Yoona 17:22 - A̠lyiat A̠gwaza na di̠n Tyap: A̠li̠ka̠uli A̠fai

²² “Nung, n nwuak á̱niet a̱bya shi nang a nwuak nung a̱ni. Da̱nian ba̱ ka mun á̱pyia̱ ma̱ng á̱ghyang; ma̱nang nung ma̱ng a̱nwan, zi̱ mun á̱pyia̱ ma̱ng á̱ghyang a̱ni.

Yoona 17:22 Iomraidhean Croise

Ma̱rkut 6:7

A̱wot Yesu si̱ nwuai a̱ kat a̱bachyuang a̱ka̱keang a̱ tyiet á̱niet ba. A̱ si̱ yorong a̱yaata̱m swak ma̱ a̱feang ba dundung. A̱wot a̱ si̱ ta̱m ba a̱fafaan, a̱ si̱ nang ba tyok tazwa á̱ka̱tuk ntswá.

Luka 22:30

Da̱nian nyi ka swan ma̱ng a̱nung zi̱ ya tsa nswuo mi̱ Tyok nung hu. A̱wot nyi na swan da̱ a̱cha̱chet chuchuk tyok, nyi ya tyok tazwa kwaí swak ma̱ a̱feang Isi̱rela ji.”

Yoona 1:14

Swang A̱lyiat ji ku tyia̱ a̱tyubishyi. A̱ si̱ swan dundung ma̱ng a̱nzi̱t. Zi̱ si̱ li a̱kyenkyai shi nggu wu. A̱ si̱ byia̱ shok ma̱ng a̱chuchuk gba̱mgbam. A̱kyenkyai shi wuni wa ku tak nang gu ma̱nyin gu neet da̱ a̱vwuo A̱gwaza.

Yoona 1:16

A̱mgba̱m nzi̱t, mat a̱gba̱mgbam shok nggu ji ja nang zi̱ nshya̱ nwuo hu ma̱ sa̱t.

Yoona 14:20

A̱tuk a̱kyakya nang nyi na ndyen nang nung nshya̱ mami A̱tyia̱ nung; nyin, nyi si̱ ma nshya̱ mami nung; nung mameang, n si̱ ma shya̱ mami nyin.

Yoona 17:24

“A̱tyia̱ nung, n chat á̱niet bani nang a nwuak nung a̱ni, ba̱ swan dundung ma̱ng a̱nung di̱n tyan nang a nshya̱ a̱ni, da̱nian ba̱ ka li a̱kyenkyai shi ang wu, nang a ku nwuak nung a̱ni. A ku chat nung neet nang a ka mat swanta hu bah.

Nta̱m A̱yaata̱m 5:41

A̱yaata̱m Yesu ba si̱ ghwon a̱gba̱ndang a̱tung sot a̱cha̱chet A̱yahudawa wu ma̱ng a̱gwai. Mat A̱gwaza kyiak baa, ba̱ maai ba̱ swuo a̱bung ma̱ng nsum da̱nian a̱lyoot Yesu.

A̱romawa 8:30

A̱wot á̱niet ba nang A̱gwaza khai a̱ni, bibya gu yorong ba̱ bai da̱ a̱vwuo nggu. A̱wot á̱niet ba nang gu yorong a̱ni, a̱ si̱ tak kpa̱sai nang gu nkyiak mbaa á̱tsotswat á̱niet ma̱ng sang a̱bun a̱zaghyi nggu. A̱wot á̱niet ba nang gu tak kpa̱sai nang gu nkyiak mba á̱tsotswat á̱niet ma̱ng sang a̱bun a̱zaghyi nggu a̱ni, a̱ si̱ nang mba a̱kyenkyai shi nggu wu.

2 A̱korontiyawa 3:18

Mat a̱nia, a̱mgba̱m nzi̱t nang á̱ ka̱n khwuk nzi̱t a̱toot a̱wa ma̱ a̱ghyi nzi̱t ba a̱ni, zi̱ byia̱ a̱wat zi̱ li zi̱ bu tak shi A̱gwaza hu kpa̱sai. A̱wot A̱gwaza wu, a̱ yet A̱za̱za̱rak Ntswa wu a̱ni, a̱ ni̱ tyia̱ zi̱ li nang nggu a̱ni kuzang jen. Mat nang nggu nshai za̱kwa nzi̱t ji zi̱ ka tai nggu ma̱ng a̱kyenkyai shi nggu wu a̱ni.

