwuak fwuo da̱ nung bah; ku myim nyi nwuak a̱chuchuk di̱ nta̱m a̱ga̱de na; nyi ka lyen, nyi bu fi̱k nang A̱tyia̱ wu nshya̱ dundung ma̱ng a̱nung; nung mameang n si̱ shya̱ dundung ma̱ng a̱nggu.”

Yoona 13:35

A̱nia wa na mbyia̱, konyan mi̱ swanta hu á̱ nfi̱k nang nyi ngyet mman ta̱m nung nia.”

Yoona 14:10

A nwuak a̱chuchuk nyia̱ n shya̱ mami A̱tyia̱ nung wu, A̱tyia̱ nung wu mameang, si̱ shya̱ mami nung baa? A̱lyiat nang n ndyiat ma̱ng a̱nyin a̱ni, n ndyiat naa mi̱ tyok a̱pyia̱ nung hwa bah. A̱tyia̱ nung wa a̱ swan mami nung ka a̱ni; nggu wa ma̱ a̱pyia̱ nggu nyia̱ nta̱m gu.

Yoona 14:23

Yesu si̱ ma nwuak gu shim nyia̱, “Konyan wa chat nung a̱ni, a̱ na khwi á̱lyiat nung na. A̱wot A̱tyia̱ nung wu na chat gu. Nung ma̱ng A̱tyia̱ nung wu, zi̱ na bai da̱ a̱vwuo nggu, zi̱ swan dundung ma̱ng a̱nggu.

Yoona 15:9

“Ma̱nang A̱tyia̱ wu nchat nung a̱ni; ma a̱nia wa nang n chat nyin. Ma̱ninika, nyi ya a̱son ma̱ng swan mami chat nang n tak nyin a̱ni.

Yoona 16:27

“Nggu A̱tyia̱ wu fa̱k da̱ nyin ma̱ a̱pyia̱ nggu, mat si̱sak nang nyi nfa̱k da̱ nung a̱ni, a̱wot nyi si̱ bu nwuak a̱chuchuk nang n neet da̱ a̱vwuo gu kya.

Yoona 17:11

“A̱wot ma̱ninika, n bwuot chobai da̱ a̱vwuo ang. N bu na swan mi̱ swanta huni bah. Bibya ni̱ ya nswan mi̱ swanta hu. Nwan A̱za̱za̱rak A̱tyia̱ nung! Chok ba ma̱ng tyok a̱lyoot ang nhu; a̱lyoot ka nang a ku tyia̱ nung da̱nian ba̱ ka mun á̱pyia̱ ma̱ng á̱ghyang; ma̱ cha̱chaat nang nwan ma̱ng a̱nung, zi̱ mmun á̱pyia̱ ma̱ng á̱ghyang a̱ni.

Yoona 17:21

A̱tyia̱ nung, n naai da̱nian a̱mgba̱m á̱niet khwi ba ba̱ mun á̱pyia̱ ma̱ng á̱ghyang, ma̱nang nwan ma̱ng a̱nung zi̱ mun á̱pyia̱ ma̱ng á̱ghyang a̱ni. N naai da̱nian mba mameang; ba̱ na mun á̱pyia̱ ma̱ng a̱nzi̱t da̱nian á̱niet mi̱ swanta ba na nwuak a̱chuchuk nang nwan wa nta̱m nung mi̱ swanta hu.

Yoona 17:24

“A̱tyia̱ nung, n chat á̱niet bani nang a nwuak nung a̱ni, ba̱ swan dundung ma̱ng a̱nung di̱n tyan nang a nshya̱ a̱ni, da̱nian ba̱ ka li a̱kyenkyai shi ang wu, nang a ku nwuak nung a̱ni. A ku chat nung neet nang a ka mat swanta hu bah.

Yoona 17:26

N si̱ ntyai mba si̱sak ji nang za̱kwa ang ji ndi a̱ni. A̱wot n bu na ngya a̱son ma̱ng tyai mba ndyo hu. Da̱nian mba, ba̱ ma nshya̱ tangka̱i chat nang a tak nung a̱ni; nung mameang, n swan dundung ma̱ng a̱mba.”

Yoona 17:3

“Swuan sang sangba̱p jini ja yet; á̱niet ba ba̱ lyen ang, nang nwan wa ma̱nyin ang ngyet a̱tsatsak A̱gwaza wu, ma̱ng Yesu Kristi, a̱tyo nang a ku nta̱m ndyo mi̱ swanta hu a̱ni.

Yoona 17:8

A̱lyiat na nang a ku hyia̱ ma̱ng a̱nung nyia̱ n si̱ hyia̱ ma̱ng mba a̱ni; n ku hyia̱ ma̱ng a̱mba, ba̱ si̱ san. Ba̱ lyen za̱m nang nung n neet da̱ a̱vwuo ang kya. A̱wot ba̱ si̱ nwuak a̱chuchuk nang nwan wa ta̱m nung.

Yoona 3:17

“A̱gwaza ku ta̱m ma̱ng nggwon nggu ka mi̱ swanta hu, da̱nian ka̱ ka yet a̱tyu nyia̱ shi̱ri̱ya wa bah. A̱ ku ta̱m ma̱ng a̱nka da̱nian ka̱ ka yet A̱tyusan á̱niet mi̱ swanta bya, ba̱ shya̱ swuan da̱ a̱vwuo nka kya.

Yoona 6:56

Konyan wa ya nam vam nung hu, a̱ si̱ swuo a̱sok nung na; a̱tyu a̱wa swan dundung ma̱ng a̱nung. A̱wot nung mameang, n shya̱ dundung ma̱ng a̱nggu.

1 A̱korontiyawa 1:30

A̱gwaza wa tyia̱ nyi si̱ mun á̱pyia̱ ndung ma̱ng Kristi Yesu. A̱gwaza si̱ bwuak Kristi a̱ ntyia̱ mumwang nggu nang a̱tyubishyi a̱ni, da̱nian zi̱ ka shya̱ kpangti̱n. Kristi si̱ tyia̱ zi̱ yet á̱tsotswat ma̱ng A̱gwaza. A̱ si̱ jaat zi̱t zi̱ yet a̱za̱za̱rak. A̱wot a̱ si̱ ti̱n zi̱t ma̱ a̱ka̱tuk nyia̱.

2 A̱korontiyawa 5:21

Mat A̱gwaza tyia̱ Kristi, a̱ ka̱ nwai nyia̱ a̱ka̱tuk nyia̱ a̱ni, gu yet za̱nang a̱ka̱tuk nyia̱ nzi̱t. Da̱nian A̱gwaza a̱ ka tak kpa̱sai nang gu nkyiak nzi̱t á̱tsotswat á̱niet sang a̱bun a̱zaghyi nggu, di̱n vak Kristi.

A̱ga̱la̱tiyawa 3:28

Mat a̱nia, á̱ bu nkhap a̱tyu A̱yahudawa ma̱ng a̱tyu Nnwap a̱ nwai yet A̱yahudawa a̱ni zan bah. Da̱ mba, á̱ nkhap a̱khwo ma̱ng nggwon a̱li zan bah. Da̱ mba, á̱ nkhap a̱tyok ma̱ng a̱byii̱k zan bah. A̱mgba̱m nyin, nyi yet kyang nyiung hwa, mat mun á̱pyia̱ nyin hu ma̱ng Yesu Kristi.

A̱filibiyawa 3:15

A̱mgba̱m nzi̱t zi̱ ka̱n tat a̱ghyi mi̱ khwi Kristi hu a̱ni, si̱ zi̱ shim nkyang nani ma̱ng fwuo nyiung. A̱wot ka̱ a̱yin ma̱ nyin ma byia̱ kyang ku vwuon ma̱ng si̱ huni a̱ni, n nwuak a̱chuchuk A̱gwaza na tyai nggu hu kpa̱sai.