2 A̱korontiyawa 5:20

Mat a̱nia, nzi̱t zi̱ yet á̱ghyi Kristi bya. Mat nzi̱t bya yet vak hu nang A̱gwaza ngyei á̱niet ba, ba̱ bai da̱ a̱vwuo nggu a̱ni. Zi̱ lyiat da̱ a̱kwonu Kristi, di̱n jen nang zi̱ nnaai nyin a̱ni nyia̱, “Nyi bai, nyi jhyi swat nyin hu, nyi ka nyia̱ kpa̱ndang ma̱ng A̱gwaza!”

2 A̱korontiyawa 6:1

Nang zi̱ ngyet á̱kpa̱ndang ta̱m dundung ma̱ng A̱gwaza a̱ni, zi̱ naai nyin nyi yok san za̱nang shok A̱gwaza ji, a̱wot nyi bu kai ji ghwon nang a̱buk kyang a̱ni bah.

A̱fisawa 2:20

Nyin, nyi li nang a̱li nang á̱ kpaat di̱ kuntyin a̱yaata̱m Yesu ma̱ng a̱yaata̱m a̱kwonu A̱gwaza a̱ni. A̱wot Kristi Yesu wa ma̱ a̱pyia̱ nggu yet a̱tsatsak a̱fang a̱ta̱m kuntyin nok wu.

A̱filibiyawa 1:29

Mat A̱gwaza nyia̱ nyin shok di̱ nang nyin a̱wat nyi nwuak fwuo di̱ Yesu Kristi wa ma̱nyin gu bah; a̱wot nyi bu shya̱ a̱wat swuo a̱bung kya da̱nian gu meang.

A̱kolosiyawa 1:24

A̱wot ma̱ninika, n gwai n swuo a̱bung da̱ a̱mgba̱m nkyang nang Kristi chat n swuo a̱bung da̱nian nggu a̱ni. A̱wot n gya a̱son ma̱ng swuo a̱bung huni mi̱ vam nung hu, da̱nian n ka beang vam nggu hu; huhwa yet á̱niet khwi nggu ba.

1 Yoona 1:3

A̱lyiat Nswuan a̱nia, nang zi̱ ka̱n di zi̱ si̱ bu fa̱k a̱ni, ni̱nia nang zi̱ shei nyin, da̱nian nyi ka mun á̱pyia̱ ma̱ng a̱nzi̱t. A̱wot zi̱ mun á̱pyia̱ dundung ma̱ng A̱tyia̱ nzi̱t wu a̱ yet A̱gwaza a̱ni, mbeang Nggwon nggu ka, Yesu Kristi.

1 Yoona 3:24

A̱mgba̱m á̱niet ba ba̱ khwi doka nggu ji a̱ni, ba̱ ni̱ byia̱ a̱meang di̱ mun á̱pyia̱ ma̱ng Yesu. Nggu meang, a̱ si̱ byia̱ a̱meang di̱ mun á̱pyia̱ ma̱ng a̱mba. A̱wot si̱sak ji nang zi̱ ndyen nang gu nswan swat mun a̱pyia̱ ma̱ng a̱nzi̱t a̱ni, huhwa yet: A̱za̱za̱rak Ntswa nggu wu nang gu ka̱n nang nzi̱t a̱ni, swan mi̱ nfwuo nzi̱t na.

1 Yoona 4:17

A̱wot nang zi̱ nswan di̱ mun á̱pyia̱ ma̱ng A̱gwaza a̱ni, zi̱ mban a̱tsatsak chat á̱ghyang. A̱jawa zi̱ na fa̱k a̱wun a̱tuk shi̱ri̱ya A̱gwaza ka bah. A̱wot zi̱ na yong a̱zaghyi A̱gwaza mi̱ gbang a̱lyia̱, mat zi̱ swan swat mun á̱pyia̱ ma̱ng a̱nggu mi̱ swanta hu ma̱nang Yesu ku nswan a̱ni.

Tyai Á̱zanson 21:14

Bat a̱keang hu byia̱ nfang kuntyin swak ma̱ a̱feang. A̱wot di̱ kuzang a̱fang á̱ si̱ ndyuut a̱lyoot a̱ta̱m a̱nyiung ma̱ a̱yaata̱m swak ma̱ a̱feang Fi̱ng A̱nfwuk ba.