A̱kolosiyawa 1:28

Mat a̱nia, zi̱ shei konyan A̱sham Nkhang Kristi ka. Zi̱ si̱ gba, zi̱ si̱ bu tyiet konyan, ma̱ng a̱mgba̱m mumwang hu nang A̱gwaza nang nzi̱t a̱ni. Da̱nian zi̱ ka neap konyan nang a̱ tat á̱ghyi a̱tyu khwi a̱ni da̱ a̱vwuo A̱gwaza, di̱ mun á̱pyia̱ nggu hu ndung ma̱ng Kristi Yesu.

A̱kolosiyawa 2:2

N chat n tyia̱ mba gba̱gbak, da̱nian ba̱ ka mun á̱pyia̱ ma̱ng á̱ghyang mami a̱tsatsak chat á̱ghyang. N chat ba̱ byia̱ a̱jhyem a̱gwai ma̱ng nwuak a̱chuchuk nang á̱ shyat da̱ a̱tsatsak lyen a̱ni. Da̱nian ba̱ ka fi̱k la̱p sak A̱gwaza ku shya̱ di̱ niat a̱ni; huhwa yet Kristi ma̱ a̱pyia̱ nggu.

A̱kolosiyawa 3:14

A̱wot kyang ku yet a̱ swak a̱ni, huhwa yet; nyi ni̱ nchat á̱ghyang nyin nchi̱ri̱ng nang a̱yin ni̱ nkup a̱toot a̱ni. Mat chat á̱ghyang huhwa mun nzi̱t ndung mami a̱tsatsak swat nyinyang.

1 Bitut 5:10

A̱wot A̱gwaza a̱ byia̱ a̱mgba̱m shok a̱ni, nggu wa yorong nyin nyi ya gado mi̱ a̱kyenkyai shi sang sangba̱p nggu wu mami a̱lyoot Kristi. Mat a̱nia, ka̱ nyi swuo a̱bung da̱ a̱banjen ma̱ a̱da̱dei, a̱ na bwuok ma̱ng a̱nyin kuzang kyang, a̱ beang nyin, a̱ byia̱k nyin, a̱ tyia̱ nyin chet. A̱wot a̱ kpaat nyin di̱ kuntyin ku byia̱ chet a̱ni.

1 Yoona 1:3

A̱lyiat Nswuan a̱nia, nang zi̱ ka̱n di zi̱ si̱ bu fa̱k a̱ni, ni̱nia nang zi̱ shei nyin, da̱nian nyi ka mun á̱pyia̱ ma̱ng a̱nzi̱t. A̱wot zi̱ mun á̱pyia̱ dundung ma̱ng A̱tyia̱ nzi̱t wu a̱ yet A̱gwaza a̱ni, mbeang Nggwon nggu ka, Yesu Kristi.

1 Yoona 3:1

Nyi dam si̱sak ji nang A̱tyia̱ nzi̱t wu nchat zi̱t a̱tsatsak chat a̱ni, mat a̱ kyiak zi̱t nang mman nggu a̱ni. A̱tsak a̱lyiat mman nggu ni̱nia nang zi̱ yet. A̱mgba̱m ma̱ng yet mman A̱gwaza nzi̱t hu, á̱niet mi̱ swanta ba fi̱k nang zi̱ ngyet mman nggu nia bah, mat si̱sak nang ba̱ ndyen nggu a̱ni bah.

1 Yoona 4:19

Zi̱ chat á̱ghyang, mat A̱gwaza wa tsa chat zi̱t hu.

Tyai Á̱zanson 3:9

Nyi fa̱k! N na ntyia̱ á̱niet ba̱ yet á̱si̱ tutu a̱tung A̱ta̱nyeang a̱ni, ba̱ nyia̱ ba̱ yet á̱tsatsak A̱yahudawa a̱ni, a̱wot a̱nia wa ba̱ ndi bah. Ba̱ bwoi a̱ka̱laa nia. N na ntyia̱ mba ba̱ kpaat a̱khwukhwut a̱zaghyi nyin. A̱jawa ba̱ na ndyen nang nyin bya ngyet á̱niet nang n chat a̱ni.